Men Finlandiyege Qandaq Chiqalidim

Ekrem

2008-12-20

Menbesi: http://www.bilik.cn/?dp-bbsthread-20734.html

Nurghun qérindashlar tirishchanliqlar netijiside chet ellerge chiqip oqup magistirliq, we yaki doktorluq déplomlarni alghandin kéyin öz qérindashlirini eslep özining mangghan yollirini bashqilargha tonushturup, bilimning zakitini bériwatidu. Gerche men ulardek téxi chong netijilerge érishmigen bolsammu, chet elge chiqqinim rast, hem méning fénlandiyege chiqish usulum bashqilargha sélishturghanda köpinchisini teley désekmu bolidu. Emma bumu heqiqeten bir chet elge chiqishning yoli.

Men chet elge chiqish üchün bashqilardek in'gilizche imtihan'ghimu qatnashmidim, méning in'gilizche sewiyem 6 – derije, mektep püttürgendin kéyin xizmet tili in'giliztili bolghan bir shirkette birer yildek ishlidim, béyjingning muhiti bulghan'ghan, qista – qistang bolghachqa men u sheherni anche yaqturup ketmidim. Shuning bilen mende chet elge chiqish istigi tughuldi. Biraq méning aliy mekteptiki netijilirim unche bek yuqiri emes idi, in'gilizche imtihan'gha téxi qatnashmighan, hem chiqsam choqum oqush mukapati almisam özemni qamdashqa iqtisadiy sharaitim téxi yar bermeytti elwette.

Shuning bilen men chet elge chiqqili bolidighan, hem melum derijide kespimni puxtiliyalaydighan hem téxi pulmu tapqili bolidighan bir usulni tallidim, u bolsimu chet elge chiqip xizmet qilish. Bundaq pursetlerni qandaq izdesh, aldi bilen qandaq teyyarliqlarni püttürüsh toghirsida toxtilay.

Hazir yawropa, shimaliy amrikidiki bezi döletler téxnikiliq xadimlargha bek éhtiyajliq. Ular her yili köplep junggodin shundaq shert sharaiti bar kishilerni "oghirlaydu". Ular buningda asasen özining junggoning béyjing yaki shangxey dégendek sheherlirige échiwalghan "tarmaq" shirketlirige tayindu, yeni tarmaq shirketning melum miqtarda xizmet wezipisi bolidu, emma yene bir muhim wezipisi iqtisasliqlarni bayqash we ularni chet eldiki bash shirketke tonushturush.

Xosh, undaqta bundaq shirketlerge kirelisek, ulargha özimizning melum in'gilizche sewiyesi we xizmet iqtidarimiz barliqini ispatliyalisaqla, ular bizni ayropilan béletlirigiche sétiwélip bash shirkitige yolgha sélip qoyidu. Démek biz bir chalmida nechche paxtekni soqimiz.

Emise bundaq shirketlerni qandaq izdeymiz? Asasen junggo we chet eldiki xizmet izdesh tor béketlirige tayinimiz, meslenchinahr.com 51job.com bular ikkisi junggodiki tesiri eng chong ikki xizmet tonushturush tor békiti, eger siz ichkiride xizmet qilmaqchi hetta ichkiridiki shirketlerning shinjangdiki tarmaqlirida xizmet qilmaqchi bolsingizmu bu tor béketlerge tizimlitip özingizning arxipini toldurup, bashqilargha éwetip sinap baqsingiz bolidu. Xatirjem éwetiwéring, biz aliy mektepni püttürüp xizmet tapquche birer ikki yüz shirketke éwetip andin ular bilen söhbetliship xizmitimizni békitken.

Yene bu tor béketni tonushturay, fénlandiye junggoluq muhajirlarni qarshi élish üchün hetta xenzuche tor béketnimu yasap chiqiptu.http://www.infopankki.fi/zh-cn/tervetuloa_suomeen

Tor béketlerdin xizmet rayonigha asasen izdisingiz meslen yawropa, shimaliy amrika eger xalisingiz afriqa dep izdisingiz téximu asan tapalishingiz mumkin, hé hé, shundaq pursetlerge érishisiz, arxiwingizni choqum shu shirketlerning telipige maslashturup yézing, eger undaq qilmisingiz ularni birinji basquchtila sizni mas kelmeydiken dep shalliwétidu.

Shirketler özining telipige uyghun kishilerni asanliqche tapalmaydu, xuddi beziler xizmet tapalmay qiynalsa, shirketler adem tapalmay qiynildu. Shunga ularning telipige yuzde yüz mas kelmesliktin bek ensirep kétishningmu hajiti yoq, ular sizni melum terbiyleshlerge qatnashturidu.

Shirketler bu jeryanda xélila chong xeterge tewekkül qilidu, nurghun meblegh chiqiridu. Shunglashqa sizning rastchil yaki emeslikingizge alahide diqqet qilidu, eger ularning ishenchisini qolgha keltürelisingiz ishliringiz nahayti asan yürüshüp kétidu, shunglashqa chet elge chiqiwalghandin kéyin xizmet almashturush yaki oqush dégendek xiyallarni könglingizge pükmey, sadiqliq bilen sizge qilghan ejrige birer ikki yil ishlep béring. Shundaq qilsingiz kéyinkilerning yolini tosup qoymaysiz.bu xildiki xizmetler peqet kompiyutir sahesinila öz ichige almaydu, yene bashqa sahelermu bar.