Elyüksel
2016-yili
6-ayning 10-küni
Kona yéziq nusxisi:
http://bbs.izdinix.com/forum.php?mod=viewthread&tid=68267http://bbs.bagdax.cn/thread-55393-1-1.html
PDF Nusxisi: http://www.meripet.com/2016/20160610_janitor_key.pdf
Balilarda yaxshi qimmet qarishi we ésil
xaraktér yétildürüshtiki asasiy mes’uliyet ata-anilargha
yüklen’gen bolidu. Bu dégenlik oqutquchilar we trénérlar
oynaydighan rol nahayiti muhim emes, dégenlik emes.
Kishini epsuslanduridighini nahayiti köp
balilar exlaqta kembeghel a’ililerde ösüp yétilidighan bolup,
ular yalghanchiliq, aldamchiliq we zorawanliqqa adetlen’gen
halda chong bolidu. Eger biz ulargha exlaq heqqide terbiye
bermeydikenmiz, ularning ichidiki köpliri jinayetchige aylinip
kétishi mumkin.
Jéssi (Jesse)
yaman ishlar bilen shughullinish mesilisi bilen bir alahide
mektepke orunlashturulidu. U mektep ésil exlaq yétildürüsh
istratégiyisini mektep derslikliride yolgha qoyup bir aydek
waqit ötken bir waqitta, Jéssi taziliq ishchisining
achquchlirini tépiwalidu. U burun oghriliqni köp qilghan bala
bolghachqa, bu eslide uning üchün yene nerse oghrilashning bir
yaxshi pursiti idi. Emma u undaq qilmay, achquchlarni mektepke
tapshurup béridu. Buni körgen kishiler nahayiti heyran qalidu.
Oqutquchilar uningdin némishqa achquchni tapshurup
bergenlikini sorighanda, u özining rastchil bolush yoligha
kirgenliki heqqide héch néme démey, peqet «Men héliqi taziliq
ishchisining öz xizmitidin ayrilip qélishini xalimidim», dep
jawab béridu.
Eger Jéssi achquchlarni bir qanche
heptining aldida tépiwalghan bolsa, ularni mektepke tapshurup
bermeslik éhtimali bar idi. Uningda mushundaq özgirish peyda
qilghan nerse, uning hazir bir xil addiy we yéngiche tepekkur
qilish qorali bilen qorallan’ghanliqi bolup, u hazir mundaq
bir ishni tonup yetken: Men qobul qilghan tallashlar
bashqilargha tesir körsitidu. Mektep Jéssigha
«menpe’etdashlar» ni ayrip chiqishni, yeni özining bir
tallishi tesir körsitidighan barliq kishilerni biliwélishni,
hemde özining ulargha qandaq tesir körsiteleydighanliqi
heqqide oylashni ögetken.
Gerche Jéssining bir qisim kemchilikliri
bar bolsimu, uningda yene xéli ésil tughma xususiyetler bar
bolup, u héliqi taziliq ishchisigha zexim yetküzüshni
xalimaydu. Uning oqutquchisi uninggha bashqilargha köngül
bölüshni ögetmigen, emma uninggha özidiki bashqilargha köngül
bölidighan insan tebi’itini körsitishke türtke bolidighan
teriqide oylashni ögetken.
1-resim: «Ishlarni muhimliq derijisige
ayrip qilish sizni özingiz üchün eng muhim bolghan ishlarni
qilish imkaniyitige ige qilidu. Emma siz özingiz köyidighan
kishiler üchün eng muhim bolghan ishlarnimu qilishingiz kérek.
Chünki, ular siz üchün muhim. Siz köyidighan kishilerni eng
muhim orun’gha qoyung.» Michael
Josephson.
Paydilinish menbesi:
[1] Michael Josephson: «I Didn’t Want the
Janitor to Lose His Job»
http://whatwillmatter.com/2013/05/commentary-827-3-i-didnt-want-the-janitor-to-lose-his-job/
Bu maqalini «Pidakar» qérindishimiz
tehrirlidi.