Gülen’ay Xaward Uniwérsitétige Ötti

Erkin Sidiq

2015-yili 12-ayning 15-küni

Kona yéziq nusxisi:

http://bbs.izdinix.com/thread-65900-1-1.html

http://bbs.bagdax.cn/thread-40731-1-1.html 

http://bbs.misranim.com/thread-145665-1-1.html

http://bbs.bozqir.com.cn/forum.php?mod=viewthread&tid=8420
 

Men özümning 2015-yili 19-Mayda torlargha chiqarghan «Iqtisadshunasliq bash meslihetchisi doktor Gülnaz Abduqadir heqqide yéngi xewer» (Netijilik Uyghurlar 12) dégen maqaliside Amérikidiki «Wells Fargo» dep atilidighan chong bankining mu’awin re’isi doktor Gülnaz Abduqadirni tonushturghan idim.

 

Gülnazning jem’iy 3 perzenti bar bolup, ularning ichidiki eng kichikining ismi Gülenay.  Gülenay kéler yili toluq ottura mektepni püttüridighan bolup, bu yil küzdin bashlap aliy mektepke iltimas qilishni bashlighan idi.  U bir qanche künning aldida Amérikidiki dunyagha eng dangliq aliy mekteplerning biri bolghan Xaward Uniwérsitétidin ashu mektepke qobul qilin’ghanliq heqqide bir parche xet tapshurup aldi.  Men mushu munasiwet bilen qizimiz Gülenayni qizghin tebrikleymen—Mubarek bolsun!

 

 

1-resim: Yéqinda Xaward Uniwérsitétige qobul qilin’ghan qizimiz Gülenay.

 

Hazir Amérikida téxi barliq qobul qilin’ghan oqughuchilargha uqturush xéti ewetish waqti toshmighan bolup, bir qisim dangliq mektepler özliri nahayiti yaxshi körgen oqughuchilarning bashqa mekteplerge kétip qélishining aldini élish üchün, ulargha baldur uqturush qilidu.  Bundaq ish In’glizche «Early Notification» dep atilidu.  Gülenay bu qétim ene shundaq oqughuchilar qatarida qobul qilinish xétini baldur tapshurup alghan.

 

 

2-resim: Gülenay Xaward Uniwérsitétidin tapshurup alghan toluq kursqa qobul qilinish uqturushi.

 

Oqurmenlerning köpinchisi Xaward Uniwérsitétige kirishning qanchilik tes ikenlikini bilidu.  Qisqisi, mekteplerde pewqul’ade yaxshi oqughan, hemde derstin sirtqi pa’aliyetlerdimu ela orunda turup kelgen oqughuchi bolmisa, Xawardqa kirelmeydu.   Gülenay hazirghiche ene shundaq oqup kelgen.  U köp qétim toluq ottura mektipining ilim-pen musabiqiside mukapatqa érishken.  Bir qanche orunlarda ötküzülgen matématika musabiqisigha qatnashqan.  Bir qanche tenterbiye türlirining mukapatigha érishken.  Hemde Amérikining memliketlik shan-sherep jem’iyiti, memliketlik tarix shan-sherep jem’iyiti, we memliketlik matématika shan-sherep jem’iyiti qatarliqlargha eza bolup tallan’ghan.  U bu yil (2015-yili) yazliq tetil mezgilide NASAning bir tetqiqat merkizining ilmiy tetqiqat mukapatigha ériship, «oqughuchi xizmetchi» bolup ishlep, NASAning Marsqa adem chiqirish projékti (qurulishi) ning bir mezgillik öginishini tamamlighan.  2014-yili yazliq tetilde Gülenayning akisi Baburjanmu yuqiriqigha oxshash bir NASA programmisigha qatnashqan idi.  Buningdin Gülenayning ata-anisi, Shöhret Seydexmet bilen Gülnazning balilirini yaxshi terbiyilesh üchün singdürgen japaliq ejirlirini körüwalmaq tes emes.

 

Gülenay Amérikida tughulup ösken Uyghur  perzenti bolup, u yalghuz oqush, tenterbiye we bashqa derstin sirtqi pa’aliyetlerde munewwer orunda turupla qalmay, u yene Uyghurlarning diniy étiqadi bilen Uyghurlarning medeniyiti we örüp-aditinimu nahayiti yaxshi saqlap kéliwatidu. 

 

Gülenay heqqide tilgha élip ötmisem bolmaydighan yene bir muhim ish, Gülenayning apisi we akisi bilen bille bu yil etiyazda Mekkige bérip, Ümre hej qilip kélishidur. 

 

Men Gülenayning buningdin kéyinki hayati üchün zor utuqlarni tileymen.  Töwendikisi Gülenaygha a’it yene bir qisim resimler.

 

 

3-resim: Gülenay NASAda ishligen mezgilide Bergen bir meydan ilmiy doklatning bir körünishi.

 

 

4-resim: 2014-yili 6-ayda Gülenayning akisi toluq ottura mektepni püttürüsh murasimigha qatnashqan waqittiki bir körünüsh.

 

 

5-resim: Gülenay mektipidiki bir pa’aliyetke qatnishiwatqan waqittiki bir körünüsh.

 

 

6-resim: Gülenay qolghan keltürgen netijilerning tizimliki (In’glizche).

 

 

7-resim: Gülenay alghan mukapatlarning bir qismi.

 

 

8-resim: Gülenay alghan mukapatlarning bir qismi.

 

 

9-resim: Gülenay alghan bir dane ilim-pen médali.

 

 

10-resim: Gülenay özi oquwatqan toluq ottura mektepning zhurnilida mexsus tonushturulghan bolup, bu zhurnalning Gülenay tonushturulghan bétining resimi.  Gülenay her xil medeniyet pa’aliyetlirigimu aktip qatniship, öz etirapidiki kishilerge Uyghurlarning güzel obrazini namayan qilmaqta.

 

 

11-resim: Gülenay bu yil 4-ayda apisi we akisi bilen bille Mekkige bérip, Ümre hej qilip kelgen.  Bu shu chaghda tartilghan bir parche xatire resim.

 

 

Paydilinish Matériyalliri:

 

[1] Bilimxumar: «Iqtisadshunasliq bash meslihetchisi doktor Gülnaz Abduqadir heqqide yéngi xewer» (Netijilik Uyghurlar 12)

http://bbs.bagdax.cn/thread-29754-1-1.html

http://bbs.bozqir.top/forum.php?mod=viewthread&tid=7196
http://bbs.izdinix.com/thread-63669-1-1.html

Bu maqalini héchkimdin sorimay, menbesini bergen asasta bashqa her qandaq torgha chiqarsingiz, yaki élkitabqa oxshash bashqa her qandaq shekilde ishletsingiz boluwéridu. Bu maqale barliq Uyghurlargha mensup.

© Copyright 2014 Uyghur Meripet  Torbéti