NASA Bir Yéngi “CloudSat” Sün’i Hemrasini Qoyup Berdi

2006-Yili 28-April küni, In’glizche “CloudSat” dep atilidighan, Uyghurche menisi “Bulut Sün’i Hemrasi” bolghan bir yéngi sün’i hemra Kaliforniyediki Vandenberg Hawa Armiye bazisida yer shari orbitisigha qoyup berildi. Bu sün’i hemraning wezipisi bulut we bashqa atmosfire zeretchilirining ichki sirini échishtin ibaret. Bu sün’i hemraning üstidiki bulutni tekshürüsh radarsining sezgürligi hazir ishlitiliwatqan bashqa radarlargha sélishturghanda 1000 hesse yoquri bolup, bulutning ichkiy qisminimu nahayiti toghra tekshüreleydu. U bulutning ichkiy tüzülmisini éniq körup, alem boshlighida turup bulutni tekshürüsh rolini oyniyalaydu. Shunglashqa kishiler bu sün’i hemraning iqtidaridin paydilinip, hawa rayidin berilgen melumatning toghriliq derijisini nahayiti zor derijide yoquri kötürgili bolidighanlighini perez qilmaqta.

CloudSat dep atalghan bu sün’i hemra “Calipso” we “Aqua” dep atilidighan bashqa ikki sün’i hemralar bilen biriliship ishlep, bulutning hawa rayi we kilimatqa körsitidighan tesirini bir qeder mukemmel éniqlap chiqidu.

CloudSat yer sharini yer yüzidin 705 Km igizliktiki chember shekillik orbitida aylinidu.

CloudSat ni NASA üchün JPL bashqurup béridu. Uningdiki radar üskininimu JPL lahiyilep yasap chiqqan.

Erkin Sidiq

2006-Yili 3-May





1-Resim: CloudSat sün’i hemrasi qoyup berilgen waqittiki bir körünüsh.




2-Resim: CloudSat sün’i hemrasining sizilghan resimi.


Paydilish materiyali: http://science.hq.nasa.gov/missions/satellite_24.htm