Elyüksel
2016-yili
7-ayning 29-küni
Kona yéziq nusxisi:
http://bbs.bagdax.cn/thread-62858-1-1.html
Amérikidiki
dangliq
waskétbol trénéri jon wudén (John Wooden) özi trénérliq
qilghan eng axirqi musabiqe heqqide "bu men oqutqan
birdin-bir musabiqe" dégende, .kishiler uningdin bu gepning
menisini soraydu. Shuning
bilen jon mundaq deydu:
bir trénérning birinchi we eng muhim roli
oqutquchiliq. Uning wezipisi yalghuz qol astidikilerning
tenterbiye maharetlirini yaxshilash bolupla qalmastin, yene
ularni yaxshiraq adem qilip terbiyilep chiqish. Jon heqiqetenmu
bir adettin tashqiri oqutquchi bolup, uning öchmes tesiri
yalghuz chémpiyon bolghan musabiqilerdila emes, yene
topchilargha singdürgen qimmet qarashlirida namayan bolidu.
Xénri
edems (Henry Adams) mundaq deydu: "oqutquchilar barliq
edebiylikke tesir körsitidu."
bashqilardin terbiye alghan kishiler yene yéngi
kishilerni terbiyilep, shuning bilen özining oqutquchiliq
miraslirini köpeytip mangidu.
Échinishliq yéri shuki, bizning mektep oqutquchiliri
we trénérlerni tallash we ularni tartuqlash usulimiz
ularning perzentlirimizning kishilik xaraktérlirini we
menzillirini özgertishtiki hel qilghuch rolini neqeder
qedirlimeywatqanliqimizni körsitip béridu.
1-resim: Ata-ana
perzentning 1-oqutquchisi.
Uningdinmu
yaman bolghini shuki, biz ata-anilarning birinchi we eng
muhim roli oqutquchiliq ikenlikini untulup qéliwatimiz. Balini yaxshi
terbiyilesh yalghuz uni yémeklik we öy bilen teminlesh we
uni mektepte oqutushnila öz ichige almaydu. U balida yaxshi
qimmet qarashliri bilen yaxshi adetlerni yétildürüsh,
uninggha toghra bilen xataning perqini bildürüsh, hemde
ünümlük we exlaqliq yaxshi qararlarni qandaq élishni ögitish
qatarliqlarnimu öz ichige alidu.
Ata-anilar
perzentlirige
her waqit diqqet bérip, ularni heqiqiy türdiki yaxshi
turmushqa, yeni meqsiti, menisi we qimmiti bar turmushqa
érishish üchün zörür bolghan qorallar bilen qorallandurushqa
özlirining barliqini ata qilishi kérek. Yeni, biz balimizgha
özimiz arzu qilghan eng yaxshi ademning alahidiliklirini
ögitishimiz, balimizni ashu ademdek ish tutushqa
intildürüshimiz we qistishimiz, hemde balimizgha özimiz ülge
bolishimiz kérek.
Paydilinish
Materiyali:
[1] Parents Are
Teachers First
http://whatwillmatter.com/2013/07/commentary-836-1-parents-are-teachers-first/