Elyüksel
2016-yili
6-ayning 15-küni
Kona yéziq nusxisi:
http://bbs.izdinix.com/forum.php?mod=viewthread&tid=68333http://bbs.bagdax.cn/thread-56342-1-1.html
Yéqinda
Amérika hökümiti yoluchilarni asmanda toshuydighan bir xil yéngi
tiptiki taksini Amérikining dunyagha dangliq qimar shehiri Las
Wégas (Las Vegas) ta sinaq
qilishni qarar qildi.
Bu xil
taksining ismi «Ehang 184» bolup,
u emeliyette peqet birla yoluchini toshuydighan tik uchar
ayropilandur. Emma,
bu ayropilanning üstide bir chong chaqpilek yoq bolup, uning
shekli hazir Amérikida nahayiti téz tarqiliwatqan, In’glizche «drone» (ghonguldighuchi) dep
atilidighan kichik uchqurgha oxshaydu. Bu xil uchqur
hazirghiche ademsiz bombardimanchi ayropilan, ademsiz
razwétkichi ayropilan, ademsiz heriketchan resim we sin
apparati, we balilar oyunchiqi süpitide ishlitilip kelgen bolup,
uni yolochi toshuydighan taksi süpitide ishlitish bir yéngiliq
bolup hésablinidu.
Bu asman
taksisi éléktir énérgiyisi bilen uchidighan bolup, uninggha 2
sa’et tok qachilisingiz, u bir adem we uning bir 100 kilogramliq
chamdinini élip 23 minut uchalaydu. Eger u égizrek uchsa,
10 minuttek waqit sa’itige 100 kilométir kélidighan tézlik bilen
uchalaydu.
U yerge
qon’ghanda, uning 4 dane chaqpiliki qatlinip, uni bir yolochi
aptomobilni toxtitidighan boshluqqa toxtatqili bolidu.
«Ehang» dégen shirketning bash shtabi
Junggoda bolup, u hazir Amérikining Néwada (Nevada) shtati bilen hemkarliship, bu
asman taksisini sinaq qilmaqchi boliwatidu. Bu shirket hazirghiche
jem’iy 52 milyon dollar mebleghni qolgha keltürüp boldi.
Töwendikisi
mezkur
asman taksisining bir qanche körünüshliri.
Paydilinish Menbesi:
[1] Flying robot taxi to start trials in Las
Vegas
http://www.telegraph.co.uk/technology/2016/06/08/flying-robot-taxi-to-start-trials-in-las-vegas/
