Elyüksel

2016-yili 3-ayning 31-küni

Kona yéziq nusxisi:

http://bbs.izdinix.com/forum.php?mod=viewthread&tid=67418

http://bbs.bagdax.cn/thread-47257-1-1.html

1.Hayatning Meqsiti

 

Hayatning meqsiti mundaq bolidu:

--Bashqilargha paydiliq bolush

--Mes’uliyetchan bolush

--Hörmetke sazawer bolush

--Xeyrixahliq bolush

--Qedirlinidighan bolush

--Étibargha élinidighan bolush

--Melum bir nerse üchün yashaydighan bolush

--Yashighanliqning namayendisi süpitide melum özgirish peyda qilghan bolush

-------(Leo Rosten)

 

2. Yaxshi Hayat

 

Yaxshi yashash mundaq bolidu:

--(1) Özige hörmet qilish, bashqilargha hörmet qilish, we özining ish-herikitige mes’ul bolush

--(2) Bir ishni xata qilip qoyghanliqini bayqighan haman uni tüzitish yolida chare qollinish

--(3) Yéngiliqqa quchaq échish, emma öz qimmet-qarishidin waz kechmeslik

--(4) Istigen nersige érishelmeslik bezide yaxshi teleyning namayendisi bolidu

--(5) Meghlup bolghanda, uning tejribe-sawaqlirini yüttürüp qoymasliq

--(6) Chongqur muhebbet we ulugh netijiler zor tewekkulchilik we chong xeterler arqiliq wujutqa kélidu

--(7) A’ilingizdiki bir-birige köyünüsh muhiti sizning hayatingizning asasi

--(8) Özingiz eng köyidighan kishiler bilen gep taliship qalghanda, peqet hazirqi ishlarnila tilgha élip, hergiz burunqi ishlarni sörep chiqmang

--(9) Kichik gep talishishlarning chong munasiwetlerni zeximlendürüshige yol qoymang

--(10) Sükütte turushning bezide eng yaxshi jawab bolidighanliqini untumang

--(11) Ikki kishi otturisidiki muhebbet ularning bir-birige bolghan éhtiyajini bésip chüshkende, ularning munasiwiti eng yaxshi haletke kélidu

--(12) Bilimliringizdin bashqilarni hembehirmen qilish sizning menggu hayat adem bolalishingizning bir usuli

--(13) Her küni bir qisim waqitlarni peqet özingiz yalghuz ötküzüng

--(14) Her yili bir qétim burun bérip baqmighan yerlerge bérip kéling

--(15) Zéminni qedirleng

--(16) Yaxshi we hörmetke sazawer bolghan halda yashang.  Shundaq qilsingiz, siz yashinip burunqi ishlarni esliginingizde, u ishlardin yene bir qétim huzur alisiz

--(17) Özingizning muweppeqiyitini ashu muweppeqiyetke érishish üchün töligen bedilingiz arqiliq bahalang

-----(Bir dunyagha meshhur Budda dini erbabi)

 

3. Sözleshtin Burun Töwendikilerni Oylang

 

--Sözingiz rastmu?

--Sözingiz paydiliqmu?

--Sözingiz bashqilarni ümidwarliqqa ündemdu?

--Sözingiz zörürmu?

--Sözingiz méhribanliqni ipadilemdu?

----- (Aptori melum emes)

 

4. Yaxshi Idiyeler

 

--Herikiti yoq yaxshi idiyeler xuddi yaxshi oralghan, emma ichi quruq sanduqqa oxshaydu.

----- (Michael Josephson)

 

 

5. Bir Pütün Semimiylikni Yoqitip Qoyushqa Bolmaydu

 

--Siz uni bashqilargha ötünüp béreleysiz yaki satalaysiz, emma uni sétip alalmaysiz. Sizde bir pütün semimiylik (integrity) bolmaydiken, siz yoq nersige aylinip qalisiz, hemde héchnémige érishelmeysiz.

----- (Michael Josephson)

 

6. «Birsige Köyüsh» Dégen Néme?

 

--Muhebbet birsige qaritilghan mukemmel köngül bölüsh haliti emes.  U  xuddi «küresh qilish» qa oxshash bir aktip isim.  Birsini söyüsh déginimiz ashu kishini uning hazirqi qiyapiti we haliti boyiche eynen qobul qilishqa barliq tirishchanliqlarni körsitish démektur.

----- (Mister Rogers)

 

7. Balingizgha Ögitip Qoyushqa Erziydighan 5 Ish

 

--(1) Bashqilargha yaxshi dost bolup bérish

--(2) Undaq qilishqa erzimeydighan kishilergimu méhribanliq qilish

--(3) Her bir sergüzeshtisidin tejribe-sawaq yekünlesh

--(4) Bashqilar öz mejburiyitini ada qilmighan ehwaldimu özining bir kishilik töhpisini qoshush

--(5) Uni qilishni xalimighan ehwaldimu bir wezipini bashlash we uni tamamlash

----- (Michael Josephson)

 

 

1-resim: Bir pütün semimiylikni yoqitip qoyushqa bolmaydu

© Copyright 2014 Uyghur Meripet  Torbéti