Uyghurche Ilim-Penge Ait Maqalilar

Quyash séstimisidiki 7-planéta Saturnning etirapida bir kop qewetlik népiz emma nahayiti keng üzük bar bolup, uning eng sirtidiki In'glizche "E-Ring" dep atalghan üzükining kengligila bir milyun kilométir kélidu. Bu üzüklerning qandaq peyda bolghanlighi toghrisida hazir kishiler her xil perezlerni otturigha qoyup kéliwatqan bolup, bu yil 14-Iyul küni NASA üchün JPL bashqurup bériwatqan alem tekshürgüchi ushquri Cassini Saturnning hemrasi "Enceladus" qa 175 Km arliqqiche yéqinliship tekshürüsh arqiliq, bu "E-Ring" üzükini teminligüchi eslide mushu "Enceladus" ikenligi bayqalghan. Yeni, "Enceladus" Saturnni nahayiti kichik muz danchiliri bilen teminlep bérip, shu arqiliq "E-Ring" üzükini shekillendürgen iken.

Sélishturma bolsun üchün, Yer shari bilen bizning Ayning arliqigha qarap baqidighan bolsaq, bu ariliq 238900 Km bolup, Saturnning "E-Ring" üzükining özila bu ariliqqa patmaydu.