TOEFL we GRE

1-Soal: Mening késpin «Binakarliq qurulushi».  Men GRE imtihanisi bergende ”General GRE” ni bérishim kérekmu, yaki ”Subject GRE” nimu?
 
Jawab: Oxshimighan aliy mekteplerning GRE gha qoyghan teliwi oxshash bolmaydu.  Oxshimighan kesiplerning hem shundaq.  Shunglashqa siz aldi bilen Amerikidiki aliy mekteplerdin ozingizning kespige toghra kélidighinidin bir-ikkini tallap, shu mekteplerning sizning kespingizdiki teleplirini tepseliy körüp béqing.  Mektep izdesh usuli töwendiki sehipide bar:
http://www.meripet.com/Soal/Soal06_mektepizdesh.htm


2-Soal: Men GRE imtihanisini bermey turupmu Yawropa mekteplirining asprantliq oqushigha iltimas qilalaymenmu?

Jawab: Oxshimighan aliy mekteplerning GRE gha qoyghan teliwi oxshash bolmaydu.  Oxshimighan kesiplerning hem shundaq.  Shunglashqa siz aldi bilen Yawropadiki aliy mekteplerdin özingizning kespige toghra kélidighinidin bir-ikkini tallap, shu mekteplerning sizning kespingizdiki teleplirini tepseliy körüp béqing.  www.meripet.com da Yawropadiki mektepler toghrisida xéle köp uchur bar bolup, shuningdin paydilinip mektep tapsingiz bolidu.

3-Soal: Men kéler yili küzning oqushigha iltimas qilmaqchi bolsam, GRE imtihanisini qaysi waqittin burun bérip bolushu kérek?

Jawab: Her bir mektepning iltimas qilish waqit cheklimisi bar bolup, Amérikidiki köpünche mekteplerning chet ellik oqughuchilar üchün belgülep bergen iltimas qilish waqti her yili 2-ayning axiri axirlishidu. Siz GRE imtihanisini ashu waqittin burun bérip bolsingiz bolidu.  Köpünche mektepler üchün iltimasni yollighan waqitta GRE netijingiz chiqip bolalmighan bolsimu bolidu. Lékin, u imtihanini choqum bérip bolghan bolishingiz kérek.  Siz eng yaxshisi özingiz iltimas qilmaqchi bolghan mektepning tor bétiki uchurlardin bu jehettiki teleplerni éniqlap béqing.


4-Soal: TOEFL we GRE imtihanliri 1000 yüendinmu qimmet iken. Men bir namrat oqughuchi, bu mesilini qandaq hel qilimen?

Jawab (Bürküt): U imtihanlar, bashqilar yilida 50,000 dollar, 5 yilda jemi 250,000 dollar (2 milyon yüen) pul serp qilip érisheleydighan sharaitqa, sizning heqsiz érishelishingizni kapaletke ige qilidighan imtihanlar. Hichkim sizni imtihan béring, amérikigha bérip oqung dep mejburlimaydu. Deslepki 2000-1000 yüenning méhridin kéchelmisingiz, bu sual-jawaplarni oqushni mushu yerde toxtatsingiz bolidu. Bolmisa waqtingizmu israp bolup kétidu.
Téjeshlik, iqsatchanliq bilen yashash, kurs échish, aile oqutquchisi bolush, bosh waqitlarda bashqa orunlarda ishlep anche-munche kirim qilish yoli bilen bunchilik pulning yolini qilghili bolidu.
Lékin, u imtihanlarni bérishtin burun, puxta teyyarliq qilip, özini yaxshi mölcherlep bérish kérek. Özini yaxshi molcherliyelmise, awal 100-20 yüen bilen bergili bolidighan, CET-4, CET-6, EPT qatarliq imtihanlarni bérip, özining sewiyisini dengsep körüsh, yéterlik sewiye hazirlighanda, u imtihanlarni birla qétim bérip, yaxshi nomur élish arqiliq bezi pul téjesh meqsetlirige yétish mumkin.


5-Soal: Men özümge nishanlighan mektepler asasen Amérika we En’gliyede. Undaqta qaysi imtihan’gha teyyarliq qilishim kérek?  Beziler GRE berse Oqush Mukapat Puli (scholarship) bilen oqughili bolidiken, déyishiwatidu.  Emma, u imtihanning qiyinliq derijisi intayin yuqiri iken.  Hemde imtihan sheklimu tolimu alahide iken.  Ürümqide uningha ait héchbir uchur tapqili bolmaydu.  Yaki TOEFL imtihanigha teyyarliq qilishim kérekmu? Chünki bu imtihanni nurghun mektepler telep qilidiken?

Jawab: Amérika, En’gliye qatarliq döletlerde Magistérliq we Doktorluq oqushigha kirishte TOEFL bilen GRE netijisi choqum telep qilinidu. özlükidin öginip, bu imtihanlarda layaqetlik netijige érishish asan emes, emma u mumkin. Ashundaq qilip chetke chiqqan Uyghur yashlar xéli bar.  Buning yene bir amali, Béyjing qatarliq sheherlerde mehsus TOEFL bilen GRE gha teyyarliq qilduridighan mektepler we kechlik kurslar bar iken. Eger iqtisadiy ehwalingiz yar berse, shu yolni tallisingizmu bolidu.


6-Soal: GRE , TOEFL, IELTS digendek xelq'araliq imtihanlardin qaysisi eng asan? Bularning birside netijige ige bolsa, yene birsini ishlitidighan orun'gha ishlimemdu?
 
Jawab: TOEFL bilen IELTS bolsa teng küchlük, aldinqisi shimali amérikini asas qilip, pütün dunya miqyasida ishlitilidu, kéyinkisi gherbiy yawropa we okyaniyeni asas qilip pütün dunya miqyasida ishlitilidu. TOEFL bilen IELTS ning birini yene birining ornida ishletkili bolidu. Lékin, tewsiye, shimali amérikini nishan qilsingiz TOEFL béring, gherbi yawropa we okyaniyeni nishan qilsingiz IELTS béring. Elwette TOEFL ning ishlitilish dairsi IELTS din kengrek, uni bilidighanlar köprek, uningmu tarixi uzunraq. (Yene bir tewsiye, qaysining puli erzanraq bolsa, sizge imtihan bérish qolay bolsa, shuni béring. TOEFL ning öginish matiryalliri IELTS ningkidin köp, hem TOEFL bilim taktikiliri GRE üchün téximu bekrek es qatidu.). Eger Amérikida asprantliqta oqumaqchi bolsingiz köp hallarda GRE nimu qoshup bérisiz, TOEFL peqet In'gilizche til imtihani, GRE bolsa asprantliqqa kirish imtihani désekmu bolidu


7-Soal: Men tofél imtihani bermekchi bolghan bir dostum üchün meslihet sorimaqchi. Dostum tofél imtihanigha tizimlatmaqchi bolup , imtihan orni élishta köp qétim aware bolupmu orun alalmaptu , tor betni achmaqmu tes bolghachqa , qandaq qilsa téz sür'ette orun alghili bolidighanliqini sorimaqchi ( pulni tölep boldum deydu ). Obdanraq amalini bilidighanlar , tejribisi barlar yol körsetsenglar, rehmet.

Jawab (Bürküt): Dostingizgha bu 2 betni tewsiye qilip béqing. Xenzu oqughuchilarning barliq 3600 xil tedbirining hemmisi digüdek bu yerde muzakire qilinishi mumkin.
http://bbs.gter.net/bbs/index.php
http://www.taisha.org/bbs/index.php
Rast gepni digende jungguda imtihan'gha qatnishidighanlar köp, imtihan nuqtisi, orni az bolghachqa mushundaq jiddichilik bolidu. Uning üstige bezi imtihan bermeydighan hayankeshler bu orunni sétiwélip, esli bahadin yuquri (bezide 3-2 hesse) sétip, hayankeshlik qilip, payda alidiken. Jungguda nime etiwar bolsa shuning bahasi qimmet bolidu.

Men amérikining oqughuchiliq wizisini alidighanda, uzunluqi, kengliki, igizliki bir ghérich kelmeydighan, qatlinidighan, yaghach orunduqning 4 saetlikini 200 yüen'ge ijarige élip, shu orunduqta bir kéche uxlimay, amérikining béyjingdiki elchixanisi aldida bir kéche öchiret saqlighan. Aldinqi kéchisidiki bir kéche piraktika qétiminimu hisaplighanda 2 kéche uxlimighan. Uningdek qatlinidighan kichik lata orunduqlarni shu waqitta magizindin yéngisini 5 yüen'ge sétiwélish mumkin idi. Men 4 saetlik ijarisige 200 yüen töligen. Öchiret turidighanlar yilandek uzirap, béyjingdiki chong qatnash yollirigha chiqip ketkechke, qatnash saqchilirimu bu ishqa arilishatti. Bir kéche uxlimay öchiret turidighanlarning sani 1000 din hergiz kam emes idi. Aldinqi yili esli normal bolghanda 1000 yüen'ge tizimlatqili bolidighan TOEFL imtihan ornini bir uyghur qérindishimiz hayankeshlerdin 2000 yüen'ge sétiwélip, imtihan bergenlikini éytqan idi.

Yene beziler hetta poyiz, ayrupilan bilen bashqa sheherge bérip shu yerdiki bosh orunda imtisan bergenlermu bar. Bu yil bir qanche uyghur qérindishimiz mexsus mushu TOEFL, GRE imtihanlirini bergili béyjingdin poyizgha olturup chéngdugha bérip imtihan bérip keldi, sewebi béyjingda orun yoq, chéngduda yaman teste orun tépiptiken. Yene bir qérindishimiz mushu imtihanni bergili junggudin malaysiyagha bérip, malaysiyada bu imtihanni bergen idi. Shunga bir qanche dostlar birliship, torda 24 saet nöwetliship küzitip, qachan bosh orun chiqsa, qaysi sheherdin chiqsa, derhal tizimlitiwélish yaki tordin hayankeshlerni izdep, shulardin yuquri bahada bolsimu sétiwélish charisini bolsimu qilish kérek.

Hayankeshlerni Baidu din TOEFL考位转让，TOEFL考位出售 digendek achquchluq sözler bilen izdep baqsa bolidu.

Bek ensirmisingizmu boldu. Awal siz qaysi sheherde?... Siz awal imtahan'gha teyyarliq qilghach turung, hazir ETS mtahandin 10 kün burun herqaysi imtahan meydanlirida orun qoyup birdiken! ( bu dimekchi imtahandin 10 kün burun adette ETS saqlap qoyghan orunlarni qaytidin ETS ning tor bikitide ilan qilidiken!)...

Ulanmisi: <http://bbs.xiaoma.com/thread-4175-1-1.html>

Shunga hazirche birdin-bir amal: bir qanche dostlar birliship, torda 24 saet nöwetliship küzitip, qachan bosh orun chiqsa, qaysi sheherdin chiqsa, derhal tizimlitiwélish charisini bolsimu qilish xenzu oqughuchilarning hazirqi 3,600 xil tedbirining biri bolup qaptu.

Dostingiz del men yoluqqan mesilige yoluquptu. Menmu esli 9.ayda, peqet bolmisa 10.ayda imtihanni bermekchi idim biraq junggoning pütün shehiridiki imtihan noqtilirining undaq tiz toshup bolidighanliqini oylapmu baqmighan idim. Axiri 11.ayning 15.künidiki imtihan'gha tizimlitip, imtihanni birip boldum. Hazir netije chiqishini kütüwatimen.

ETS torigha kiridighanlar köp bolghanliqtin tor bet échilish sür'iti bek asta, biraq azraq saqlap tursa choqum échilidu. Imtihan'gha nechche ay burunla tizimlitiwélish kirek iken (belkim yirim yil burun?), imtihan'gha tizimlitip bolup yéniwalidighanlarning chiqish éhtimali bolghanliqtin, shu betni qayta qayta yéngilisa bosh orun chiqip qélishimu momkin iken. Biraq men kompiyutir aldida qozuqtek olturup nechche saetlep yéngilighan bolsammu bosh orun chiqmighan.  450) this.width=450" border=0 yene bir éhtimalliq, bezi imtihan noqtilirigha imtihandin nechche kün burun orun seplishi momkin iken, biraq u hergizmu choqum digenlik emes. Mining mushu yil axirigha qalmayla iltimas qilishni bashlash pilanim bolghanliqtin undaq momkinlerge qarap qalghum kelmidi. Shunga izdep yürüp axiri imtihan'gha tizimlitip béridighan bir jayni taptim. Adrisi: www.jinyan.org <http://www.jinyan.org> , sizge orun tépip, tizimlitip bolghandin kiyin andin heq alidiken. Heqqi 300yüen. Bashta aldap salarmu dep qalghantim biraq rastinla ishenchlik iken. 1370yüen pulni tölep bolghandin kiyin NEEA ID, Passsward ni dep béridikensiz, ular siz töligen 1370 yüen pulni hergizmu éliwalalmaydu. Shunga xatirjem bolup béridighan orun, waqitni dep bersingiz bir hepte ichide choqum tizimlitip béridiken.

Men bashta 11.ayning 9.küni shienni tallighan idim (chünki ular 10.ay ichidin orun chiqmaydu digen idi) bir heptidin kiyin yene saqlap tur deydu, 10 kündin kiyinmu yene saqlap tur, choqum tizimlitip birimiz deydu. Imtihan'gha tizimlatmay turup xatirjem bolmay teyyarliqmu qilalmidim. Shu küni yene alaqilashsam 11.ayning 15.küni lenjudiki bir orun'gha maqul dep qalsam shu chaghdila tizimlitip béridighanliqini éytti, imtihanla bireleydighan ish bolsa meyli dep maqul diwettim. Tizimlitip bolghandin kiyin andin 300yüenni tölidim. Shu tordin tepsilatlarni körüp QQ bilen alaqilashsingiz hemmini özi dep béridu. 　

Dimek, bularning 24 saet kompyutérgha qarap olturidighan bir guruppa ademliri bar ikende. Daim torgha qarap, imtihan meydanida bosh orun barmu-yoq shuni tekshüridiken. Orun bolsila 10 minut waqit serp qilip, tizimlitip bérip 300 yüen heq alidiken. Bizning torxanida ishleydighan uyghurlirimizmu mushundaq mulazimet qilip, qoshumche kirim qiliwalsa boptiken.

Dimek, sizmu bu imtihanni bérish üchün, uzun seper qilip, lenjogha bérishqa mejbur boldum deng.

Mehsus Témilar:

© Copyright 2004 Uyghur Meripet Homepage: http://www.Meripet.com