In’glizche “Galactic Suite” dep atilidighan tunji alem boshluqidiki mehmanxana 2012-yili ishqa chüshüsh pilanlandi. Bu mehmanxana yéngi ishqa chüshkende, bir mehmanning bu mehmanxanida 3 kéche turishi üchün 4 milyun dollar telep qilinidu. Bu mehmanxanigha chüshken méhman her 80 minutta yer sharini bir qétim aylinip chiqidu, hemde kün chiqqanni her küni 15 qétim köreleydu. Bu tunji mehmanxanining peqet 3 yataq öyi bolidu.
Bu mehmanxana toghrisidiki idiyeni burunqi alem boshluq injiniri Xavier Claramunt ishtin sirtqi qiziqish süpitide qoghlashqan bolup, kéyin alem boshluq texnikisigha qiziqidighan Amerikidiki bir bay bu ish üchün 3 milyart dollar pul meblegh salghan. Shuning bilen bu ilmiy xiyal bir réyalliqqa aylinishqa bashlighan. Uningdin kéyin planéta Mars ni özining bir mustemlikisige aylandurmaqchi bolghan bir Amerika shirkitimu “Galactic Suite” ni öz planini emelge ashurushning 1-qedimi dep qarap, bu projéktke qatnashqan. Hazir bolsa Yaponiye, Amérika we Birleshme Erep Emirates tiki bir qisim xususiy meblegh salghuchilarmu bu projékt ke qatnishish toghrisida söhbet ötküzmekte.
Hazir dunya boyiche bu mehmanigha chüshkidek pulisi bar kishilerdin 40 mingdin artuq adem bar.
1-Resim: 3-yataqliq alem boshluq mehmanxanisi (sizilghan resim).
Menbesi:
1) http://www.freerepublic.com/focus/f-news/1879471/posts
2) http://uplink.space.com/showflat.php?Cat=&Board=missions&Number=764138&page=0&view=collapsed&sb=5&o=0&fpart=
3) http://science.slashdot.org/article.pl?sid=07/08/11/0516213&from=rss
Erkin Sidiq
2007-8-14 (Seyshenbe)