Elyüksel
2016-yili
5-ayning 13-küni
Kona yéziq nusxisi:
http://bbs.izdinix.com/forum.php?mod=viewthread&tid=67955
http://bbs.misranim.com/thread-148184-1-1.html
Balilirimizgha
muweppeqiyetlik
bolushni ögitishning eng yaxshi usuli ulargha meghlup bolushni
ögitish.
Eger
biz
tunji qétim sinishimizdila özimiz istigen nersige érishishni
«muweppeqiyet», qalghan ehwallarni bolsa «meghlubiyet», dep
hésablaydikenmiz, biz hemmimizning meghlup bolghan waqtimiz
muweppeqiyet qazan’ghan waqtimizdin jiq köp bolidu.
Qattiq
tiriship
meghlup bolush asasida yuqirigha örligen kishiler köprek we
yuqiriraq derijide muweppeqiyet qazinidu. Buning sewebi ular
meghlubiyetler arqiliq téximu eqilliq we téximu chidamliq
bolidu.
1-resim:
Héch
kim hemme ishni qilalmaydu, emma her bir adem melum ishlarni
qilalaydu. Siz özingiz qilalighan ishlarni qiliwatamsiz? Dunya
her bir ademning öz rolini jari qildurushigha mohtaj.
Meghlubiyet
asasida
muweppeqiyetlik bolghan Amérikiliq ikki neper ulugh
keshpiyatchilar bar. Ularning biri tordashlargha nahayiti
tonushluq bolghan Tomas Édison bolup, yene biri bolsa 1920 –
1947-yilliri «General Motor»
shirkiti tetqiqat bölümining bashliqi bolghan Charls
Kettéring.
Édison
dawamliq
«muweppeqiyet yolida meghlup boldum» deytti. U her qétim bir
yéngi nersini sinap, sinighan nersisi ishlimise,
«Ishlimeydighan nersidin birini bayqap, ishleydighan nersini
tépishqa bir qedem yéqinlashtim», dep oylaytti.
Kettéring
bolsa
«aldigha qarap meghlup bolush» ni dawamliq tilgha élip, xata
qilin’ghan her bir ishni «praktika siniqi» dep ataytti.
Bu
ikki
zatning ortaq artuqchiliqi, ongushsizliqlar we meghlup bolghan
tirishchanliqlar ularning ijadchanliqi we ularning ishenchini
ajizlashturmighan. Ularning neziride bösüsh xaraktérlik
yéngiliq yaritishta kem bolsa bolmaydighan istratégiye
qayta-qayta sinaq qilish bolup, ular «meghlup bolush» dégen
qarashni zadila qobul qilmighan. Amérikidiki dunyagha dangliq
«IBM» shirkitining qurghuchisi
Tomas Watson hetta «Muweppeqiyet qazinishning usuli meghlup
bolush nisbitini bir hesse östürüsh» dégen.
Elwette
biz
meghlup bolushni arzu qilmaymiz, emma biz meghlubiyettin
saqlinalmaymiz. Hemde muwapiq pözitsiye tutush arqiliq biz
meghlubiyetni özimizge paydiliq nersige aylanduralaymiz.
Meghlubiyettin
pütünley
saqlinishning birdin-bir usuli xeterlerdin we qiyin
ötkellerdin özini qachurush bolup, undaq qilish heqiqiy
meghlubiyetni keltürüp chiqirishi mumkin. Eger sinap
baqmaydikensiz, sizdiki muweppeqiyet qazinish éhtimalliqi
nölge teng bolidu.
Sizning
nishaningiz
birer nersige érishish, birer ishni qilish, yaki özingizning
kishilik yaki kespiy iqtidarlirini yaxshilash bolushi mumkin.
Sizning nishaningizning néme bolushidin qet’iynezer,
muweppeqiyet qazinishning siri, ongushluq bolmighan
sergüzeshtlerni sizning aldingizni tosuwalidighan bir yoghan
tashtin siz yuqirigha örligende dessep égizleydighan pelempey
tashlargha aylandurushni öginiwélishtin ibaret.
Ongushsizliqni
paydigha
aylandurush her bir ademdin mundaq 3 xil iqtidar bar bolushni
telep qilidu: Ijabiy közqarash tiklesh, köp eslesh we
oylinish, we qet’iy dawamlashturush.
Birinchidin,
keshpiyatchilardin
ögining. Birer meghlubiyetke yoluqqanda, hergiz uni «eng
axirqi basquch» dep oylimang. Ongushsizliq iradingizni
boshatmisun, yaki sizni qiliwatqan ishingizdin waz
kechküzmisun. Ésingizde bolsunki, meghlubiyet bir hadise
bolup, u hergizmu bir adem emes. Peqet özingizni bir meghlup
bolghuchi hésablimisingizla, siz qayta-qaytilap duch kelgen
meghlubiyetler sizni hergizmu yéngelmeydu. Sizning burunqi
ishlar üstide qandaq tepekkur qilishingiz sizning buningdin
kéyinki tirishchanliqingizning qandaq bolushini belgileydu: U
hem sizning iradingizni kücheyteleydu, hem iradingizni
ajizlashturalaydu.
Ikkinchidin,
burun
érishken tejribe-sawaqlarni israp qiliwetmeng. Eger burunqi
ishlardin tejribe-sawaq toplimaydikensiz, burun yoluqqan
ongushsizliqlarni israp qiliwétisiz. Özingizning burunqi
ish-heriketliri, pözitsiyiliri we netijilirini qayta-qayta
esleng we ular üstide qayta-qayta oylinip, ulardin
tejribe-sawaq yekünlep, igiligen bilimlerdin buningdin kéyinki
tirishchanliqlar üchün yétekchi idiye süpitide paydilining.
Üchinchidin,
axirghiche
dawamlashturung. Qayta-qayta sinap, barghanséri aqilane ish
qilidighan bolup ménging.
Shundaqla
yuqiridiki
ishlarni qilish jeryanidin huzurlining. Özingizning turmushini
yaki bashqilarning turmushini yaxshilash yolidiki birer
özgirishni nishan qilip körsetken tirishchanliqliringizning
hemmisi siz yaratqan bir qimmetlik töhpe bolup hésablinidu.
Toqquz Dangliqlarning «Meghlubiyet» Heqqide
Éytqanliri
Töwendikisi
Amérikidiki
9 neper dangliq zatlarning Xarward we Stanford qatarliq
dangliq Uniwérsitétlerde sözligen nutuqliridin élin’ghan
söz-üzündiler:
--Siz
özingiz
eng yaxshi köridighan kesipni tapmisingiz bolmaydu. Bu xuddi siz
özingizning heqiqiy muhebbet jöringizni tapqan bilen oxshash.
Sizning xizmitingiz hayatingizning nahayiti chong qismini
igileydu. Shunga
öz-özingizni heqiqiy türde qana’etlendürüshning birdin-bir usuli özingiz üchün
eng ulugh hésablinidighan ish bilen shughullinish. Qilidighan
ishingizni zor netijilerge érishtürüshning birdin-bir usuli
qiliwatqan ishingizni heqiqiy türde yaqturushtin ibaret. Eger
siz ashundaq ishni téxiche tépip bolalmighan bolsingiz, uni
izdeshni dawamlashturung.
Hemde uni tapmighiche toxtap qalmang. Uni
tapqan-tapmighanliqingizni siz özingiz bileleysiz—Köngülge
tewe ishlarning hemmisi ene shundaq bolidu. (Steve Job, 2005)
--Siz
bezide
dötlük qilisiz. Bezide ata-aningizni ensiritisiz—Menmu shundaq
qilghan. Siz öz tallashliringizdin gumanlinisiz. Siz özingizning
ijtima’iy munasiwetliridin, xizmitingizdin, we özingiz
yashawatqan makan we özingiz oquwatqan uniwérsitéttiki
dostliringizdin gumanlinisiz. Méning démekchi bolghinim,
yuqiridikidek ishlargha heyran qalmasliqimiz kérek. Ularning hemmisi
normal ehwallar. (Ira Glass, 2012)
--Siz
hayatingizning
melum basquchida meghlup bolisiz. Siz ongushsizliqqa
uchraysiz. Öz-özingizni
ongaysizlandurisiz. Buningda
héch qandaq shek yoq. Uni
qobul qiling. Eger
siz meghlup bolmaydikensiz, u sizning téxiche bir ishni
qilishni sinap baqmighanliqingizni körsitidu. Meghlup bolush
bezide özingizning qeyerge qarap kétiwatqanliqini bayqashning
eng yaxshi usuli bolup qalidu.
(Danzel Washington, 2011)
--Siz
ongushsizliqlargha
uchrash arqiliq téximu eqilliq we téximu küchlük bolisiz. Siz ashundaq
jeryanlar arqiliq érishken bilimler bilen kéyinki hayatingizda
septin chüshüp qalmasliqni bir xil kapaletke ige qilisiz. Ongushsizliqlarning
siniqidin ötküzmey turup, siz öz-özingizni yaki özingizning
ijtima’iy munasiwetliringizning küchlük-ajizliqini heqiqiy
türde chüshenmeysiz. Ashundaq
bilimler siz üchün bibaha sowghat bolup hésablinidu. (J. K. Rowling, 2008)
--«Meghlubiyet»
deydighan
nerse mewjut emes. Meghlubiyet
bizni
bashqa bir yönilishke bashlaydighan nerse bolup, umu hayatning
bir qismi. Her
bir xataliqtin bilim éling.
Andin siz üchün kéyinki toghra yönilishning qaysi
ikenlikini aydinglashturuwéling.
(Oprah Winfrey, 2013)
--Bizning
meghlubiyitimiz
özimizdiki idilogiyini shekillendürüp, bizning eng axirida
qandaq adem bolup chiqishimizni, hemde özimizning bashqilardin
qandaq perqlinidighanliqimizni belgileydu. Meghlubiyetni qobul
qilish asan ish emes, emma siz uni qobul qilip, uni toghra bir
terep qilidikensiz, siz «meghlubiyet» dep hésablighan nerse
öz-özingizni yéngidin bayqashtiki yadroluq nersige aylinidu. (Conan O’Brien, 2011)
--Siz
dunyani
öz ölchemliringiz boyiche yaxshilashqa urunup béqing. U bir asan ish emes. Men bilen oxshash
dewrning kishiliri sizge bir qisim ishlarni «qilghili
bolmaydu», deydu. Buninggha
idiyiwi teyyarliq qilip qoyung.
U ishlarni méning yéshimdiki kishiler heqiqeten
qilalmighan, shunglashqa ularning neziride ular qilghili
bolmaydighan ishlar. Emma
silerning wezipenglar bizning déginimizning xata ikenlikini
ispatlash. (Stephen Colbert, 2015)
--U
ishlarni
siz yalghuz qilalmaysiz.
Buningdin kéyinki hayatingizni yashap méngish jeryanida
bashqilar bilen hemkarlishishqa her waqit teyyar turung. Köpinche waqitlarda
bashqilar sizdin, we bashqilarning idiyiliri sizningkidin
yaxshiraq bolup chiqidu. Sizge jeng élan qilidighan we sizge
medet ata qilidighan bir guruppa ademlerni tépip, köpligen
waqtingizni shular bilen bille ötküzüng. Ashundaq qilish
arqiliq siz öz hayatingizni özgerteleysiz. (Amy Poehler, 2011)
--Méning
dadam
bir dangliq komédiye artisi bolalaytti, emma u özining shundaq
qilalaydighanliqigha ishenmigen.
Shunga u asanraq yolni tallap, bir boghaltir bolghan. Men 12 yashqa
kirgende dadam ishtin boshitildi. Shuning bilen biz
bir a’ile kishiliri qolimizdin kélidighan ishlarning hemmisini
qilip, hayatimizni saqlashqa mejburi bolduq. Men dadamning
ehwalidin nurghunlighan qimmetlik bilimlerge ige boldum. Ularning birsi, siz
özingiz arzu qilmaydighan bir ish bilen shughullan’ghandimu
meghlup bolup qalisiz. Shunglashqa siz özingiz eng yaxshi
köridighan ishlarni tewekkülchilik qilip sinap béqing. (Jim Carrey, 2014)
2-resim:
Yuqiridiki
sözlerni qilghan dangliqlar ichidiki 8 kishi. Ikkinchi kishi (Ira Glass, 2012) ning resimi ochuq
chiqmighanliqi üchün, uning resimi ishlitilmidi.
Paydilinish Menbesi:
[1]
Michael
Josephson: « How to Succeed by Failing Forward – Turning
Stumbling Blocks to Stepping Stones».
[2]
Nine
inspiring quotes from memorable commencement speeches
https://www.facebook.com/BuzzFeedVideo/videos/1969751883165684/
Bu maqalini «Pidakar» qérindishimiz
tehrirlidi.