Lata Shéirliridin
 
(1) Satimen !!!
 
Men yüzlendim bazargha , duttarimni satimen .
Qalun - tembur rawapni , satarimni satimen .
 
Künüp qaldim jang , pipa , saks , gittar , dumbaqqa ,
ghijek , sapay , naghira , ziltarimni satimen .
 
Dostluq digen yoq geptur , quruq sözdur muhebbet ,
pulla bolsa xotunum , dildarimni satimen !!!
 
Huquq berseng kupaye , xushametke men teyyar ,
huquq üchün qizimni , dilparimni satimen !!!
 
Köydüm - pishtim , söydüm dep yar tutidu exmeqler ,
chiqsa eger paydisi , men yarimni satimen !!!
 
Heshemetlik yashashqa , pul bolmisa bolmaydu ,
pulla berse jang loben , gülzarimni satimen !!!
 
Wijdan -ghorur , imanni dawrang salar beziler ,
"qursaq béqish periz " dep imanimni satimen .
 
Payda chiqsa bir tengge , satay ata- anamni ,
ayalimni - qizimni , wijdanimni satimen !!!
 
Nan tileymen iblstin , qulumda bar altun jam ,
töt botolka " piju " gha , binarimni satimen !!!
 
Ana til we puqira , yumur komni tinjittim ,
izdinish we gülistan , diyarimni satimen .
 
Mini emdi dozaxtin , qorqutmighin mollamlar ,
men ölgende nezir qip , gunahimni satimen !!!
 
Qérighanda heremge yol alimen , ghippidek ,
hajim bulup salapet , duarimni satimen .
 
Halal haram ayrimay , yashiwalay lata bup ,
kirsem eger dozaxqa , dergahimni tapimen .
 
Millet üchün qilimen mundaq
 
(2) Men Oqutquchi
 
Uqutquchi !
Ulugh shundaq japakesh insan ,
shunga ,
anga hörmet bildürer jahan ,
tilgha alsa uqutquchi dep ,
yüreklerni qaplar hayajan ,
partiye mu bölgechke köngül ,
maashnimu östürer asan ,
ayrim qanun tüzgen hem bizge ,
maaripni qollaydu haman .
Biraq !!!!.
Men ,
xizmetke öch maashqa amraq ,
ders ötküm kelmeydu peqet ,
muzakirge salimen herwaq ,
eger ,
ders ötken waqtimda birsi ,
parang salsa yer mendin tayaq ,
olturghuzup tüp-tüz heykeldek ,
peylasop tek birimen sawaq ,
sual surap bezi " haramliq " ,
salmaq bolsa aghzimgha tuwaq ,
ya ötmigen , dimigen yerdin ,
ya kitapqa yazmighan geptin ,
surap yürse muqeddem bulup ,
chaqirip men ishxanigha asta ,
" terbiye" birip tolghaymen qulaq .
Kitaptiki qaidilerni ,
yadlitimen goya qarimdek ,
chüshüp qalsa bir chikit-herip ,
tayaq yeydu , tenqitlesh turmaq ,
meshiqlerni birip tapshuruq ,
xatire mge yazimen " sanaq " ,
formila we hisaplashlarni ,
" ichürimen " yadlitip shundaq ,
kiler saet kirip derske ,
yérim saet ,
sorap chiqimen éghizche suraq ,
chüshüp qalsa ,
ya almashsa ,
kitaptiki pétiche bolmay ,
deymen derhal :
" oltur döt ,
numurung töt " ,
sen némandaq qapaqwash -quymaq ,
uyining burnidin chüshken ,
bö-bö qoy , siykidan maymaq .
....................!
Eger .
Balilar ,
pikir birip chiqsa mektepke ,
qoysa mini tenqitke - gepke ,
derhal kirip élip imtahan ,
öch alimen , tartip edepke .
Eger ,
ders waqtida kepqalsa télfun ,
sözlishimen uzaqtin-uzaq ,
söyginim bilen ,
tartinmastin ,
qiliship chaqchaq ,
uwaqitta balilar belkim ,
parangliship - oynap öz -ara,
dem aldurar , kallisini azraq ,
nawada ,
yitip kelse héyt - bayramlar ,
düwlinimiz risturanlargha ,
hetta sangna yaki dibagha ,
ichip -chikip oynaymiz taza ,
chünki biz ,
béqip ,
terbiylep ,
chong qilmaqta , saghlam we timen ,
bashqilarning balillirini ,
bolmisaqmu bala baqquchi ,
qarar beziler ,
bala baqquchi - muellim digen .
Maarip ,
millet ,
tereqqiyat ,
yat uqumdur , bügün men üchün ,
mining ..!
Eng ulugh ,
eng büyük ,
eng axirqi nishanim peqet ,
maashimni élish tutquzmay ,
ot ketken ,
yer yutqan ,
su basqan ,
namratlarni mejburi qutquzmay .
Bashqa ishlar kiter yürüshüp ,
ders .
Tapshuruq ,
netje ,
terbiyelesh ,
tügimeydu - tügimes naxsha ,
uqughuchi - wapasiz tazlar ,
chiqip ketse püttürüp mektep ,
bizni chuqum kitidu untup ,
biri ketse kilidu biri ,
uqutimiz bashqini tutup ,
shunga ,
maarip ,
millet ,
tereqqiyat ,
netije ,
shan-sherep , dep chépip yürmeymen ,
japa tartip - dert- elem yutup .
Maash élip jan baqsam boldi ,
unwan taliship - derije kütüp ,
dem élishqa chiqiwalsam birkün ,
yoq arminim ketsemmu ülüp ,
men mushundaq ulugh ustazmen ,
bu turmushqa ketkenmen künüp .
 
(3) Men Sen'etkar
 
 
Sen'etkar ...!
Sen'et bilen
yuritidu xelq halini ,
béghishlaydu , weten -el üchün ,
qan-terini , hetta barini ,
shunga ,
xelqim kütiridu béshigha élip ,
naxshichi , sazende , ressam shaérni .
Biraq ,
men sen'etkar özüm üchünla ,
naxsha éytip shöhret qazan'ghan ,
zamaniwi naxshilar bilen ,
namim chiqip " cholpan" atalghan .
Gittarimni tiringshitimen ,
" diyenziching" ni wiringshitimen ,
dorap " gherip" saranglirini ,
" tolghima usul " naxshilirini ,
naxsha éytip shalghutlashturup ,
uyghurchige xenzuche qushup ,
in'gilizche birip pauza ,
gah chiqirap , towilap ah urup ,
chang keltürüp éytimen naxsha ,
qizzimisa eger tamashsha ,
eng chirayliq uyghur qizidin ,
yasap tötni yérim yalingach ,
échip kinding , tolghap kasini ,
oynitimen ussulni qiypach ,
xeq chüshenmes waj-wuj geplerni ,
ah- wah bilen yögiwélip ghach ,
yéqip wal-wul , quyup birip is ,
waqiraymen sarang muzaydek ,
daqqang- duqqung , taraq - turuqqa ,
shundaq qilip yash ösmürlerni ,
qiliwélip ashiq - sheydai ,
atilimen " naxsha cholpini " ,
ya, " jitawang " ( gittarning shahi )
mining üchün uyghur qizliri ,
hushsiz bulup kitidu gahi .
Ayda -yilda , birer ret muqam ,
towilaymen qushum yoq lékin ,
bilmisemmu " xelq naxshisi ",
ghingship quyimen el söygendikin .
Pulni tapsam yanchuqni tomlap ,
aq tamaka alimen pomlap ,
ichishlirim wéski , birandi ,
ep quyarmen yeshk - tonnilap ,
uqughuchi qizlar men üchün ,
ashiq bulup yüriydu qoghlap ,
bulup qalsa chirayliqliri ,
birer kiche oynap quyimen ,
menmu sizge ashiq dep gollap .
Men mushundaq " lata " naxshichi ,
ketmeng lékin siz mini tillap ,
meyli tillang manga beribir ,
süyer mini yash balilar qollap .
 
Atang kim , sen kim ? 
 
(4) Sözlime !
 
Risturanda oynisam , tosma mollam sözlime !
Uchurmighin keypimni ,buzma mollam sözlime !
 
Tughuldum men dunyagha , xushal yashash nishanim ,
külüp yayrap oynaymen , bolsa kallam sözlime !
 
Haraq ichip - aq chikip , qizlar bilen yashisam ,
chüshendürüp sen manga , halal - haram sözlime !
 
Atizimche chong boldum , matiryalist idiyem ,
manga dindin gep échip , heds - kalam sözlime !
 
Mini penni mektepte , terbiyligen dinsiz qip ,
atizimchi chong qilghan ata - anam , sözlime !
 
Galdin ötse yewerdim , ichiwerdim , suyuqni ,
qursaq toysa boldi - bes , jan'gha aram , sözlime !
 
Dinsiz bolsang duzaxqa , utun sen dep qarghima ,
jennettiki hörlerge , éytqin salam sözlime !.
 
Qorqimen
 
Men qorqmaymen japadin ,quruq geptin qorqimen .
Intizami bolmighan maymaq septin qorqimen .
 
Meyli achliq - ussuzluq , tewritelmes rohimni ,
ter- ejirsiz kepqalghan " halal" neptin qorqimen .
 
Hi -hi qilip aldimda , quyruqini shippanglap ,
qarangghuda tigh salghan rezil qesttin qorqimen .
 
Jesur- batur , qehriman bolghach ughuz ewladi ,
hilisi bar erlik yoq , tégi pestin qorqimen .
 
Qorqutalmas ülümmu , tayinimen üzümge ,
" taam " üchün bir loqma , " kötürüsh " tin qorqimen .
 
Ilham kelse yüz shéirgha , aran birni yazimen ,
ondin birni testiqlap , üchürüshtin qorqimen .
 
Meyli munber bashliqi , yézirwerdim özpéti ,
yazmay disem öz xelqim tükürüshtin qorqimen .
 
Manga iman - paraset , ata qilghan i allah ,
düshminimning aldida , qizirishtin qorqimen .
 
Qéni dostum éytip baq ! Sen némidin qorqisen ,
toxta !!! Lata , men sanga , ishinishtin qorqimen
 
Nime qilduq uyghur üchün
 
Nime qilduq uyghur üchün ??? Sattuq ghorur - imanni ,
bulap-talap uyghurni , ghujam didoq "yaman" ni .
 
Töhpe kelse "üzem " dep , ar-numusqa uyghur dep ,
dawrang sélip " millet" dep , keltürduq qiz-juwanni .
 
Ügenmiduq ilim-pen , emeli ish qilmiduq ,
bikar bolsaq munberde ,tasqap yürduq jahanni .
 
Gepni qilish bek asan , emeliyet bashqiche ,
kim pikirdash bolmisa quyiwettuq zuwanni .
 
Pilanimiz ulughwar , ishqa ashmas wede bar ,
tewritelmey birtal "qil" chiqirimiz "buran"ni .
 
Özgilerni ulughlap , sésitimiz uyghurni ,
" heqiqet" dep sözleymiz , qilghan yaman gumanni .
 
Eydiz basti uyghurni, bizler " keyfang " bolghachqa ,
yiter emdi "uyghur" gha sélip berduq , bujanni
 
Ghajap- ghajap milletni , küpeyteyli illetni ,
yaritayli heqiqi "erkin " ,"keyfang " zamanni .
 
(5) Özgersem
 
Tilep keldim xudayimdin , ejep insan'gha özgersem ,
urus, xenzu , nigir, yapun , ereb- ispahan'gha özgersem .
 
Tirem - turqum ,dilim - tilim , dawam özgerse itqadim ,
zörur bolsa héli insan , héli haywan'gha özgersem .
 
Örp - adet , rohi halet , yuqap ketse tiritoriye ,
nagan "uyghur" digen namdin , " eziz mihman " gha özgersem.
 
Zimin - asman , déngiz okyan , miningche hemme bir bolsa ,
muqam towlap , saman yulida ,yituk karwan'gha özgersem .
 
Yimek bolsa manga barliq , üsümlük, janu- hasharet ,
ichip xelqim yiligini , büyük soltan'gha özgersem .
 
Qedem bassam jimi qit'e , manga ana makan bolsa ,
tikip qoysa bayawan'gha , büyük orman'gha özgersem .
 
Qutulsam men dini itqad , örüp -adet kishenidin ,
qilip erkin zaman berpa , büyük palwan'gha özgersem .
 
Satuq bughra , alip - arslan , mazargahini su bassa ,
ichip meyni , chikip bengni , yingilmes xan'gha özgersem .
 
Wujudumdin ,'iman -insap , yuqalsa adimi xislet ,
yumup közni , qusaq baqsam , " ulugh nimjan " gha özgersem .
 
(6) Yepketti
 
Dadam bolghach bixeste , müshük bezni yepketti ,
kürelmigech etini , qush qepezni yepketti .
 
Chilan yerge ,qigh quyup , sortluq qoghun térighan ,
qorshalmighach etrapi , kala -pilezni yep ketti .
 
Boghday térip payda yoq , térighantuq ,sey - köktat,
" seychang " salduq hemmimiz, laza - kéwezni yep ketti .
 
Ehdu - peyman tüzüshsem , yayrim bilen menggülük ,
küshlük sherq shamili , siyah - qeghezni yep ketti .
 
Qoghdusun dep étizgha , tiklep qoysam qaranchuq ,
tallap qoyghan ikenmen , saxtipezni - yep ketti .
 
Tillap yürmey derixa , ata- anam , bowamni ,
ichim toldi ming dertke , lata shuni dep ketti.

Menbesi: http://www.bilik.cn/bbs/viewthread.php?tid=18180&extra=page%3D1&page=3

Uyghur Tilim Elwida
 
Menbesi: izdinish tori
Aptori: wapadarim 912
 
Maslashmiding zaman'gha ,
Uyghur tilim elwida .
Yételmidim arman'gha ,
Uyghur tilim elwida .
 
"lufang"déduq binani ,
"xaba "déduq deryani .
"miynü"déduq renani ,
Uyghur tilim elwida .
 
"lufang "alduq "deyküen"ge ,
"juangshiyuw "qilduq "yiwen"ge ,
amal yoqmu detmen'ge ,
Uyghur tilim elwida .
 
Tonglatquni "bingshiyang "dep ,
yangratquni "yingshiyang "dep ,
gürjeknimu "tishiyang "dep ,
Uyghur tilim elwida .
 
"gungwuyüen"dep memurni ,
"chiyenze"déduq amburni ,
néme dermiz tembürni ?
Uyghur tilim elwida .
 
Kömürgazni "miychi "dep ,
akoritni "pichi "dep ,
17ni "yawchi "dep ,
Uyghur tilim elwida .
 
"woshi "déduq yataqni ,
"shézi "déduq ayaqni ,
"liyuwlangxen "dep sayaqni ,
Uyghur tilim elwida .
 
Kerepshini "chingsey "dep ,
küde démey "jüsey "dep ,
paleknimu "bosey "dep ,
Uyghur tilim elwida .
 
"xangga "emes terxemek ,
"besey "emes yésiwilek ,
bir pilektin ming xemek ,
Uyghur tilim elwida .
 
"shuwji"déduq yanfonni ,
"shiyangzaw"déduq sopunni ,
"lawpo"dermiz xotunni ,
Uyghur tilim elwida .
 
Karta démey ka déduq ,
yapma xishni wa déduq ,
bilelmisek sa déduq ,
Uyghur tilim elwida .
 
Üstelnimu "joza "dep ,
orunduqni "yiza "dep ,
kompiyutur -"jiza "dep ,
Uyghur tilim elwida .
 
Bus tartquni "chuwyenji ",
shamalchini "gupungji ",
derijimiz "fukiji ",
Uyghur tilim elwida .
 
Éri mangdi "jiyuwbagha ",
xotun chaygha "dibagha",
bala köndi "wangbagha ",
Uyghur tilim elwida .
 
Uchrishishni "yöxüy"dep ,
yighin démey "keyxüy"dep ,
étibarni "yuwxüy"dep ,
Uyghur tilim elwida .
 
"daji"déduq erzanni ,
"nüenping "déduq chaydanni ,
"shujüku"dep sandanni ,
Uyghur tilim elwida .
 
Shawqun-süren "zayin"dep ,
xet basqanni "dayin"dep ,
teleppuzni "fayin"dep ,
Uyghur tilim elwida .
 
"shigüen"déduq kön'genni ,
"güenjün"déduq yenggenni ,
néme deymiz menggenni ?
Uyghur tilim elwida .
 
Ilghar bolsa "yuwshiyuw"dep ,
rimonitni "dashiyuw"dep ,
75ni "chishyuw"dep ,
Uyghur tilim elwida .
 
Eynek édish "gangza "dep ,
yézilarni "jangza "dep ,
shum ochaqni "lingza" dep ,
Uyghur tilim elwida .
 
Dabazada zasüy yep ,
kindijida jitüy dep ,
changza üchey xotüy yep ,
Uyghur tilim elwida .
 
"gazir" boldi shimishke ,
"neyping "boldi imzige ,
oylanmaymiz nimishke ?
Uyghur tilim elwida .
 
"xogo" boldi yelqazan ,
"golu" boldi parqazan ,
"diyenfen'go"bop tok qazan ,
Uyghur tilim elwida .
 
"dingpaw"digen chiraqni ,
"tungku "deydu piraqni ,
"yawyüen "deymiz yiraqni ,
Uyghur tilim elwida .
 
Ichkiri démey "kuli"dep ,
tülke démey "xuli "dep ,
yardemchini "juli"dep ,
Uyghur tilim elwida .
 
 
Jerimane "fakoen "dep ,
sotxanini "fayüen "dep ,
korpus démey "denyüen "dep ,
Uyghur tilim elwida .
 
Kütüpxana "tushugüen ",
mulazimlar "fuwuyüen ",
"sawmiy "boldi böljürgen ,
Uyghur tilim elwida .
 
"pingza"boldi botulka ,
"shijuang"kastiyum-burulka ,
"gunggaw" boldi lozunka ,
Uyghur tilim elwida .
 
Tikküchini "seypung"dep ,
"xungmiyen kawru lengpung dep ,
su üzüshni "yuwyung"dep ,
Uyghur tilim elwida .
 
Mamuq chapan "yürüngfu ",
rahet ishtan "shiyuwshiyenku",
ich ishtanni dep "shenku" ,
Uyghur tilim elwida .
 
Ich kiyimni "niyyi"dep ,
uyqu kiymi-"shüyyi"dep ,
ichimlikni "shöbiy"dep ,
Uyghur tilim elwida .
 
Tok pulini "diyenfiy"dep ,
qerz télifon "chiyenfiy"dep ,
xoshe démey "genbiy"dep ,
Uyghur tilim elwida .
 
"mabu"déduq jambini ,
"deyzi "déduq xaltini ,
"kawbawzi "deng samsini ?
Uyghur tilim elwida .
 
"tingji"boldi toxtighan ,
"dabaw"boldi ep mangghan ,
"liyuwji"boldi qep qalghan ,
Uyghur tilim elwida .
 
"gunggaw"déduq élanni ,
"xungzaw"deydu chilanni ,
néme deymiz yilanni !
Uyghur tilim elwida .
 
Léntichini "deychi "dep ,
wélsipitni "seychi "dep ,
ders tashlash "kungki "dep ,
Uyghur tilim elwida .
 
"toshey "boldi sapma kesh ,
"luza "boldi pilte mesh ,
bu modidin köngül ghesh ,
Uyghur tilim elwida .
 
"jiyangtey"déduq munberni ,
"shiyangshüy"déduq enberni ,
"kashi "deyli qeshqerni ?
Uyghur tilim elwida .
 
"sangna "déduq munchini ,
"miyenjang" déduq unchini ,
"shiyawxua "deymiz ghunchini ,
Uyghur tilim elwida .
 
Yéyishimiz "xenbawbaw ",
uchimizda "mingtijiyaw ",
cholpinimiz "r. Bachiyaw ",
Uyghur tilim elwida .
 
Toxu qordaq- dapenji ,
xüymiyen ,benmiyen ,laziji ,
ding ding somiyen jowmaji ,
Uyghur tilim elwida .
 
Su mantini "juwawa" ,
kawa démey" xulugua" ,
yer yuyghuchni dep "towba" ,
Uyghur tilim elwida .
 
Berenjini yangyu dep ,
tétitqusu -jiyangyu dep ,
tordash démey wangyuw dep ,
Uyghur tilim elwida .
 
Qizil kala -"xungniyuw"dep ,
dositni taptuq "pingyuw"dep ,
qoqap ketsek eyyu ! Dep ,
Uyghur tilim elwida .
 
"laji"déduq exletni ,
"wangjen "déduq tor betni ,
"yuwjiyen "déduq él-xetni ,
Uyghur tilim elwida .
 
"dachiyaw"déduq köwrükni ,
"juzi "déduq tüwrükni ,
"shiti "deymiz ölükni ,
Uyghur tilim elwida .
 
"fapiyaw"déduq talonni ,
"weydey "déduq balonni ,
néme deymiz qalunni ?
Uyghur tilim elwida .
 
"dashö"boldi uniwiréstét ,
"zungtung "boldi pirizdinit ,
"dashösingdur "situdinit ,
Uyghur tilim elwida .
 
Batariye"diyenchi"dep ,
bughda kölni -tiyenchi dep ,
möhlet ashsa "yenchi "dep ,
Uyghur tilim elwida .
 
"guangchang"déduq meydanni ,
"chiyenbaw"déduq puldanni ,
"shöwiy"déduq unwanni ,
Uyghur tilim elwida .
 
Dilhozurni "diyenshi "dep ,
quruq yuysa "genshi "dep ,
oyun dimey "yuwshi "dep ,
Uyghur tilim elwida .
 
Tézginekni "yawkung "dep ,
siyit nochi ganggung dep ,
yétip tepse "dawgung "dep ,
Uyghur tilim elwida .
 
Al tök deyli" shazini ",
ishkap deyli "jazini ",
paypaq deyli "wazini ",
Uyghur tilim elwida .
 
Üzchat deyli "keygün"ni ,
samsaq deyli "dasüen"ni ,
inistut dep "shöyüen"ni ,
Uyghur tilim elwida .
 
"dubo"déduq qimani ,
untup qalduq "mima"ni ,
izlep Uyghur simani !!!
Uyghur tilim elwida .
 
Moda boldi shalghut til ,
oylanmidi Uyghur dil ,
xarap boldi ana til ,
Uyghur tilim elwida .
 
Shalghutlashti tilimiz ,
qaynimaydu dilimiz ,
"wiyzu "bolsun namimiz ,
Uyghur tilim elwida .
 
Ana tilni qoghdayli ,
en'enini qoghdayli ,
shalghut tilni tüzeyli ,
Uyghur tilim elwida .
 
Elde idi er ghémi ,
elge köygen er qéni ?
El dep aqqan ter qéni?
Uyghur tilim elwida .
 
Köp til bilish sherep ish ,
tildin kéler yüksilish ,
ana tilsiz yézim ,qish !!!!
Uyghur tilim yighlima !
 
Derex bolmas yiltizsiz ,
millet bolmas öz tilsiz ,
öley, qalsam séningsiz !
Uyghur tilim yighlima !
 
2008-yili 21-maydin 23-mayghiche shehri bortalada yézildi.
 
Nawada eser yaqqan bolsa bir som pilani tor bétige kirip élanni birni chékip qoyarsiz .

Menbesi: http://www.bilik.cn/bbs/viewthread.php?tid=18180&extra=page%3D1

Uyghurum Tanmaymen Sendin

Qol uzartip bashqigha tilep janni baqsangmu,
yanchuq kolap héyqmay namimizni satsangmu,
nadanlarche patqaqqa béshingighiche patsangmu,
azaraqqine nep üchün chalma-kések atsangmu,
Hey Uyghurum nepret.......... Lékin tanmaymen sendin.
 
Baywetchige xosh külüp ochuq chiray achsangmu,
namratlardin seskinip yiraqlargha qachsangmu,
bosughida bashliqning yunda yalap yatsangmu,
yalghan maxtap birawni nezme-qoshaq qatsangmu,
Hey Uyghurum nepret.......... Lékin tanmaymen sendin.
 
Adewetning külini béshimizgha chachsangmu,
yangaq élip béshimizda chaqsangmu,
chéqimchining süyide dolqun yasap aqsangmu,
zenjiride qiltaqning putimizni chatsangmu,
Hey Uyghurum ichim achchiq.......... Lékin tanmaymen sendin
 
Menbe : Shiriyet Gülzari
Menbesi: http://bbs.bilik.cn/viewthread.php?tid=17126

Men Kim??? {La-ta}

Bulup kettim way nime ? Buni menmu bilmeymen ,
"shat-parawan" yashaymen , yighlimaymen, külmeymen .
 
Menla nochi dunyada , héchkim manga teng emes ,
bil geytés ni , xaw kéngni , qet'i közge ilmaymen .
 
Sarang " guy"lar hemmisi , kitap yézip yürgenler ,
neziriye quruq gep , hergiz kitap körmeymen .
 
Anam mini tughqachqa , béqishi kérek ölgbche ,
anam- dadam baqidu , shunga ishlep yürmeymen .
 
Anam - dadam tayaq yer , ger gipimge kirmise ,
dost"um öyge siysimu , uni hergiz urmaymen .
 
Tughqanlirim " he ! " dise ,pichaq teyyar tiqqili ,
"dost" lirimgha aliyip , qarashqimu qiymaymen .
 
Shunga dostlar merhemet !!! , öyde mihman bulunglar ,
"olturush" qa chirayliq ,qizlarnimu chillaymen .
 
Yep-ichinglar oynanglar , qizlar sizdin aylansun ,
köz qisingiz singlimgha , ichi tarliq qilmaymen .
 
Mihman qilip , yanchuqni , toldurimen tenggige ,
küzi kichik emesmen , pulda mehkem turmaymen .
 
Ichip-chichip ,'üyümde , cheylep -ighnap oynanglar ,
kim " hay!" dise mushlaymen , lékin sizni urmaymen
 
Siz ishinip süzümge , bek xatérjem bup ketmeng ,
men bir lata , wedemde , bezi chaghda turmaymen

Aptori ....Lata.  2008-3-8
Menbesi: http://bbs.diyarim.com/read.php?tid=13176
Bu maqalining www.meripet.com diki adrisi:  http://www.meripet.com/Academy/

© Copyright 2004 Uyghur Meripet Homepage: http://www.Meripet.com

Wheelchairs
Wheelchairs