Pat arida chet'elge mangidighanlar diqqet

Jeck

Menbesi: http://www.biliwal.com/modules.php?name=Forums&file=viewforum&f=43

Bu timininhi Uyghur kona yeziqidiki adersi: http://www.izdinix.com/munbar/ShowPost.asp?ThreadID=17810


Shundaq qilip yene chetke méngishning yuqiri dolquni yitip kilish aldida turidu.her yilning 8-ayning otturliridin tartip taki 9-ayning axirighiche bulghan waqit chetke oqush we yaki bashqa sewepler bilen mangidighanlar yuqiri chekke yitidu. Ene shu waqitlarda chetke mangidighanlar bérip nede turimen, yolda nime bular, nimilerge diqqet qilishim kirek, nimilerni élip nimilerni qoyushum kirek digen mesililer üstide ganggiraydu we uning buningdin sorashqa bashlaydu. Lékin bizning millitimizdiki bir yaman mijez shuki, ular shunda qilip ming bir japalar bilen baridighan yirige bériwalghandin kéyin üzidin kiyinmu yene shundaqlarning barlighini, ularningmu oxshashla mushu oxshash mesililerge düch kilidighinini untup qalidu. Shuning bilen bir adem tartqan japani keynidikiler oxshashla tartidu, téxi beziler bularni üzining "qimmetlik bayliqi" süpitide sir saqlap bashqilardin yushuridu. Birsi puti sépilghan tüshükke keynidikilerning hemmisi sépilidu. " teleylik " birersi bir yerlerdin üzi baridighan yerlerdiki birsining ilxet adirsini tépip meslehet sorap xet yazsa , bu ghujamlar aldirashchiliqidin menpeet yetküdek ikki éghiz jawap bermeydu. Bularni men küptürgenlikim emes belki men yaki mining tunushlirim uchrighan ishlar. Hazirghiche bizde téxi uchurlardin ortaq paydilinish, tejribisini kiyinkilerge yetküzüsh éngi yitilimidi. Eger her bir chet'elge chiqqan yoldashlirimiz üzining tejrébilirini azraq bolsimu yézip qaldurup mangsa bular bek nurghun uchur bop qalatti, kiyinkiler azraq japa tartatti. Yurtimiz, millitimiz üchün tühpe qushush qandaqtur oqush püttürup xizmet tapqandin kiyin melum pulni bir kimlerge iane qilish, we yaki karxana qurup ishsizlarni ishqa orunlashturushtila ipade tapmaydu.

Men pat yiqinda chetke mangidighanlarni küzde tutup ular belkim bashqilardin küp sorawatqan mesililer bulishi mumkin digen mesililer üstide bezi meslehetlerni yazdim. Mushulargha ihtiyajliq dep qarighan oruq -tuqqanliringlar bulsa yetküzüp qoyarsiler, chet'eldikiler bolsa silerge oxshash tiptiki soallar kelgen bulsa hem biridighan jawabinglar men bergen jawap bilen oxshash bulsa biwaste mushu yollanma adirsini birersiler.

1. Chetke méngishtin burun pulni qanda almashturimen.
üzingiz baridighan yerning qanda pul ishlitidighanni bilgendin kiyin shu pulgha biwaste almashturung. Tolaraq siz amrika dolliri yaki yawru bulushi mumkin. Siz aldi bilen baridighan dületning wizisini alghandin kiyn bankigha barsingiz 5000 dollar pulni shu künlük nisbet buyiche almashturup biridu. Buninggha siz peqet wizini kürsetsingizla bulidu. Bu bankining shexislerge pul almashturup birishtiki hazirqi eng yuqiri ülchimi. Eger mektepke oqush puli, yataq puli, sughurta we yene bashqa bir ishlar üchün pul tüleydighan bolsingiz mektepning ashu pullirini tüleshni telep qilip yazghan qeghezni élip kelsingiz ular shuninggha asasen mektep nechche pul digen bulsa shunchilik pulni yene almashturup biridu. Yaki biwaste mektepning teminligen banka hisawatigha urup biridu. Bu jeryanlarda bir nimini terjime qiling, bir yerdin ispat ekiling deydighan telepliri bar. Shunga eger bulargha ihtiyajliq bulsingiz aldi bilen bankigha bérip shularni tepsli sorap yéziwalghandin kiyin hemmini telepni tuluq püttürüp kilip ikkinchi qétimda bir qitimdila yughushturung. Barliq lazimliq hüjjetlerni kem digende üch nusxa qilip küpeytip andin bankigha béring. Eger banka etrapidiki nusxilash orunlirida qilsingiz qimmet.

2. Chet'elge pulni qandaq élip mangimen.
1-amal. Pulingizni junggu bankisi arqiliq baridighan dületning puligha aylandurghandin kiyin méngishtin bir saet burun pullarni bilingizge, kusarning yanjuqigha, uzunraq paypaq kiyip paypaqqa we yene üzingiz oyliyalaydighan yerlerge tiqing. Bulangchi we yaki bashqilar qanche oylap chiqalmaydighan yer bolsa shunche yaxshi. Yolda méngish jeryanida yéningizda pul bar ademdek his qilip qalmang. Eger baridighan yiringizge bérip bulghuche mihmanxanida yétishqa toghra kilip qalsa 3 yultuz derijiliktin tüwen mihmanxanida yatmang. Yalghuz bir kishilik yataqta yéting. Yataqqa kiripla ishkni ichidin quluplap etisi etigen'giche sirtqa chiqmang. Birersi ishikini chekse achmang. Tamaqqa yolda yiyishke éliwalghan nanni chilap yeng. Taki baridighan yerge bérip bulghuche sirt kiyimliringizni ixtiyarsiz sélip salmang. Chunki ichidiki pullar bilinip qélishi mumkin. Dekke dükkide ütüshning aldini élish üchün jiqraq oxlang. Lékin oxlighanda segek bulung. Yéningizdiki adem shundaq midirlap bulghuche chachrap turup uninggha oghridek aliying. Baridighan yerge barghandin kiyin derhal taksi bilen bankigha bérip pulni bankigha qoyung.

2-amal. Junggu bankisi, qatnash bankisi, digendek herxil bankilarning chet'elge chiqquchilar üchün mexsus chiqarghan banka kartisi bar. Shu kartidin birni bijirip pulingizni shuninggha saqlap üzingiz muwapiq yolda yetküdek pul éliwalsingizla bulidu. Baridighan dülitingizge barghandin kiyin pulni alghanda azraq mulazimet heqqi alidu. Iniq qanchilik alidu mining isimda qalmaptu. Bankilarning mulazimet orunlirigha bérip sorap baqsingiz bulidu. Ütken yili men bilen bille kelgen jiq xenzular mushu usulda pul ekiliptiken. Bu xil usul qisqa waqit chetke chiqidighanlargha, sodigerlerge, yaki hükümet emeldarlirigha mas kilidu.

3-amal. Siz baridighan yerde tonushngiz bulsa www.paypal.com tin bir hisawat échip shu arqiliq pulni tunushingizgha ewetiwitip siz barghanda éliwalsingiz bulidu. Buningdimu azraq mulazimet heqqi alidu. Yene birsi tunushingiz ishenchlik adem bulishi kirek.

4-amal, bu ütken yili men ishletken amal hem barliq amallar arisda eng erzan, isimde qilishiche üz waxtida men nurghun usullarni sélishturup kürsem mushu usul eng erzan we ishenchlik, bixeter tuyulghan. Bolupmu manga oxshash namratlarning ishlitishige bap kilidu. Baylarmu ishlitishni oyliship kürse bulidu. Ürümchining dashizi diki , xeydé mihmanxanisining yan teripidiki junggu bankisining ikkinchi qewitidiki mulazimet ornida bijiridu. (chetke munasiwetliq jiq mulazimetlerni mushu orunda bijiridu) . Bu mulazimetni xenzuche 汇票 , in'gilische money order deydu. Yeni pulngizni alghandin kiyin sizge bir chek kisip béridu. Mulazimet heqqini shu waqitta tüleysiz. Bu chekni alghandin kiyin siz baridighan yiringizdiki chongraq bankigha barsingizla neq pulni sizge biridu. Bu chaghda siz héchqandaq heq tülimeysiz. Seper jeryanida peqet shu chekni ubdan saqlisngizla kupaye. Yütürüp qoysingiz azraq awarichiliq, lékin chong chataq yoq. Chunki chekning üstide sizning ismingiz bulghachqa bashqilar pulni alalmaydu.

Diqqet, bu mulazimetni bijirgende, pul tapshuruwalghuchi, pul ewetküchi dep toldurudighan ikki katiki bar. Her ikki katekke üzingizning ismini pasporttiki ismingiz bilen op-oxshash qilip yézing. Birer herip pasporttiki ismingiz bilen oxshimay qalsila bir munche awarichiliqqa ochraysiz.
Bu mulazimet arqiliq yene chet'eldiki oruq tuqqanliringizghimu pul ewetsingiz bulidu. Chet'eldiki pul tapshurwalghuchining ismini yézip chekni alghandin kiyin pochta arqilip chekni qarshi terepke ewetsingiz bulidu.
Bu xil usulning mulazimet heqqi 50 koydin bashlinidu. 5000 dollar we uningdin tüwen sommining hemmisige 50 koy mulazimet heqqi alidu. 5000 dollargha 50 koy tülep chetke élip kelsingiz nime digen erzanchiliq. Men üz waxtide birsi bilen birliship 5000 dollar qilip 50 koy tüligen. Pul 5000 dollardin ashsa yene azraq heq qushulidu, lékin jiq emes. Amrikigha kelgendin kiyin bankigha béripla amrikning banka hisawatini bijirip pulumni shu hisawatqa yütkidim. Bir sinitmu mulazimet heqqi almidi. Téxi banka hisawati bijirgenlikim üchün 25 dollar sugha qildi, ha ha..

Chet'elge oqush iltimas qilish jeryanida, iltimas heqqi, we yaki bashqa bir heqler üchün bir munche pul ewetisiz, bu pullarnimu mushu usulda ewetsingiz bulidu. Lékin bu waqitta gung kütürmeydu.buni tewsiye qilmaymen. Hem mektep iltimas qilghanda waqit cheklimisi bulghachqa waqit qistap qalghan bulsa aldirap qalisiz. Bu waqitta eng yaxshisi bankining xelqaraliq kartisini bijirip shu arqiliq torda biwaste iltimas qilish pulini tüleng.

He ras, men yuqirda digen mulazimetlerning hemmisini ürümchining dashizi diki , xeydé mihmanxanisining yan teripidiki junggu bankisining ikkinchi qewitidiki mulazimet ornida bijiridu. Muamilisi nahayti yaxshi, chirayliq tetey qizlar bar, téxi birsi bilen chiqiship qélip yuxuy qilishidighan bulghan, kiyin untup qaptimen Smile. Bashqa bankilarning ehwalini uqup ketmeymen. Lékin bilishmche u bankilarningmu oxshash mulazimetliri bar.

3. Méngishtin burun nimilerni qilishim kirek.
1) ata-aningiz, balliringiz, uruq tuqqanliringizning mihrige qéniwiling. Tolaraq üyde bulung. Ülüp ketken uruq tuqqanliringiz bulsa tupraq béshigha bérip duwa qiling. Muhebbetlishiwatqan bulsingiz hergiz mushu seweptin ayrilip ketmeng. Toy qilishqa sharait pütüp bolghan bulsa toy qilip hemrahingiz bilen bilen bille ménging yaki chiqipla hemrahingizni ekiliwiling. Eger muhebbitngiz bulmisa birerni tutup qoyup , diyishp qoyup kiling. Bulmisa mendek bop qalisiz. Dostliringiz aldida chetke chiqimen dep üzingizni chong tutup ghadiyip yürmeng.

2) sizge oqush iltimasi ewetken uxturush bilen bille yene bashqa munasiwetlik uxturushlar bulidu, bularning muhim birsi salametlik tekshurush. Diqqet qilishingiz kirekki her qaysi dületlerning salametlikke qoyghan teliwi oxshimaydu. Shunga siz uxturushni tepsili uqup nime diyilgen bulsa shu buyiche bijiring. Küpinche mundaq waksina urung yaki shuning ispatini élip kiling deydu. Shu buyiche qiling. Adette uxturushta nahayti tepsili yézilghan bulidu. Ürümchide chet'elge chiqidighanlar üchün bu mulazimetni bijiridighan mexsus urun bar. Toluq ismini untup qaptimen. Orni 2-yolgha olturup tibbi unwérsitning aldidiki bikettin ütkendin kiyin béyjing yoligha qayrilip toxtighandiki bikette chüshüp aldingizgha 70-80 mitirdek mangsingiz onggha qayrilidighan bir yol bar. Shu yol éghizida chong taxtida ismi bar. Shu yolni boylap eng ichige kirsngiz barisiz, ismida xelqara sayahetke salametlik tekshurush urni digendek gepler bar. Tekshurush heqqi qimmet. Belkim 400-500 koy xejlishingiz mumkin. Men qarisam bek qimmetken, hem manga ewetilgen uxturushta salametlik tekshurtup ispat élip dimeptiken, tamujnining tor bétidimu undaq gepler yoqken. Shunga men salametlik tekshurtmigen, peqet uxturushtiki telep buyiche bir xil waksinila urghuzup shuninggha ispat alghan , 160 koydek pul ketken.
Shundaqlar yene chong kichik kiselliringiz bulsa ilaji bulsa dawalaydighanni dawalap, amal qilidighan'gha amal qilip, dora alidighanda dorni yetküdek éliwiling. Lékin bek jiq bop ketmisun, tamujnidin ütkende jerimane alidu.

3) chishingizni omumyuzlük tekshurtup yughuzung. Ongshaydighan yiri bolsa derhal ongshiting, chetke chiqqanda chishingiz aghrip qalsa chataqning chong chiqidu. Nechche ming dollargha ongshitisiz.

4) méngishtin burun chachliringizni ongshitiwiling. Oghullar bulsa chéchingizni qisqa qiliwiling, qizlarningkini uxmaymen.

5) xongchilu din 800 koygha yanda élip yürgili bulidighan qattiq disikidin birni élip yaxshi küridighan naxsha-muzikiliringizni, lazimliq matiriyalliréngizni shunngigha saqliwiling. Yene daim ishltidighan yumshaq ditallarni saqliwiling. Mesilen, windowis sistima, Office ishxana aptumatlashturush qurali, fotoshop, jinshen éliktironluq lughet, bashqa üzingiz lazimliq dep qarighan chong tiptiki yumshaq ditallar. Chunki buni chet dületlerde bikargha yaki 5 koy pulgha tapalmaysiz.

6) tamaq itishni oxmisingiz tamaq étishni ügining, resmi üginip kitelmisngizmu azraq bulsimu qolingiz kelsun. Bu gep chaxchaq emes. Estayidil muamile qiling.

7) mashna heydeshni ügining. Bolupmu amrikigha kilidighanlar. Yalghuz mashina heydiyeligudek bulung. Kinishkingiz bulsa alghach kiling. Amrikida kinishke bijirip bulghuche itrap qilinidu. Kinishkingiz bulmisa bijirip yurmeng. Jungguda qimmet. 3000 koydin jiq pul tüleysiz. Amrikida erzan.

Coolbaridighan dület we sheher toghrisda intérnittin izdep toluq melumatqa ige bolung.

9) elchixanidin wiza alghandin kiynla bilet élishning ghémigha chüshüng. Siz adette béyjinggha elchixanigha barghanda shu kochida biletchiler yalliwalghanlar qolngizgha bir baghlam bilet uchurlirini tutquzup qoyidu, shularning arisidin ishenchlik dep qarighanliringizdin bilet alsingiz buliwiridu. Biletni qanche burun alsingiz shunche erzan alisiz. Ilaji bar béyjingdin yaki shangxeydin mangsingiz shangxeydin éling. Ürümchidiki bilet sétish urunliri rosiye yaki ottura asiya dületlirining bahasini yaxshi bilidu, lékin amrika, yapun, yawrupa tereplirining bilet ehwalini yaxshi bilmeydu. Men amrikigha bilet almaqchi bulup pul tapsimu yurtimizdikiler tépiwalsun dep ürümchidiki bir nechche xelqara bilet satimiz digen orunlargha kirsem manga béyjingda 6000 koy digen biletni ular onming koy digen, lékin yene yaxshi alaqilashsa ubdan bilet élip biridighanlarmu barken. Mesilen, mendin kiyin amrikigha kelgen bir uyghur bala düngkürüktiki bir bilet sétish orni arqiliq bahasi béyjingdikiler digen baha bilen oxshash bahada bilet aptu. U yerning urni xelqara chong bazarning yan teripi bilen altun ghol risturani jaylashqan bina arliqidiki kochida. Ishqilip ilaji bulsa biletni ürümchidin alghan yaxshi. Chunki béyjingdiki tunumaydighanlargha pul ewetip yürmeysiz, yene biri bir uyghur bulsimu pul tépiwalidu.

10) yene biri baridighan yiringizge bille baridighan'gha hemra izdeng. Siz baridighan mektep torgha ismi chüshmigen namsiz mektep bulmisila, yaki namrat dülettiki mektep bulmisla u mektep choqum junggudin sizdin bashqa yene nurghunlighan oqughuchilarni qubul qilghan bulidu. We yaki siz baridighan dület, sheherge bille baridighan adem jungguda choqum bar. Shular bilen tonushup, bir ayrupilan'gha chiqip baridighan yerge bille barsingiz japani az tartisiz hem küp bixeter bulidu. Undaqta bularni qandaq izdeysiz.
Aldi bilen junggudiki chet'elge chiqidighanlar küp kiridighan tor biketlerge kiring. Bular asasen
[URL]http://www, gter.net[/URL]
http://www.taisha.com biketliri. Shu tor betning munberge kirip izdisingiz bashqilar ilan bergen bulidu yaki siz ilan birip hemra izdisingiz bulidu.
Ikkinchidin, siz barmaqchi bulghan mektepning tor bétidin izdep baqsingiz hemme mektepte asasen jungguluq oqughuchilar oyushmisi dep oyushma bulghan bulidu. Adettiki normal ismi chinese student and scholar association . Siz shularning ilxet adirsi yaki guruppisi arqiliq shular bilen alaqilashsingiz ular bashqilar bilen sizni uchrashturup qoyidu. Chunki her qaysi mektepki barmaqchi bulghanlar hemmisi aldi bilen shular bilen alaqiliishdu. Amrikidiki bu uyushmilar hemmisi her yilning 5-aydin tartip www.chinaren.com da mektepdashlar béti iltimas qilip yingi oqughuchilarning hemmisini shu yerge tizimlitip barliq suallirini shu yerde otturgha qoyushqa buyruydu hem barliq suallargha jawap birip taki shu oqughuchi mektepke kilip orunliship bulghuche yardemde bulidu. Shunga siz mektiwingizning simini kirgüzüzp chinaren din izdep baqsingiz bulidu. Üz waxtida men oqughuchilar oyushmisi bilen alaqilashqandin kiyin menmu shu biketke kirdim. Qarisam biz 30 dek ademkenmiz. Hemmeylen shu yerde üz'ara tunushup waxtimizgha asasen 4-5 tin bir guruppa bulup biletni birlikte sétiwalduq hem béyjingda uchriship taki mektepke kelgüche bille kelduq. Yolda bir birimizning yük taqlirigha qariship, bir birimizningkini kütürüshup birip digendek yardemliship nahayti bixeter, xoshal halda kelduq. Buyil mektepke kilidighanlarghimu hazir menmu sorighan soallirigha jawap biriwatimen hem ularmu 4-5 tin bille kilidighan'gha guruppliship buldi.

Dimek sizge tewsiyerim shuki siz kilishtin burun mektiwingizdiki oqughuchilar oyushmisi bilen alaqilishing. Shular sizge yatidighan yerdin tartip ayrudurumda sizni kütüwalghuche bulghan hemme jeryanda sizge yol kürsitidu. Mawu amrikidiki oqughüchilar oyushmilirining tepsili adirsi: http://www.cnd.org/CSSA/usa-map.html

4. Chamdanning qandighini élishim kirek. Qanchilik yük kütireleymen.
Siz bilet alghandin kiyin bilet üsitde qanchilik yük taqa kütireleydighinngiz, chamdanliringizning chongluqi qanchilik bulushi kirek digen belgilimiler tepsili bulidu. Shuningda diyilgini hisap. Yük taqingizning éghirlighini shuningdin ashurwetmeng. Éship ketse bek jiq pul tüleysiz. Adette normal hisapta 32 kiloluq chamdandin ikkini élip mangalaysiz, eger oqughuchi waxti bulsa oqughuchilargha bezi shirketler bundaq chamdandin 3ni élip méngishqa roxset qilidu. Mesilen amrikining northwest, united airline digenler. Chamdanning chong kichiklige eng chong bulghanda 32 songluk chamdan. Bundaq chong chamdanlarni ürümchidin tapmaq tesrek. Shundaqla alghan chamdinngiz chidamliq, puxta bulmisa yolda yük taqliringiz chéchilip ketse bek awarichiliq. Shunga chamdan'gha yaxshisini tallap éling. Pulingiz jiq bulsa ürümchidiki tiyenbey, dostluq digendek chong dokanlargha kirsingiz shu yerde bar. Bahasi 1200 koy etrapida. Üz waxtida men tunuydighan ürümchidiki amrikigha mangidighan xenzular shu yerdin alghan. Mining undaq jiq pulum bulmighachqa puyiz istansisi tereptiki shangmuching diki somka , chamdan bazarlirini izdep baqsam shu yerdimu barken. Yérim kün aylinip, dengsep kürüp chong dokan'gha bérip oxshash malning bahasi we süpitini sélishturup baqsam oxshashken. Shangmuchingda 4 -5 dokandila bundaq chong chamdanlar bar. Markisi oxshimaydu. Men sétiwalghan chamdanning markisi Lois Kaiser , chongluqi 29sung, 320 koydin ikkini sétiwalghan. 32 sungluqtin sétiwalay disem uning hejimi bek chongken. Kütürüp bulushtin hem toshquzup bulushtin ensiridim. Sétish orni shangmuchingdiki sumka, chamdan sétish merkizining ikkinchi qewitide. Mexsus mushu markidiki chamdannla satidiken. Süpitimu yaxshiken.

5. Chamdan'gha nimilerni sélishim kirek.
nersekirek sétiwalghanda ilaji bar barliq ihtiyajni oylishing. Eger puldar ailining yaki emeldarning balisi bulsingiz jiq nerse sétiwilishning hajiti yoq. Barghan yiringizdin lazim bulghanda sétiwalsingiz buliwiridu, nime izdisingiz shuni tapqili bulidu. Emme shuninggha diqqet qilishngiz kirekki hazir chet'eldiki nurghunlighan nersiler jungguda yasalghan yaki yaki jungguda yasilip chet'elde markisi qadilip tarqitilghan bulidu. Chet'elde birmunche qimmet pulgha sétiwalisiz. Men tüwende bergen tizimlikni hemmining sétiwilish hajetsiz, üzingiz qarap muwapiq bulghanlirini sétiwalsngiz bulidu.

1) kiym kichekliringizni séling. Aldi bilen siz baridighan yerning hawarayini tordin axturup kürüp shunngigha asasen sétiwalsingiz bulidu. Bir qur kastyom burulka bulsun, amrikigha kelsngiz bulmisimu bulidu, men shundaqtimu lazim bop qalar dep erzanraq bulsimu bir qur sétiwalghan, lékin hazirghiche kiyip baqmidim, topa bésip turidu. Qishliq, yazliq, etiyazliq , küzlük digendek kiyimler kem bulmisun. Kiyim kichekni ilaji bulsa yetküdek sétiwiling. Yene su üzush kiyimi, tenterbiye kiyimini untup qalmang. Ayaghdin qishliq, yazliq ayaghlarni oylishing, adettiki murasimlargha kiyip baridighan nepis ayaghdinmu birni éliwiling. Tenterbiye ayighimu bulsun. Ubdanraq yürüngfu din birni éliwiling. T-shirt digendek nersilerdin jiqraq éling. Ich kiyimlerdin 6-7 qur, uxlash kiyimidin 2 qur, ishtan, qizlar yopka. Yaxshi küridighan bash kiyimliringiz, eger baridighan yiringiz qishta soghuq bulidighan bulsa qishliq bash kiyim we sharpa. Qishta kiyidighan peyley.

Yene eng muhimi shulargha birleshtürüp bir yürüsh uyghürche milli kiyim yeni doppa, kanwar küynek, qizlar etles küynek we bashqilar. Pasonini üzingiz yaxshi kürgen buyiche tallisngiz bulidu, eger dostliringiz chet'elge mangmaqchi bulghan bolsa bir nerse sugha qilmaqchi bulsingiz eng yaxshisi mushu nersilerdin sugha qiling. Menis chongqur, hem dostingiz üzi alimen dep pul xejlep yürmeydu. Anglisam tengtüsh ughul qizlar buni bir birge sogha qilsa bu muhebbetning belgisinimu bildüridiken.

2) küzeynek taqisingiz küzingizdiki küzeynektin bashqa yene kem digende ikki küzeynek éliwiling. Yushurun küzeynek bulsa uningdinmu éliwiling. Qoyash küzeynki, sü üzüsh küzeyniki éliwiling.

3) yaxshiraq saettin birni élip qolingizgha taqiwiling. Yene etigende oyghitidighan saet éling.

4) belbaghdin ikkini zapas éliwiling.

5) manga uxshash paypaq yumaydighan, kiyip bolup tashlaydighan hurunlardin bolsingiz paypaqtin kem digende 10-20 jup éliwiling.

6) muhim kespi derislik kitapliringizni untup qalmang. Bek esqatidu. Chet'elde kitap qimmet. Amrikini misalgha alsam adettiki bir derislik kitapni 100 dollargha alisiz, emma bu pulgha jungguda 20 kitap sétiwalghili bulidu. Shunga kitap gerche éghirraq bulsimu emma siz oqushqa mangghan bulsingz kitapni hergiz yük dep qarimang. Munasiwetlik muhim kespi derislikning meshiq, künükme toplamliri bulsa hergiz untup qalmang. Bir dane matimatika , fizika formulaliri bar qullanma. Yene yapunning yaxshi, funkisiyliri toluq hisaplighuchtin birni .

7) kompiyutérgha munasiwetliq ushshaq chüshsheq nersiler. Mesilen kem digende 500M liq saqlighuchtin (优盘) din birerni, 10 nechche métirliq tor bilen kompiyutérni ulaydighan sim, kompiyutérda ishltidighan yaxshi kamira, élip yürgili bulidighan qattiq diska, yaxshi küridighan naxsha we diska, USB éghizgha ulaydighan sim.

Coolresim albumingiz

9) éléktéronluq lughet. Resmi kitapliq lughetlerni élip yürushning hajiti yoq. Lékin éléktéronluq loghetni hergiz untup qalmang. Bulmisa bérip bolup ata-anngizgha ewetinglar dep aware qilisiz, in'gilische bulsa wénchüshing markiliq bulsa kupaye hem üzi erzan. Irpan loghitining in'gilizchsi peqet bashlan'ghüch sewiyegila mas kilidu. Uning mexsus in'gilizchisi chiqquche almang. Yene kompiyutirda ishlitidighan jinshen loghitining yumshaq ditalini saqliwiling, bashqa tildiki dület bulsa shu tilningmu mexsus éléktéronluq lughetliri bar, ürümchide bulmisa tordin izdisingz tapalaysiz, tordin sétiwilip ekeldürsingiz bulidu.

10) koyza, qushuq, tirnaq alghuch, targhaq, chutka, chish chutkisi, chish pastisi, bu nersiler üzi kichik, chamdanning bir bürjikige tashlap qoysingiz bulidu. Bulmisa kiyin nechche dollardin alisiz.

11) yan-kompyutéringiz bulsa éliwiling, bulmisa bazardin mexsus almang. Baridighan yerge bérip bulup shu yerdin alsingiz bahasi bek küp periqlenmeydu, amrika bop qalsa téxi erzan. Hem chataq chiqip qalsa qulayliq.

12) reqemliq apirat. Oxshash, hergiz üzingizning bulsa éliwiling, bulmisa mexsus almang.

13) kem digende ikki qur yutqan téshi, kirlik, yastuq téshi, muncha lunggisi, her xil lunggilar. Yene chamdinngizgha patqudek bulsa yung ediyalning jingidin, qélinraqidin birni éliwiling. Men birni éliwalghan, deslep kilip üy tépip , yutqan kürpe tépip bulghuche bek esqatti. Men 160 koygha rabiye qadir soda saryining qéshidin dokanchilardin alghan. Jing chiqti.

14) pasport, wiza, mektepning ewetken uxturushliri, amrikining bulsa I-20, ayrupilan biliti, salametlik kinishkisi bularni puxta qilip ayrim kunwért digendek bir nersige sélip üzingiz bille éliwalidighan kichik somkigha sélip bu somkini hergiz yütürüp qoymang. Yolda bu nersilerni her daim tekshureydu. Undin bashqa yene oqush püttürush guwanamingiz, ilan qilghan maqale bulsa ularning esli nusxsi, oqush püttürush disirtatsiyngiz. Bularni somkingizgha silip yaxshi saqlang, kiyin lazim bulidu. Yene bulsa 100 nechche koy xejlep uyingizdikiler otturisidiki oruq tuqqanliq munasiwiti toghrisda jamaet guwaliqi éliwiling. Kiyin üyingizdikilerge teklipname ewetkende lazim bulishi mumkin.

15) alghan éliktéronluq nersilirngiz may yeydighan bulsa shunngigha mas kilidighan maydin jiqraq éliwiling.

16) üzingiz yaxshi küridighan qelemdin jiqraq éliwiling.

17) méngishtin burun oruq- tuqqan, tunush-bilishlerning muhim télfun numurlirini , yene siz ishltish mumkinchiligi bulghan numurlarni bir xatirige xatirliwiling. Bu xatirige yene pasport numirngiz, chek yaki banka numurliringiz digendek muhim hisawat numurlirini xatirlep qoyung. Eger shu nersilerni yütürüp qoysngiz melum qilghanda esqatidu.

1Cool oghullar saqal élish mashinisi yaki eswabining jingliridin éling. Tighliridin jiqraq éling. Qizlar üzingiz ishlitip kün'gen bezi girim buyumliringiz,'etir, chachqa ishltidighan digendek nersilerni éliwiling.

19) herxil dorilar. Eger üzingiz daim yeydighan dora bulsa uni choqum éling. Eger u bulmisa qizitma, bash aghiriqi, ich sürüsh, qursaq aghirish, aghiriq peseytish digendek turmushta küp ishltidighan 9-10 xil dorining her xilidin azraqtin éling. Bek esqatidu. Alghanda qimmetrek bulsimu jing doridin éling. Shundaqtimu hazir dorilarning jaliri bek küp. Shunga doxtur tunushliringizgha dep shulargha hawale qildurup éling. Emma bek köp éliwalmang. Hemmisdin bir qeghez yaki bir kichik quta bulsila kupaye. Jiq bolsa ayrudurumda tamujna xapa qilidu. Chunki dorilarni jiq élishqa bulmaydu. Eger melum kiselge jiqraq dora ketse shu dorigha qoshup doxturning bergen ritsipini yaki ispatini teng éliwiling. Buni itrap qilidu.

20) yol, uzun, seper japaliq. Belkim 10 nechche saet uchishingiz mumkin. Zirikip kitisiz. Shunga azraq pul xejlep naxsha anglaydighan MP3 qoyghüch, CD qoyghuch éliwilip yolda anglang. Waqit tiz ütidu, eger bulsa CD, VCD ni teng qoyidighandin élip , bir nechche diska éliwilip yolda kino kürüp mangsingiz téxi yaxshi. Eger yan-kompyutéringiz bulsa bularni élish hajetsiz. Éliwalghan kütürüp yurgili bulidighan diskigha kinolarni burunraq küchürüp qoyup yulda shuni kompiyutérgha chétipla kürsingiz kupaye.

21) liyentungning dunyaning hemme yiride ishleydighan télifun kartiliri bar, 100 koyluqni shinjang dashuning aldida 36 koygha satidu. Shuningdin birni éliwiling. Barghan yiringizde ayrudurumda birsige télfun urmaqchi bulsingiz asan bulidu, yaki ayrupilandin chüshupla aya aningizgha saq salamet barghanlingikizni uxturalaysiz, yene dület chide ishlitidighan'gha 20 koyluq IC kartisidin birni éliwiling. . Siz u yerde birer ikki saet turmaqchi bulsingiz saqlighach dosliringizgha télfun uralaysiz. Béyjing ayrudurumida mining télfun uridighan shundaq jiddi ishim chiqip qilip télfun uridighan yer tapalmay bek jéli buldum. U yerde mexsus ammiwi télfunlar yoqqen. Hemmisi IC kartiliq télfunlar iken. Karta alay disem eng erzini 100 koyluqken.

22) tamaka chikidighanlar ikki chamdiningizgha bir tiyawdin tamaka éliwiling.

23) yük taqingizgha asan partlaydighan (mesilen chaqmaq) yaki asan chéqilip kitidighan nersilerni salmang. Bulupmu suyuqluqlarni salmang. Bulmisa yolda chéqilip ketse hemme nersingizni buzidu. Hül yimeklik salmang. Miwe chiwe salmang. Tamuzna teliwi buyiche bundaq nersilerni ütküzmeydu.

24) üzingiz qolngizda éliwalidighan somkigha azraq yolda yeydighan nersilerni séliwiling. Belkim ürümchidin ayrilghandin kiynn baridighan yerge bérip bulghuche ashxana izdep bulalmaysiz. Miwe chiwe salsingiz tamujnigha birip bulghuche yep bulung.

Hazirche men oyliyalaydighan nersiler mushular. Yene isimge kelse yézip quyarmen. Qalghinini üzingiz uylarsiz, ishqilip baridighan yerge bérip bir ay ütmeyla üyingizge télfun qilip " uni untuptimen, buni untuptimen, pochtidin ewetinglar " digen gep bop qalmisa digen ümittimen.

6. Yolda chiqishtin burun
yolgha chiqishtin burun, siz ayrupilan bilitini muqimdap bulghandin kiyinla baridighan yerdiki munasiwetlik ademge xewer biring. Eger undaq adem bulmisa shu yerdiki jungguluq oqughuchilar oyushmisi bilen alaqiliship disingiz ular adem orunlashturidu. Eger umu tes toxtisa siz baridighan mekteptiki international student office bilen alaqilashsingiz ularning mexsus mushu ishni orunlashturidighan ademliri bar, bumu bulmisa oquydighan fakultittiki siz alaqilashqan katiptin yardem sorisingiz u yardem qilidu. Umu bulmisa siz alaqilashqan muellimge disngiz u orunlashturidu. Ishqilip mushularning ichidiki xalighan birsi arqiliq aldingizgha chiqidighan adem tapalaysiz, lékin ular siz turidighan orunni orunlashturmaydu. Oqughuchilar oyushmisigha disngiz ular turidighan yer alaqiliship qoyidu yaki shu yerdiki munasiwetlik orunlar bilen alaqilashturup qoyidu. Ishqilip siz bérishtin burun turidighan urunni tépip qoyup béring. Chet'elde béripla üy ijare élip shu künila köchüp kirgili bulmaydu. Bir nechche kün kitidu. Bu waqitqiche siz mihmanida turushqa toghra kilidu. Bir munche pul kitidu digen gep.


7. Yolda diqqet qilidighan ishlar.
Nerse kirekliringizge puxta bulung. Tunumaydighan ademlerge nerse kirekliringizni tutquzmang. Bolupmu pasport digendek muhim nersilerni yaxshi saqlang. Yene yolda xejleydighan'gha azraq nex pul éliwiling. 200-300 dollar yaki yawru bulsila kupaye. Hemmisini yüz koyluqtin qiliwalmay parchilap bir kuyluq, 5 koyluq, 10 koyluqtinmu bolsun. Bular parche purat xirajet, taksi digenlerge lazim bulidu. Yolda birer qiyinchiliqqa uchrisingiz udulla shu yerning xizmetchiliri yaki saqchilardin yardem sorang. Amrika tereplerge kelsingiz oburni izdigende uni WC dimeydu, belki restroom deydu hem shundaq belge sélip qoyidu. Buninggha alahide diqqet qiling. In'giliz tilingiz nachar bolsa .oburni nede, biletni qeyerde tekshurtimen, digendek küp ishltidighan süzlerni yadliwiling.

8. Barghandin kiyin
aldi bilen béripla üyingizge télfun qilip saq salamet barghanliqingizni xewerlendürüng. Barghandin kiyin aldi bilen üy tépip orunlishiwiling. Adette nurmal ehwalda üyge kirsingiz üyde tüt tam, ashxana, tunglatqu, munchidin bashqa nerse bulmaydu. Astigha gilem sélip qoyidu. Üy lazimetlikliri sétiwilishqa aldirmay aldi bilen shu yerde ikki üch kün yétip turung. Shu jeryanda oqughuchilar oyushmisigha disngiz ular siz turwatqan sheherdiki ikkinchi qol üy lazimetlikliri satidighan yaki üy küchüp nerse kireklirini xeqqe biriwitidighan kishilerni tépip biridu. Shulardin alsingiz küp erzan alisiz. Bolmisa hemmisini bazardin yingini alimen disingiz birer ming dollar xejlep kitisiz.
Barghandin kiyin dost tutung. Dost tutqanda semimi bulung. Birer qétim semimi bulmay yalghanchiliq qip qalsingizla "yaghliqapaq hamini yaghliqapaq" bolup qélip oqushingiz pütkiche xeq sizge ishenmeydu. Fakoltitning, oqughuchilar oyushmisining, mektepning paaliyetliri bolsa aktip qatnishing. Siz turghan mektepte yene choqum musulman oqughuchilar, turk oqughuchilarmu bar. Ular bilenmu dost bolup ütüng. Alaqe dairingiz yaxishi bulghansiri ochur digendek ishlarda bek paydisi bar. Qiynilip qalsingiz yardem qilidighan adem bulidu. Yene ilaji bulsa yerlik ademliri bilen jiq arlishing.
Eng muhimu yaxshi oqung. Bérishtiki mexset yaxshi oqush hem bu asasi wezipe. Herxil ishlar otturisida tuqunush bop qalsa aldi bilen oqushni birinchi orun'gha qoyung. Eger siz üz xirajitingiz bilen chiqqan bulsingiz ilaji bar ikkinchi yildin tartip oqush mukapati alidighanning ishini qiling we yaki ishtin sirtqi xizmet izdep ishleng.
Barghandin kiyin u yerde choqum yaki undaq yaki mundaq ishlargha yuluqushingiz, qiyinchiliq bulushi teb'i ehwal. Emdi bularni üyngizge dep ularni biseremjan qilip yürmeng. Zukamdap qalghan, yaki kisel bop qalghan waqitliringizda üyingizge télfun qilmang yaki chandurmang. Ulargha dep berginngiz bilenmu hamini ular yiraqta sizge hichnime qip birelmeydu. Siz barghan yerde siz yaxshi küridighan uyghurche tamaqlar yoq. Belkim yaxshi ashxanilarnimu teste tépishngiz mumkin. Tamaqtin qiynaldim dep hemme yerde jar sélip yighlap yurmeng. Siz chet'elge tamaq yigili chiqmighandikin. Uyghurche tamaqlar peqet wetimizdila bar xalas. Shu yerdin ayrilsingizla dunyaning hichyiride undaq yaxshi tamaqlar yoq. Shundaqla adem uyghurche tamaq yimigen'ge hichnime bop qalmaydu. Bashqa tamaqlardinmu lezzetlinishni üginiwiling. Yingi turmush .Ügining. Her qandaq muhitqa maslishishni ügining. Chet'elge chiqip oqushtiki mexset yalghuz kespi derislik üginishla emes. Üzingizni her jehettin béyiting. Shundaqla men digen palanchi yerde dep po étipmu ketmeng. Bu dunyada sizdin éship chüshidighanlar kürming. Yurtqa béripla chet'el digen undaq, siler mundaqkensiler dep üzingiz xuddi birer yilda chet'ellik bulup qalghandek süzlep yürmeng.

Yene waqit chiqirip üzngizning tejribilirini kiyinkilerge süzlep biring. Siz tartqan japalarni, ziyanlarni bashqilar tartmisun. Mining bu yazmamning sizge anche munche paydisi tekken bulsa rehmet éytishni unutmang.

9. Bashqilar
eger yene bashqa jehetlerde uchurgha ihtyajliq bulsingiz hem bu uchur melum orun'gha munasiwetlik bulsa biwaste shu orunni tépip sorang. Mesilen, banka, ayrupilan, mektep digendek. Uning buningdin sorap yürmeng. Ilaji bar lazimliq ochurlarni üzingiz izdep téping. Hazir tordin herqandaq munasiwetlik orunning alaqe adirsi we télfun numurini tapqili bulidu. Shulardin biwaste sorang. Bashqilardin sorisngiz bashqilar angliwalghan yérim yata ochurlirini dep biridu, ishenchlik emes. Üzingizningmu bashqilarningmu waxtini israp qilisiz. Lazim bulghan .ochurlarni neq orundin izdeshni ügining


Shuning bilen tügidi, kem qalghan jayliri bulsa bashqilar tuluqlighay.


© Copyright 2004 Meripet Homepage: http://www.meripet.com