NASA Ayda Bir Mengguluq Adem Ponkiti Qurmaqchi

Erkin Sidiq
2006-Yili 5-Dikabir

NASA ning tünügün (4-Dikabir) ashkarlishiche, u 2024-yilighiche ayning üstige bir mengguluq adem ponkiti qurushni pilanlighan. Bu ponkit orni üchün ayning jenubi qutubi tallanghan. Bundaq bolishidiki sewep ayning jenubi ponkitigha her yilning 3 peslide kün chüshüp turidighan bolup, quyash energiyisidin paydilinip, bu ponkitni éléktir küchi bilen teminleshke qolayliq bolidu. Bu pilanning waqit jediwéli mundaq:

2009-yili: Ay ushqurining 1-sinighini ötküzüsh
2014-yili: “Orion” adem toshush kemisi arqiliq ayni sinaq teriqiside
tekshürüsh, lékin aygha qonmasliq
2020-yili: Tort astronotlarni aygha chiqirish

Uningdin keyinki 4 yil ichide aydiki adem bazisi kishilerning uzun muddet turishigha téxi teyyar bolmaydu. Shunga astronotlar her qétim barghanda ayda peqet bir hepte etirapida turup qaytip kélidu. Lékin 4 yildin kéyin kishiler ayda 6 ay turalaydighan bolidu. Shunga aydiki baza alem sayahetchiliri we bashqa xususiy shirketlerning ishlitishigimu échip bérilidu.

NASA ning ötken yilqi bir mölcheriche, uning 1-qétimliq aygha qilidighan sepirini tamamlishi üchün 104 milyart dollar pul kétishi mumkin.

Bu ishta hazir NASA Rusiye, Yawropa we Yaponlarning hemkarliship bérishini ümid qilmaqta. Lékin Junggoni hazirche téxi oylashmidi.



1-Resim: Bir artist sizghan yéngi tiptiki aygha qonush mashinisi.

Bu heqte teximu köp resimlerni körmekchi bolsingiz, töwendiki tor bétini ziyaret qiling:

http://news.com.com/2300-11397_3-6140867-1.html?tag=ne.gall.pg