Hazirghiche neshir qilin’ghan kitablirimning torkitab nusxisini bu yerdin chüshüreleysiz:

 

1-Kitab (http://www.meripet.com/2015/20151015_first_book.pdf)

2-Kitab (http://www.meripet.com/2015/20151124_ikkinchi_kitab.pdf)

3-Kitab (http://www.meripet.com/2016/20160219_3_kitab.pdf )
4-Kitab (http://www.meripet.com/2016/20160515_totinchi_kitab.pdf )

5-Kitab (http://www.meripet.com/2016/Erkin_Sidiqning_5-kitabi.pdf )

6-Kitab (http://www.meripet.com/2016/Erkin_Sidiqning_6-kitabi.pdf )

Tor-Kitab 1-qisim (http://www.meripet.com/2016/Erkin_Sidiqning_1-tor_kitabi.pdf )

Men aldi bilen kitab neshir qildurush ishning wujutqa chiqishigha zor küch chiqarghan Abdul’eziz we «Pidakar» qatarliq inilirimizge chin könglümdin rehmet éytimen.

 

Men deslepki 5 kitabni öz xirajitim bilen neshir qildurdum.  6-kitabni neshir qildurush we uni tarqitish üchün ketken chiqimni «Netijilik Uyghurlar» dégen kitabqa kirgüzülgen 50 neper qérindishimiz ichidiki 36 kishi i’ane sheklide chiqirip berdi. Bu kitablarni nahayiti erzan bahada sétip, uningdin kirgen kirimni Türkiyidiki Uyghur oqughuchilargha yardem qilish, hemde Uyghurlarning ma’arip we medeniyet ishlirigha ishlitish üchün, men u kitablarning hemmisini Türkiyidiki Abdul’eziz qatarliq ukilargha ötküzüp berdim . 

 

Hemmimizning xewiride bolghinidek, biz Uyghurlar üchün bilim élish we Uyghurche kitablarni neshir qildurush hazir burunqi her qandaq waqitlar bilen sélishturghanda muhimraq orun’gha ötti.  Shunglashqa men chet eldiki bilimge qiziqidighan, bilim da’irisini kéngeytishni oylaydighan, milletning teqdirige köngül bölüdighan, millet teqdirini yaxshilashqa bir kishilik töhpe qoshushni arzu qilidighan, we millet üchün qolidin kélishiche xalisane xizmet qilish pursitini isteydighan wetendashlardin men hazirghiche neshir qildurghan 5 kitabni bir nusxidin sétiwélip oqup béqishni ümid qilimen.  Eger siz méning kitablirimni sétiwalsingiz, u sizning Uyghur ma’arip we medeniyet ishliri üchün azraq pul i’ane qilghiningiz bolidu. Shundaqla chet elde Uyghurche kitablarni neshir qildurush ishini dawamlashturush we yenimu tereqqiy qildurushqa bir kishilik töhpe qoshqan bolisiz.

 

Kitab tarqitish ishida hazir bir qisim döletlerde pul yighip béridighan qérindishimiz bar. Ularning alaqe uchurliri töwendiki jediwelde bérildi.  Eger xalisane xizmet hésabida bashqa dölet yaki rayondiki qérindashlardin pul yighip, yighilghan pulni Türkiyidiki Abdul’eziz ukimizgha ewetip bérishni xalaydighan qérindashlar bar bolsa, ular men bilen «erkinsidiq@gmail.com» arqiliq alaqilashsa bolidu.  Biz hazir ashundaq yardemge jiddiy éhtiyajliq bolup, men ashundaq qérindashlargha chongqur minetdarliq bildürimen.

 

Kitab sétiwalmaqchi bolghan qérindashlar töwendiki kishilerge pul tapshursanglar, kitab silerge pochta arqiliq Türkiyidin biwaste ewetip bérilidu, yaki kitablarni pul yighqan qérindishimiz silerning qolunglargha yetküzüp béridu. 5-kitabning ichidiki barliq resimler renglik bésilghan bolup, shu sewebtin uning tennerxi we bahasimu sel yuqiriraq bolup qaldi.  Qérindashlarning toghra chüshinishini soraymen.

 

Axirida men hazirghiche bizni qizghin qollap, bizge yéqindin yardemde bolup kéliwatqan, we burunqi kitablarni sétiwalghan barliq qérindashlargha, hemde buningdin kéyin kitab sétiwalidighan barliq qérindashlargha chin könglümdin rehmet éytimen.

 

Erkin Sidiq

2016-yili 12-ayning 30-küni

 

© Copyright 2014 Uyghur Meripet  Torbéti