Dunya Énérgiye Kirizisini Hel Qilishning Usuliri


Men yeqinqi bir yazmamda, Amérikiliq bir alimning déngiz suyidin ot chiqirish usulini keship qilghanlighi toghrisidiki bir uchurni bayan qildim.  Bu yazmam töwendiki tor betliride bar:

http://www.biliwal.com/modules.php?name=Forums&file=viewtopic&p=5238#5238

http://www.meripet.com/Kainat/0Kainat.htm

  Bu yazmini körgendin kéyin, bezi oqurmenler déngiz süyi toghrisidiki bezi endishilerni otturigha qoyuptu.  Men bu inkaslargha qarap, dunya énérgiye kirizisini hel qilish toghrisida hazir kishiler nime charilerni oylawatqanlighi toghrisida bir omumyuzluk hemde qisqa chüshenchini bayan qilip ötushning zörüurligini hés qildim. Hazirqi bu yazmam mana shuning netijisidur.

Hazirqi dunya alimlirining periziche, pütün dunyadiki néfit, tebbii gaz we kömür qatarliqlarni öz ichige alghan énérgiye menbesining ishlitilishi 1996-yili eng yoquri pelekke yetken bolup, yoqurqi énérgiyening miqtarining azlap mengishigha egiship, uning ishlep chiqirilishi töwendiki resimde körsitilgendek tedriji aziyip mangidiken:

b7

Menbesi: http://www.hubbertpeak.com/summary.htm

Ötken hepte, JPL alimi «Ross J. Salawitch» hazir yer sharida CO2 gézining köpiyip kétishi sewebidin pütün yer shari issip ketiwatqanlighi toghrisida JPL de bir ilmiy doklad berdi.  U dokladida dunya énérgiye kemchilligini hel qilishning töwendikidek usullirini otturigha qoydi:

  1. Yadro Énérgiyesi:

-        Eger toghra paydilinilsa, bu eng pakiz we eng ünümluk énérgiye menbesi bolidu.

-        Yadro éléktir istansisiliridin chiqidighan kéreksiz maddilarni bir terep qilish usuli téxi hel bolmidi.

-        11-Sintebir weqesidin kéyin, Amérikining bu énérgiye menbesige bolghan köz-qarishi pütünley özgerdi.

-        Bu heqte töwendiki tor betide köp uchurlar bar: http://www.lib.purdue.edu/govdocs/nuceng.html

  1. Quyash Énérgiyesi:

-        Eger Amérikidiki her bir öyning ögzisige quyash énérgiyesi taxtisi ornitilsa, u bir ailige kétidighan tokning 10 pirsentini ishlep chiqiralaydu.

-        Her bir öyge mushundaq üskünini ornutush üchün 30 ming Amérika dolliri kétidu.

-        Kelgüsi énérgiye mesilisini hel qilish üchün eng ünümluk usulning birsi: Eger Quyash énérgiyesi taxtiliri Amérikidiki bir 190Km x 192Km kélidighan orungha ornutulsa, u pütün Amérikini tok bilen teminliyeleydu.

-        Bu heqte töwendiki tor bétide köp uchurlar bar:http://www.library.okstate.edu/govdocs/browsetopics/solareng.html

  1. Biologiyelik Materiyallar:

-        «Ethanol (乙 醇)»: Eger qizilcha (In’glizche «sugar cane») din ishlepchiqirilsa bumu muhim menbe bolalaydu.  Qunaqtin ishlep chiqarghanda ünümi töwen bolidu.  Amérikida hazir mashinilargha kétidighan néfit méyning bir galloonisi (1 Galloon = 3.8 Liter) 3 dollar etirapida bolup, «Ethanol» ning bir galloonisi hazir 6 dollargha toghra kélidu.

-        «Methanol (甲 醇, C2H6O)»:  Buni CO2 bilen quyash nuridin ishlep chiqarghili bolidighan bolup, néfit méyi bilen Ethalon gha qarighanda jiq zeherlik. Shunga uningdin kélip chiqidighan zeherlik qalduqlarni bir terep qilish anche asangha toxtimaydu.

  1. Shamal, Hidro-issiqlighi we Bashqilar:

-        Bu alimning éytishiche, bu énérgiye menbesini échish buningdin kéyinmu dawamlishidu, lékin, ular énérgiye mesilini hel qilishning asasliq usuli bolalmaslighi mumkin.  Yoqurida tilgha elinghan «Déngiz süyidin ot chiqirish» usulimu mushu katigoriyege kiridighan bolup, bu usul téxi yéngidinla keship qilinghan bolghachqa, uning istiqbali qandaq bolidu, bu méningche hazirche téxi ayding emes.

Yer shari yüzining üchtin ikki qismini déngiz süyi qaplap turidighan bolghachqa, méningche énérgiye menbesi üchün buningdin kéyin peqet déngiz süyinila ishletken teqtirdimu, insanlarning déngiz süyini qurutiwétishi üchün nechche ming yil waqit kétishi mumkin.  Shundaqtimu, insanlar kelgusidiki ewlatlarni oylap, déngiz süyini pütünley ishlep tügitiwétidighan yolni tutmaslighi mumkin.

Erkin Sidiq

2007-9-13

 


© Copyright 2004 Uyghur Meripet Homepage: http://www.Meripet.com