Amérikiliq Bir Alim Déngiz Süyidin Ot Chiqirish Usulini Tapti

Yéqinda Amérikidiki «John Kanzius» isimlik bir alim rak késilini dawalaydighan bir usul toghrisida tetqiqat élip beriwatqanda, kütülmigen yerdin déngiz süyige oxshash tuzluq sudin ot chiqirish usulini bayqighan.

Bu alim bu usulni dengiz süyini mikro dolqunigha tutup, suni tuzsizlashturush tejribisini ishlewatqanda bayqighan. Yeni déngiz süyige mikro dolqun yaki radio dolquni chushup tursa, u ot bolup köyidiken.
Bu keshpiyat nurghun alimlarni hayajanlandurwetti. Chünki tuzluq su yer shari üstidiki eng mol tebbii meblegh bolup, bu keshpiyat ashu tuzluq suni yéqilghu matériyalning ornida ishlitish imkaniyitini yaratti.

Amérikining Pensilweniya Shitat Uniwérsitétining proféssori «Rustum Roy» ning éytishiche, mikro dolqun tuzluq su éléméntliri otturisidiki baghlinishni ajizlashturup, hidrogénni erkinlikke chiqiridiken. Eger mikro dolqun chüshüpla tursa, bu hidrogén köyüshni dawamlashturidiken. Bu proféssorning éytishiche, bu keshpiyat su ilmi saheside yéqinqi 100 yil ichide yüz bergen eng közge körinerlik keshpiyat iken.

Tuzluq sudiki hidrogénning köyishidin chiqqan issiqliqning témperaturisi 1650 sélsi-gradusqa yétidighan bolup, hazir alimlar mushu énirgiye arqiliq yolochilar mashinisi we bashqa éghir tipliq mashinilarni herketlendurgili bolamdu-yoq, ashu üstide izdenmekte.

Menbesi: http://green.yahoo.com/index.php?q=node/1570

Erkin Sidiq
2007-9-11