Yaponiyediki aliy mekteplerni Dölet Igidarchiliqidiki Aliy Mektepler , Jem’iyet Teshkilatliri Igidarchiliqidiki Aliy Mektepler we Xususiylar Igidarchiliqidiki Aliy Mektepler dep 3 chong türge ayrishqa bolidu. Bu tor bétimde Xususiylar Igidarchiliqidiki Aliy Mektepler de  öz xirajiti bilen oqush üchün qandaq resmiyetlerning kérek bolidighanliqi üstide toxtilip ötimen.


1. Ali Mektep (大学学部(DAIGAKU GAKUBU)

Yaponiyediki aliy mekteplerning köpinchisi töwendiki ikki qisimdin terkib tapidu.

(1) Ali Mektep Toluq Kursi [大学学部(DAIGAKU GAKUBU)]

Toluq Kursning oqush mudditi 4 yil(Doxturluq kespi 6 yil) bolup, oqush püttürgende Bakalawrliq Unwanigha érishkili bolidu. Bir yilda ikki oqush mewsümi tüzümi yolgha qoyulghan bolup, birinchi mewsum 4- aydin 9- ayghiche bolidu. ikkinchi mewsum 10- aydin 3- ayghiche bolidu. Bir yilda 3 qétim tetil bolidu. Tetil waqti mekteplerge qarap bir az oxshimaydu. Adette yazliq tetil 7-ayning otturiliridin 8- ayning axirlirighiche bolidu. Qishliq tetil 12- ayning 20- kunliridin 1- ayning 10- künlirigiche bolidu. Baharliq Tetil 2- ayning 20- künliridin 4-ayning 10- künlirigiche bolidu.

(2) Ali Bilim Yurti [大学院 (DAIGAKU IN)]

Aliy Bilim Yurtida magistérliq we doktorluq kespi tesis qilin’ghan bolup, magistérliqning oqush mudditi 2 yil, doktorluqning oqush mudditi 3 yildin 5 yilghiche bolidu. Buningdin bashqa yene, kursant, tetqiqatchi xadim namidimu qobul qilidu.

2. Qisqa Muddetlik Ali Mektep [短期大学(TANKI DAIGAKU)

Qisqa Muddetlik Aliy Mekteplerning oqush mudditi 2 yil boludu. Bu mekteplerning texminen 60%ti qizlarni asas qilghan.

3. Yapon Tili Mektibi [日本語学校(NIHONGO GAKKOO)]

Yapon Tili Mektipining oqush mudditi 6 aydin 2 yilghiche bolidu.

Yuqiriqilardin bashqa yene ottura téxnikom we aliy téxnikom mekteplirimu bar.

Oqushqa Kirish Salahiti

Aliy Mektep Toluq Kursi, Qisqa Muddetlik Aliy Mektep we Yapon Tili Mekteplirige oqushqa kirish üchün 12 yilliq oqush tarixi bolushi kérek(12 yildin yuqiri oqush tarixi bolsimu bolidu).

Aliy Bilim Yurtigha oqushqa kirish üchün 16 yilliq oqush tarixi bolush kérek (ali mektep toluq kursini püttürgen bolushi kérek).

Turmush Xirajiti we Oy Xirajiti

Tokyoda bir ayliq xirajet texminen 10 - 15 tümen en’ghiche bolidu. (Tokyo ichidiki öylerning ayliq ijare heqqi qimmet bolup, texminen 5 - 8 tümen en’ghiche bolidu).

Tokyo sheher sirtidiki orunlarda, turmush xirajiti texminen 7 - 10 tümen en’ghiqe bolidu.(buning ichide öylerning ayliq ijare heqqi 2 - 5 tümen en’ghiqe bolidu).


Yaponiyege Oqushqa Kelish Ucun Kerek Bolidighan Resmiyetler

Yaponiyege oqushqa kélish üchün töwendiki tertip boyiche resmiyetler béjirilidu.
1- qedemde: Oqushqa Kirish Ruxsetnamisi 入学許可書 hazirlinidu.
2- qedemde: Turush Salahiyitini Békitish Ispatnamisi 在留資格認定証明書 hazirlinidu.
3- qedemde: Pasport hazirlinidu
4- qedemde: Yaponiyening Zhongguo da turushluq elchixanisidin Wiza hazirlinidu.
Yuqurqi tertip boyiche resmiyetler bejirilip, Viza alghandin keyin andin yaponiyege otushke bolidu.

Oqushqa Kirish Ruhsetnamisi qandaq hazirlinidu?

Eger Aliy Mektep Toluq Kursigha yaki Aliy Bilim Yurtigha kursant bolup oqushqa kirmekqi bolsingiz töwendiki matériyallarni hazirlash kérek.

1) Oqushqa kirish iltimasnamisi(kirmekchi bolghan Aliy Mektepning Iltimasnamisi bolushi kérek)

2) Eng axirida püttürgen mektepning netije ispati(esli nusxisi)

3) Oqush püttürüsh guwahnamisi we Unwan guwahnamisi(esli nusxisi).

4) Toluq ottura yaki Aliy Mekteptiki yétekchi oqutquchisi yaki profésorining körsitish( tuijien) xéti (tonushturghuchining unwani yaki wezipisi izahlinidu hem imza qoyulidu).

5) Ögenmekchi bolghan kespingiz( Yaponiyege kelgendin kéyin némini ögenmekchi ikenligingizni yazisiz)

6) Oqush tarixi we xizmet tarixi

7) Resim

Yuqiriqi ispatlar toluq bolsa , adette oqushqa kirish ruxsetnamisi tarqitip bérilidu.Yaponiyening oqushqa kirish ruxsetnamisinig muqim shekli yoq. Oqughuchi qobul qilghuchi herqaysi mektepler özliri tüzidu. Oqushqa kirish ruxsetnamisining belgilik inawetlik mudditi bar bolup, mudditi ötüp ketse inawetsiz bolidu.

Turush Salahitini Bekitish Ispatnamisi qandaq hazirlinidu?

Hazir Shinjangdin Yaponiyege öz xirajiti bilen oqushqa kéliwatqanlar asasiy jehettin, Yapon tili mektipige yaki Aliy Bilim Yurtigha Kusant bolup kéliwatidu.

Yaponiyege kélip oqushni arzu qilghuchining eger Yaponiyede tughqini bolsa,shu tughqini töwendiki matériyallarni hazirlap, dölet chégrisidin kirishni bashqurush idarisige bérip iltimas qilsa bolidu.

Tughqanliq munasiwiti bolmighan kishining iltimas qilish hoquqi bolmaydu. Lékin oqushqa kirmekchi bolghan mekteptiki birer oqutquchi wakaliten iltimas qilsa bolidu.

1) Turush Salahiyitini éekitish Iltimasnamisi(Dölet chégrisidin kirishni bashqurush idarisidin élinidu)

2) Resim ikki parche (3chm * 4chm)

3) Oqushqa Kirish Ruxsetnamisining köpeytmisi(kopiysi) esli nusxisinimu bille élip bérish kérek.

4) Oqush we turmush xirajitige ait matériyal.(Yéqindin béri bu matériyalni sürüshtürmeydighan boldi)

5) Tughqanliq munasiwet ispatnamisining jamaet guwahliqi ornidin guwahliqtin ötküzülgen nusxisi.

Bu bettiki mezmun bilen torbet lahiyisini Kurbanjan Rozi teminlep bergen.  Tekistni ehrirliguchi: Muxbir.