Italiye Camerino Universiti Fizika Kespide Oqush Mukapatliq Magistirliq Oqush Pursiti

Bu yil Camerino universitining Fizika kespi magistirliq programmisigha tort neper oqughuchi qobul qilinidu. Universit bilen bolghan kelishimge asasen, yurtimiz yashlirigha bolghan bu programmining yurguzulunuwatqanliqigha besh yil bolghan bolup, birinji qaqar ikki oqughuchi, uningdin keyinki qararlargha uch yaki tort neper oqughuchi qobul qilinip keliniwatidu. Universit Italiyediki tarixi eng uzun universitlerning biri bolup, fizika bolumi gerche kolimi chong bolmisimu, nuqtiliq sahelerde, mesilen, qattiq jisim neziriyesi, X-nuri spectrasi, quantum optikisi qatarliq guruppilar xelqarada aldinqi qatarda turidu. Hazirghiche oqush putturgen alte neper oqughuchining ichide besh nepiri Italiye, Fransiye, Irlandiye, Shwitsiye we Saudi Erebistanlarda doktorluq oqushuni dawamlashturiwatidu. Oqush ikki yilliq bolup, ehwalgha asasen, bir yil uzartishqa bolidu. Oqush mukapati oqush puli, yataq, tamaq ni koturgendin bashqa yene melum miqtarda turmush yardem pulini oz ichige alidu. Dersler Engliz tilida otuludu, Italiyeche til teliwi qoyulmaydu. Qobul qilinish shertliri towendikiche: 1. Iltimas qilghuchi bu yil ali mektep toluq kurs fizika kespini tamamlaydighan, yaki tamamlighili eng kop bolghanda tort yil bolghan bolushi kerek. 2. Toluq kurs kespi netijiliri yaxshi bolushi, bolupmu fizika we matimatika kesp netijiliri alahide yaxshi bolushi kerek. 3. Englizche asasi yaxshi bolushi, eng towen bolghanda doletlik totinji derije imtihanidin otken bolushi lazim. (yaki bashqa englizche sewiye imtihan netijiliri arqiliq englizche derslerni elip keteleydighanliqini ispatlishi zorur). Bu shertlerge toshudighan we oqushni arzu qilidighan oqughuchilarning 4 ayning 30 kunidin burun, qisqiche terjimihali, toluq kurs netije jedwili, we bir professorning tonushturush xeti (choqum shert emes) ni towendiki elxet adrislirigha yollishini tewsiye qilimen.

mamatimin@yahoo.com

yaki

mamatimin.abbas@ims-bordeaux.fr

matiryallar choqum Englizche bolushi shert.
Utuq tilep,
Salamlar bilen,
Mamatimin Abbas