Erkin Sidiq

2015-yili 5-ayning 8-küni

Kona yéziq nusxisi:

http://www.doktor.cn/

http://bbs.izdinix.com/thread-63541-1-1.html
http://bbs.bagdax.cn/thread-29612-1-1.html
http://www.ejdad.com/bbs/forum.php?mod=viewthread&tid=3323
http://www.alganur.cn/mb/forum.php?mod=viewthread&tid=3417
http://bbs.bozqir.top/forum.php?mod=viewthread&tid=7121

PDF Nusxisi:  http://www.meripet.com/2015/20150508_chetel_uyghur11.pdf

Netijilik kishilerning selbiy sergüzeshtlerge qandaq muamile qilidighanliqigha qarap baqsingiz, «aldigha qarap meghlup bolush» ning qandaq bolidighanliqi heqqide nurghun bilimlerge ige bolalaysiz.  Töwendiki tizimlikni oqup chiqip, siz özingiz duch kelgen meghlubiyetke qaysi usul bilen mu’amile qilidighanliqingizni belgilep béqing:

Siz yéqinda yoluqqan bir ongushsizliqni eslep béqing.  Siz uninggha qandaq muamile qildingiz?  Siz yoluqqan mesililerning qanchilik qiyin bolushidin qet’iynezer, ular üstidin ghalip kélishning achquchi sizning öz sharaitingizni özgertishte emes,  Uning achquchi özingizni özgertishte.  Özini özgertishning özimu bir jeryan bolup, u yéngiliqni öginish istikidin bashlinidu.  Eger siz shundaq qilishni xalaydikensiz, u halda siz meghlubiyetni muwapiq bir terep qilalaysiz.  Siz hazirdin bashlap, paydilinishqa bolidighan barliq charilerdin paydilinip aldigha qarap meghlup bolushqa irade baghlang.  Siz hazir qiliwatqan hemme ishlarda yéngiliqlarni qobul qilalaydighan bir pozitsiyini saqlang.

Yuqiridiki mezmun men «Netijilik Uyghurlar (9)» dégen maqalemde tonushturghan Jon Maksiwél (John C. Maxwell) ning «Maksiwél künlük oqushluqi» dégen kitabining 71-béti (3-Mart küni) ning toluq mezmuni. 

Men emdi resmiy mezmunni bashlaymen.  Yeni bu hepte men yéngi qérindishimizdin yene 3 kishini tonushturimen.  Ular men tonushturghan 35-, 36- we 37-qérindishimiz bolup hésablinidu.  Ularning ichidiki bir singlimiz qehriman Uyghur xanim-qizlirining yéngi bir misali bolup, yene 2 neper ukimiz bolsa chet elde oqup, dokturluq unwanigha ériship, hazir muhim we yuqiri derijilik xizmet orunlirida köpligen netijilerni yaratqan qérindashlirimizning wekilliri bolidu.  Bu 3 qérindishimizmu xuddi men burun tonushturghan bashqa 34 neper qérindashlirimizgha oxshashla «aldigha qarap meghlup bolghuchilar» bolup, bu 3 qérindashlirimizmu her xil xelq’ara sehnilerde Uyghurning eqilliq, talantliq we töhpikar millet ikenlikini namayan qiliwatidu.  Menmu xuddi sizge oxshashla ulardin nahayiti pexirlinimen. 

1. Reyhan’gül Emet (Gollandiye)

1-resim: Singlimiz Reyhan’gül Emet

Singlimiz Reyhan’gül Emet 1975-yili Korla shehiride tughulghan. Uning chong anisi Hawaxan  1949-yilidin burun inik ana  bolghach kéyin shu chaghdiki sheherdiki birdin-bir yeslige,  yeni kadirlarning baliliri baridighan yeslige oqutquchi bolup teyinlen'gen. Köyümchan, mes'uliyetchan we tilgha bay bolghan Hawaxan chong ana her millet xelqini razi qilip, ularning  chongqur hörmitige érishken. Chong anisigha newriler nöwetliship hemrah bolush en'enisi boyiche, hepte axirida chong anisining yénida turghan Reyhan’gül Hawaxan chong anidin nurghun tarixiy qoshaqlarni anglashqa muyesser bolidu.  Uning merhum dadisi bir addiy shopur bolsimu,  heptide bir kitab we gézit  élishni  udum qilghan kitabxumar dada idi.  Hékaye-qoshaq we chöchek éytishqa nahayiti usta anisi  Xeyrinsaxan a’ilide qoshaq éytish we tépishmaq tépishni balilarning kündilik turmushigha aylandurghach, bu a’ilidiki hemme bala dégüdek kitab oqushni yaxshi köridighan balilar bolup yétiship chiqidu.  Emma u oqughan mekteptiki balilar nahayiti shox bolghach oqush ezeldin köngüldikidek bolmaydu.  Yaxshi oqutquchiliridin nacharliri köp bolup, uning oqush shara’iti we muhiti uni we uningdek ghayilik oqughuchilarni meyüslendüridu.  Shu seweblik u ottura mektepning eng axirqi yilida oqushtin waz kechmekchimu bolidu.  Lékin u chishini chishlep aliy mektep imtihanigha qatnishidu. 

Her bir oqughuchining aliy mekteptin kütken ümidi we telipi oxshash bolmighach, Reyhan’gül üchün bilimlik oqutquchi we öginish pursiti tépish shu chaghdiki eng chong bir nishan bolup, u Béyjingda oqushni qarar qilidu, we öz arzusi boyiche yaxshi netije bilen 1992-yili Merkizi Milletler Uniwérsitétining Türkiy tillar fakultétigha qobul qilinidu.  Bu xewerdin söyün'gen yerlik idare  tunji qétim bu ilini we bu qizni ming som pul bilen mukapatlaydu.  Shundin kéyin mushundaq mukapat resmiy tesis qilinidu.

Milletler Uniwérsitéti heqiqeten her millet oqughuchiliri jem bolghan mektep bolghach bezide bir oqughuchi  we uning ish herikiti shu milletke bilip-bilmey wekillik qilip qalidu. Reyhan’gül  qizghinliq, qiziqish we  tirishchanliq bilen ögensila barliq milletler oxshash eqliy qabiliyetke ige bolidighanliqini namayan qilip, aliy mektepte ikki rékort yaritidu.  Awwal döletlik «4-derijilik In’gliz tili»  imtihandin ghelibilik ötidu.  Shu chaghda bu pütün mekteptiki Türkiy tilliq oqughuchilargha zor ilham bolidu.

Shundaq, herqandaq ishning otturigha chiqishida melum bir seweb bar bolidu.  Reyhan’gül aliy mektepte In’glizche imtihan'gha 20 yüen tölep tizimlatmaqchi bolghanda, bir oqutquchi : «Silerdek tünügün ögen'gen az sanliq millet oqughuchiliridin bu imtihan'gha qatniship ötelmeydighanlar bek jiq, da’im mushundaq boluwerse mektepning namigha yaxshi emes, eng yaxshisi xenche ögininglar, silerdin bu derije imtihanigha qatnishish  telep qilinmighandikin»,  dep ret qilghanda, u: «méning imtihan'gha qatnishish hoququm bar, shundaqqu?  Men choqum sinap baqimen», dep jahilliq bilen tizimlitidu.

Reyhan’gül aliy mektepte birinchi yilila xenzuche derije imtihanidin yaxshi netije bilen ötkechke, uninggha xenzu tili öginish waqit israpchiliqi bolup qalidu.  Shunga mu’ellimge xenzu tili derske qatnashmay, uning ornigha bashqa siniplarda In’glizche öginish telipini otturigha qoyghanda, mu’ellim qoshulmaydu.  Lékin u ders waqtida In’glizche ögense bolidighanliqini  mu'eyyenleshtürüwalidu. Adette mu’ellim  we mektep özining waqtini israp qilsa nurghunlighan oqughuchilar qilche perwa qilmaydu.  Chünki ular öz menpe’itini  we waqtini qoghdashni bilmeydu. U chaghlarda mektep adette bashqa oqughuchilardin In’glizche derije imtihanidin ötüshni diplom élishning sherti qilghan bolup, kutupxanida etrapidiki bashqa millet oqughuchilar pütünley In’glizche ögense, özi  da’im xenzuche ögen'gech, bashqa milletler neziride bir xil ghelite we külkilik ish bolup tuyulup, chüshendürüshke toghra kélidu.   Shuning bilen Reyhan’gül In’glizche ögenmekchi bolidu. Emma mektep etrapida In’gliz tili öginidighan kurslarni tapalmay, bek tit- tit bolidu. Teliyige, u tuyuqsiz mektepning mexsus oqutquchilar üchün achqan bir In’glizche sinipini bayqap qélip,  shu sinipqa astighina kirip olturup öginidu.  Kéyin mu’ellim Reyhan’gülning bir  oqughuchi ikenlikini sézip qélip, uning chiqip kétishini telep qilghanda, u öz tirishchanliqi, shundaqla siniptiki bashqa oqutquchilarning aktip qollishi bilen bir az pul tölep, sinipta bir mewsum öginish pursitige ige bolidu.  Kéyin u Amérikidin  emdila döletke qaytip kelgen proféssor Létip Toxti mu’ellim heqqidiki bir qisim uchurgha ériship,   tetilde ketmeydighan qizlarni yighip, özi mu’ellimni ders ötüp bérishke teklip qilidu.  Shundaq qilip mu’ellimning illiq mu’amilisi we  qizghinliqi bilen bir tetil öginish pursiti yaritilidu.  Reyhan’gül ana tilida bir qisqa In’glizche ders anglash pursitige ige bolghanliqidin, we bu talantliq, ijtihatchan proféssordin qattiq pexirlinidu.  Shundaqla kéyin uning magistir oqughuchisi bolushqa bel baghlaydu.

Reyhan’gül 1997-yili memliket boyiche bir tutash élin’ghan magistirliq imtihanidin ötüp, aliy mektep tarixida Uyghurche oqughanlar ichide tunji qétim imtihandin ötken Türkiy tilliq oqughuchi bolidu.  Bu oqush rékorti eyni waqitta az sanliq millet oqughuchilirining eqliy jehettin bashqa  oqughuchilar bilen oxshash ikenlikini, tirishish arqiliq nachar shara’ittin qutulghili bolidighanliqini ispatlap béridu.  Adette mektep fakultétqa  her yili magistir oqughuchisidin peqet birla san Uyghur, Qazaq oqughuchilirigha bérilidu.  Shunga ela oqughan biri «imtihansiz tewwisiyelik oqughuchi» pursitige ige bolup, bashqa elachi oqughuchilar bolsa xizmetke teqsim qilinish pursitige ige bolidu.  Reyhan’gül xizmetni almay magistirliqta oqush  yolini tallaydu.

Eyni waqitta memliket boyiche bir tutash  élin’ghan magistirliq imtihanida qedimki xenzu tili imtihanning bir qismi qilinidu.  Bu derslik ezeldin derslik sétkisigha kirgüzülmigech, Reyhan’gül buni özlükidin ögenmise bolmaytti.  Shunga u bu mesilini yene shu oqutquchilar sinipida  hel qildi.  Yene bir tosalghu bolsa In’gliz tili idi.  In’glizche dersni aliy mektepning 3-yilliqida nöldin bashlap ögen'genler üchün  memliketlik bir tutash magistirliq In’glizche  imtihanigha qatnishishmu bir chong ötkel hésablinatti.  Eyni chaghdiki bu qatmu-qat qiyinchiliqlar minglighan oqughuchilarni bu qedemni élishtin tosup qalghanda, Reyhan’gül jasaretke kélip urunup baqti.  Hemde teliyige yarisha tirishqanliri bikargha ketmey,  magistirliq imtihanidin ötti.

Reyhan’gül aliy mektepni nahayiti memnuniyet we huzurluq bilen oqup püttürgen oqughuchi boldi.  Uning aliy mekteptiki oqutquchisi proféssor Abdure’op Polatning yétekchilikide oqughuchilar ilmiy yighilish «enjümen soruni»  teshkillen'gende, Reyhan’gül uninggha teshebbuskarliq bilen qatniship, yurtimizdin Béyjinggha kelgen nurghun dangliq ziyaliylar bilen körüshüsh we ular bilen pikirlishish pursitige ige bolup, her xil idiyiler bilen uchrishidu. Her xil sen'et we medeniyet pa’aliyetlirini teshkillep, ulargha özi riyasetchilik qilip, oqu-oqutush bilen meniwi-ijtima'iy pa’aliyetlerni teng élip baridu.

Reyhan’gül  Béyjingdiki  on nechche yilliq  oqush we xizmet hayatida izchil  türde bu yerge kelgen her sahediki qérindashlarning ishlirigha yardemlishidu.  Méyip, qéri we ajiz erzdarlarni erz qilidighan yérige apirish, matériyallirini teyyarlash ishlirigha xalisane yardemde bolidu.  Uningdin bashqa oqushqa kelgenlerge oqush üchün alaqe qilip bérish, we yataq tépip bérish qatarliq ishlarni xalisane qilidu.  Reyhan’gülning Béyjingdiki bezi dostliri uning bashqilar üchün ish qilimen, dep özlirini aware qilishidin qorqidighan böliwalidu.  Lékin Reyhan’gül özi qilalmisa yenila qilalaydighan dostlarni tépip, qérindashlarning til we bashqa jehettiki qiyinchiliqini yenggillitishke urunidu.  Uning éytishiche, uning yatiqi kéyin chet'elge chiqidighan we chet eldin kélidighan qizlarning  ötingige aylan'ghan iken.

Reyhan’gül 2000-yili magistir aspirantliqini püttürgendin kéyin, Merkiziy Milletler neshriyatigha xizmetke chüshidu. Hemde yérim yildin kéyin, Ijtima’iy Penler Akadémiyisige imtihan bérip tallinip, shu yerde xizmet qilidu.  2004-yili Shinjang Yéza Igilik Uniwérsitéti Junggo tilliri fakultétigha almiship,  Uyghur tili we xenzu tili oqutquchisi bolup xizmet qilidu. U ijtima’iy penler akadémiyiside ishligende, Milletler Uniwérsitétida bir tereptin In’glizche ders berse, yene bir tereptin mu’ellimlerge, tetqiqatchilargha we chet'ellik oqughuchilargha Uyghur tili dersi béridu.  U bir qétimliq xelq'araliq Türkiy tillar yighinida neq meydan terjimanliqi qilidu, we Gollandiyelik proféssor  Déyong ( Frederic Dejong) ependi bilen tonushup qalidu.  Hemde 2004-yili bu kishining teklipi bilen  Gollandiye Ütrext Uniwérsitétigha  «ziyaretchi ilimdar» süpitide baridu.  U yerde  bashqilar bilen hemkarliship, «Uyghur tili sözlishish qollanmisi » (Uyghur, A Manual for Conversation) we «Hazirqi zaman Uyghur tili grammatikisi » (A Grammar of Modern Uyghur) dégen kitablarni yazidu. 2005-yili we 2007-yili  bu kitablar Gollandiyede ayrim-ayrim  neshrdin chiqidu.  Bu In’gliz tilida yézilghan tunji Uyghur tili grammatikisi kitabi bolup qalidu. Shu mezgilde Reyhan’gül yene  Ütrext shehiridiki Rasa naxsha usul merkizige bérip, u yerde Uyghur dolan muqami toghrisida chüshenche bérip, u yerdikilerning qiziqishini qozghaydu.  Hemde ularning bir mes'ul kishisini Ürümchide kütüwélip,  Ürümchidiki munasiwetlik kishiler bilen uchrashturidu.  2007-yili  dolan muqami Ütrext shehiridiki Rasada  yangrap, Gollandlarning Uyghur heqqidiki chüshenchisini chongqurlashturidu.

Reyhan’gül 2006-yili En’gliye Oksford shehiri Islam tetqiqat merkizi (Oxford Centre for Islamic Studies) ning   «Imam Buxari we imam térmizi»  (Imam Bukhari and Imam Tirmizi,  http://www.oxcis.ac.uk/ibit12-13.html)  tetqiqat mukapatigha ériship, shu yerde bir yil tetqiqat bilen shughullinidu. Reyhan’gül mushu jeryanda Oksford Uniwérsitéti insanshunasliq kespide oqush arzusida yéziqche we Éghizche imtihan'gha qatniship, netije chiqquche saqlash mumkin bolmay qaytip kétidu.  Bir aydin kéyin Reyhan’gülge oqush mukapati bilen oqush pursiti bérilgenlik uqturushi kelgende,  xizmet qiliwatqan mekteptin  qoshulmighach bu oqush pursitini zaye qilishqa mejburi bolidu.  Kéyin memliket ichide doktorluq oqushni xalimay, 2010-yili  Gollandiyege doktorluq oqush üchün  qayta kélidu.  Ijtima’iy pende oqush mukapati élip oqush tes bolghanning üstige, bezi emeliy sewebler tüpeylidin, bir tereptin ishlep, bir tereptin oqushqa toghra kélidu.   Shuning bilen Reyhan’gül xenzuche ders ötüshni asas qilghan bir kichik til mektipini achidu.

2-resim: Reyhan’gul Oksford Uniwérsitétide. 

3-resim: Oksford Uniwérsitétining bir körünishi. 

Reyhan’gülning 2012-yili balisi  Kashigheri tughulghanda, Gollandiyelik ata-anilarning éqimigha egiship, balisi üchün balilar psixologiyisi dersini öginidu.  Hemde buning emeliyettiki ünümini körüp, ündidarda «eqil topi» we «ana biz» toplirini quridu.  Oqu-oqutush saheside ishleydighan dölet ichi we sirtidiki barliq xanim-qizlar bilen birlikte, ma’aripchi ata-ana bolush, we her bir adem öz ana tilida we öz yéziqida kitab oquyalaydighan balilarni terbiyileshni asasiy nishan qilip, her sahedikilerni öz saheside ilimning zakatini bérish üchün bir yérim yildin artuq léksiye sözleshke uyushturidu. Reyhan’gül ündidarda tunji qétim top qurup léksiye sözligen oqutquchi bolupla qalmay, ündidarning aktip rolidin paydilinishning bir yéngi yolini körsitip bergen kishimu bolup qalidu.  Ündidardikiler bir-biri bilen hal-ehwal soriship normal paranglishishtin, hazirqidek top-top bolup, her xil témilarda bes-beste sayraydighan yaxshi weziyet barliqqa kélidu.  Reyhan’gül  hazirmu ündidarda özi ögen'gen balilar toghrisidiki konkrét we emeliy bilimlerni dostliri bilen hembehirlishish ishini qiliwatidu. Hemde wetende pinséyonérlar yaki qérilar öyige oxshash, kichik balilarning üchünmu mehellilerde birdin  heqsiz balilar oynash öyi qurush üchün toxtimay imkaniyet izdewatidu.  Reyhan’gülning arzu qiliwatqini her qandaq waqitta ata-anilar ashundaq öylerge öz balilirini  apirip oynashqa qoyup bérish, shu arqiliq balilarni öz qorusida yalghuz oynitishning aldini élish , hemde bala yitip ketmeslik we bir bixeter oynash muhitini berpa qilishtin ibaret.  Reyhan’gül bu jehette bashqa qérindashlarning öz imkaniyitining da’irisi ichide özige yardemde bolushini ümid qilidu. 

Reyhan’gül ata-anilarni balilirini kichikidin bashlap terbiyileshke ehmiyet bérishke ündesh  üchün,  2015-yili ündidarda Süzüki métodida «10 minutluq In’glizche» dersi sözleydu.  Hemde 300 dek ata-anilarning  öz baliliri bilen bille öginishige türtke bolup, ularning  qizghin alqishigha érishidu.  Xelq'arada yene «talant ma’aripi» dep nam alghan «Süzüki métodi» ni Yaponiyelik  ma’aripchi Süzüki otturigha qoyghan.  U usulning telipi balilargha iskiripka öginishni ular kichik chéghida bashlash, we ata-anilar teng öginish arqiliq balilirigha yaxshi shara’it yaritip bérish, shundaqla balini yéqindin yéteklesh.  Süzüki métodi Yawropada hazir keng türde qolliniliwatqan ünümlük we huzurluq oqutush usuli bolup, Reyhan’gül bu usulning öz ma’aripimizghimu singip kirishi, ata-anilarning  ma’aripni öz qollirigha élishi, ata-anilarning mektepni we oqutquchilarning tepekkur sheklini toluq chüshinishi we ulargha maslishishi, shundaqla balilarda her xil qiziqishlarning shekillinishi üchün ata-anilarning  teng qol tiqip ish qilishi qatarliqlarni chüshendürüsh meqsitide yuqirida tilgha élin’ghan ündidar dersxanisini achidu.  Reyhan’gül yene xelq'araliq In’glizche imtihan  IELTS qa  teyyarliq qilish dersini chet'ellik kespi oqutquchilar bilen birliship échish yolida tirishiwatidu.  Shundaqla u chet'elde bir ishenchlik we sistémiliq «oqush-oqutush meslihet  shirkiti» ni qurup, shu arqiliq az heq bilen chet elde oqushta, we oqush mukapatigha érishishte yardemge mohtaj bolghanlarni ichkiri ölkilerde temtirep yürüshtin qutquzush üchün izdiniwatidu. Reyhan’gülning meqsiti wetendikilerni qisqa waqit ichide toghra uchur bilen teminlep, ularning iqtisadiy bésimini yéniklitishtin ibaret. 

Reyhan’gül özining ghayisi üstide toxtilip mundaq dédi :  «Méning ghayem balilar oynash öyi qurush, we  kelgüsidiki küchlüklerge  yantayaq bolup, ularning heqiqiy küchlük bolushi üchün pishang bolush.» 

Singlimiz Reyhan’gül öz yurtidin ayrilip, bir yiraq jayda yashawatqan bir ayal we bir ana bolushigha qarimay, her waqit milletning ghémini yep, pütün wujudi bilen millet üchün xizmet qilishqa tirishiwatidu.  Men uningdin tolimu pexirlinimen. 

2. Islam Pul-Muamile Penliri Doktori-Burhan Séti (Malayshiya)

Ilawe: men yéqinda inimiz burhan sétige özümning uni wetendikilerge tonushturush arzuyumning barliqini éyttim. Burhan ukimiz bu iltimasimni xushalliq bilen qobul qildi. Shundaqla u manga özining burun www.alkuyi.com, bbs.misranim.com, www.uchur.com torlirida we ündidarda bir qétim tonushturulghanliqini, emma bezi sewebler tüpeylidin u qétimliq tonushturushqa özi heqqidiki bir qisim uchurlar kirmey qalghanliqini, shunglashqa men uni bu qétim bashqa qérindashlargha qoshup tonushtursam boluwéridighanliqini éytti. Shuning bilen men töwendiki mezmunni oqurmenlerning diqqitige sundum.

1-resim: inimiz burhan 2009-yili 10-ayda anisi bilen malayada uniwérsitétida, magistirliq mektep püttürüshidin bir körünüsh.

Hélimu ésimde, ashu méhri issiq sehra! Hélimu ésimde ,kindik qénim tökülgen ashu zémin, ashu zéminda apiride boldum, ashu zéminda küldüm, ashu zéminda yighlidim... Hélimu ésimde, mekteptiki hayatim, yézamning déhqanchiliq ishliri.... Qoy béqish, yantaq chépish, tek kömüsh, qoylargha helep bérish dégendek, men qilip baqmighan déhqanchiliq ishliri yoqmikin dep oylaymen.....

Siz bu eserni oqughanmu ? Eger oqughan bolsingiz, sizge bu eser nurghun éstétik huzur béghishlighan we nurghun yashlargha ilham bolghan dep éytalaymiz. Mewhum tor dunyasida özining kichikkine hayat kartiniliri bilen nurghunlighan yashlarning yürek tarini chekken bir shexs bar. "déhqan perzentining chet'eldiki sergüzeshtliri", "xarwadqa seper", "birtaniyege sayahet", "déhqan perzentining kéyinki sergüzeshtliri" qatarliq eserlerning aptori bilen tonushqungiz barmu? Undaqta diqqitingiz mezkur maqalide bolsun.

Bu mewhum shexs hazir kulalumpur uniwérsitéti soda-sanaet instituti maliye we islam maliye fakultétining aliy léktori, shundaqla mezkur fakultétning fakultét mudiri, islam pul-muamile penliri doktori. U bolsimu qumul shehirining chilan makani qara döwide tughulup ösken uyghur perzenti - doktor burhan séti.

2-resim: doktorluq unwan alghandiki resim, malayshiya merkizi bankisining banka bashliqi doktor zeti extar doktorluq unwanini bermekte.

Burhan séti 1980-yili 10-ayning 3-küni qumulning qaradöwe yézisida tughulghan. Bashlan'ghuch, toluqsiz we toluq ottura mektepni öz yézisida tamamlap, 1999-yili ela netije bilen daliyen su mehsulatliri uniwérsitétigha qobul qilin'ghan. 2 yilliq teyyarliq oqushini ürümchide su-iliktir mektepte tamamlighandin kéyin, 2001-yilidin 2005-yilighiche toluq kursni daliyende tamamlighan. Bu jeryanda sinipidiki az sanliq millet bolghinigha qarimay, tirishish arqiliq dölet oqush mukapati, uniwérsitét oqush mukapati, ilghar sinip kadiri, öchte yaxshi oqughuchi, daliyen sheherlik ilghar mektep püttürgen shexs qatarliq netijiler qolgha keltürgen. Oqushqa bolghan yüksek ishtiyaqi bilen dawamliq oqushni tallap, 2006-yili 3-ayda malayshiyagha oqushqa chiqqan. Qisqighiche 6 ay tirishish arqiliq in'gliz tili ötkilidin ötüp shu yili 12-ayda malaya uniwérsitétning soda-sanaet bashqurush kespining magistir aspirantliqigha qobul qilin'ghan. Oqushi tamamlanmay turupla, malayshiya boyiche 2-derijilik chong shirket sayim darbigha xizmetke qobul qilin'ghan. Bir tereptin oqup bir tereptin ishlep 2008-yili 12-ayda magistirliq oqushini tamamlighan. 2009-yili 9-ayda 40 neper oqughuchi ichidin tallinip chiqip malayshiya merkizi bankisining toluq oqush mukapat puli bilen malayshiya islam pul-muamile uniwérsitétning doktorluq oqushigha kirgen. Shundaqla oqushqa bolghan muhebbiti bilen qisqighiche 3 yil ichide doktorluq uqushini tamamlighan. Shundaqla mektipidiki birdinbir 3 yil ichide oqush püttüreligen oqughuchi bolup qalghan.

Xulasilep éytqanda, qisqighiche 6 yil jeryanida, oqush jehettin éytqanda, u til ötkilidin ötüp, magistir we doktor oqushini tamamlighan; xizmet jehette, sayim darbiydin ibaret bir chong shirkette 2 yil ishligen, shundaqla doktorluq oqush jeryanida 1 yildin köprek tetqiqat yardemchisi bolup ishligen; aile jehette, inaq aile qurup uch perzentlik bolghan; uqush jeryanida, xaward, oksford, durham uniwérsitétlirida ötküzülgen islam pul-muamile ilmi tetqiqat yighinlirigha qatnashqan. Oqughuchi bolushigha qarimay, amérika, en'gliye, gérmaniye, gollandiye, firansiye, chéx jumhuriyiti, türkiye, seudi erebistan, sin'gapor qatarliq döletlerde ilmi tetqiqat yighini, islam pul muamile yighinliri üchün ziyarette bolghan. 2012-yili 7-ayda ötküzülgen malayshiya maliye jem'iyiti ötküzgen 14-qétimliq yighinida doktorluq ilmi maqalisi ilghar ilmi maqale bolup bahalinip, shu yili 10-ayda uyghurlardin tunji bolup, islam pul muamile kespide doktorluq unwani alghan.

3-resim: islam pul-muamile kespidiki bir qisim oqughuchilar bilen bille

2012-yili 12-aydin étibaren, bu pexirlik oghlanimiz kulalumpur uniwérsitétning soda-sanaet instituti maliye we islam maliye fakultétining aliy léktori bolup ishlep kelmekte. Bir yilgha yetmigen waqit ichide mektep rehberlikining étirap qilishigha ériship, 2013-yili 7-aydin bashlap, bu fakultétning fakultét mudirliq wezipisi üstige aldi. Bu ikki yil jeryanida, 7 parche ilmi maqalisi xelq'araliq jurnallarda élan qilindi, shundaqla en'gliye, awstraliye, türkiye we malayshiyada ötküzülgen ilmi tetqiqat yighinlirigha 10 parchidin artuq ilmiy maqale qatnashturdi. Awstraliyediki soda sanaet muhakime yighinda uning maqalisi maliye türi boyiche yene bir qétim ilghar ilmiy maqale bolup bahalandi.

Burhan séti özining üzlüksiz tirishchanliq rohi bilen toxtimay tirishmaqta. Xizmetke chiqqandin kéyinmu, uda 4 mewsum oqughuchilar teripidin 150 ke yéqin oqutquchilar ichide eng yaxshi oqutquchi bolup bahalandi. 2012-2013 yilliq oqush-oqutush, tetqiqat, memuri xizmet qatarliq mektep yilliq xulasiside %93 netije bilen yene eng yaxshi nomurgha érishken. Bu utuqlirini yene bir qétim tilgha élishqa erziydu. Hazir u islam bankichiliqi, islam kapital baziri, islamche bayliq bashqurush, islam pul-muamilisi qatarliq penlerdin ders bermekte. Uning tetqiqat nishani islam pul muamilisi, köp xillashturup meblegh sélish, kapital baziri we islam pay chéki.

Kesiptiki estayidilliqi we kesipke bolghan muhebbiti bilen ikki döletlik uniwérsitétning yeni uniwérsitéti malaya we malayshiya xelq'ara islam uniwérsitétning we bashqa ikki shexsi uniwérsitétning xizmetke chaqirishigha muyesser bolghan, kesipte téximu mukemmellishish üchün, malayshiya xelq'ara islam uniwérsitétigha xizmetke chüshüsh aldida turmaqta.

Doktorning ayali bolsa shinjang uniwérsitétidiki tilshunas nesrulla yolboldining qizi. Doktorning ayalimu 3 perzentning anisi bolghinigha qarimay, 2012-yili 10-ayda maarip bashqurush saheside magistirliq unwanini aldi. Hemde hazir doktorluq oqushining penlirini tamamlap, ilmiy tetqiqat maqale üstide izdenmekte. Pat arida yene bir uyghur doktorlar qatarigha qoshulghusi.

4-resim: ayali perzane nesrullaning 2012-yili 10-ayda magistirliq oqushini tamamlash murasimida

Eng axirida bu yash doktorimizning téximu yaxshi netijilerni qolgha keltürüshini, kesip jehette téximu mukemmelliship islam pul muamilisining tereqqiyati üchün özining bir kishilik hessisini qoshushini yaratquchidin tileymiz. Ailisige xatirjemlik, amet we bext tileymiz.

5-resim: inimiz burhan 2014-yili 6-ayda en'gliye lenkastir uniwérsitétida islam pul muamile yighinida.

6-resim: inimiz burhanning chong we otturanchi qizi - shehide we sherife, her ikkilisi malayshiyada tughulghan, lékin uyghur tili nahayiti yaxshi, bashqa tillar bilen almashturmay sözleydu. Chong qizi shehide 6 yashqa kirmey turupla uyghurtili we erebchidin sawati chiqip bolghan we in'gliz tili bilen malay tilinimu bilidu.

7-resim: inimiz burhanning bash doktor yétekchisi - mensur masix

8-resim: inimiz burhanning 2-qol doktor yétekchisi - obeydulla ismah baqa

9-resim: mektep mudiri bilen bille - seyid osman elxebshi

10-resim: inimiz burhan 2012-yili 3-ayda xaward uniwérsitétida

11-resim: inimiz burhan 2011--yili 7-ayda en'gliye durham uniwérsitétida

12-resim: inimiz burhan 2011-yili 7-ay we 11-ayda ikki qétim oksford uniwérsitétida ziyarette we ilmi tetqiqat yighinida boldi

13-resim: inimiz burhan birleshken döletler uniwérsitéti (malayshiya döletlik uniwérsitétida tetqiqat merkizi bar) saghlamliq penliri doktori nametjan muhemmetning mektep püttürüsh murasimida

14-resim: inimiz burhanning qéyin atisi tilshunas nesrulla yolboldi bilen qéyin apisi hemrah appay kuwalalumpur uniwérsitétida ziyarette boldi

15-resim: inimiz burhan 2013-yili 11-ayda awstraliye sepiride

3.    Doktor Mexmut Yasin (Yaponiye)

1-resim: Doktor Mexmut Yasin

Inimiz Mexmut Yasin 1968-yili Atush shehride tughulghan.  U 1975-yilidin 1985-yilighiche Uyghur yéngi ma’aripigha asas salghan ,ilim-pen böshügi sanilidighan Atush shehride bashlan'ghuch we ottura mektepni tamamlidi.

U kichigidin bashlap zérek, ötkür pikirlik, kitap oqushqa hérismen, we Atush balilirigha xas mijez we özgiliki bar bolup yétildi.  Ottura mektepke kiripla uning her sahediki qabiliyiti we pa’aliyetchanliqi közge körünüshke bashlidi.  Mexmut kishini qayil qilarliq öginishke yétekchilik qilish pilanini otturigha qoyup, sinipining öginish hey'etlik  wezipisini tapshurwaldi.  Kishini qayil qilidighini  u bu wezipini iradisini boshashturmay, shundaqla bashqilargha tartturup qoymay, taki toluq ottura mektepni tamamlighuche dawamlashturdi.  U ijtima’iy pa’aliyetlerdimu aktip boldi.  Sen'et we tenterbiye qatarliq her qandaq ishta hemmining aldida mangdi.  Ulugh ghayilerni könglige püküp, izchil türde tirishti.  Her da’im siniplar ara teyyarlaydighan sen'et numurlirida aq xalat kiyip, okul yingnisini tutup, bimarlarni dawalaydighan doxtur rolini élishqa eng mahir idi.  Bu xil qiziqish uning doxtur anisining tesiridin bolghan idi.  Epsuslinarliqi, uning bu shoxliqi we xushalliqliri atisining éghir késelge giriptar bolushi, késilining nahayiti téz sur'ette éghirliship 40 yashning qarisini emdila alghan qiran waqtida  bu dunya bilen menggü xoshlashqanliqi, özining bolsa bir doxtur a’iliside turup atisini qutuldurlmasliqidek ökünüsh azabi bilen axirilashti.  Bu hal uning sebi qelbige bir yara, yaq, toghrisini dégende, kelgüsi nishanini téximu éniq tiklishide iradisini teximu chingitqan bir achchiq kechmish bolup ornidi.  Shundaq qilip u özi közligen aq xalatliq jengchi bolush arzusigha 1985-yili Shinjang Tibbi Inistituti dawalash kespige qobul qilinish bilen ériship, shuningdin étiwaren özining bir yéngi tarixiy sehipisini yézishni bashlidi.

Inimiz Mexmut kichikide ata méhridin waqitsiz  ayrilghan ene shu qabahetlik minutlarni hésabqa almighanda, 40 nechche yilliq hayat musapiside özini bir qétimmu bextsiz, teleysiz ,jasaretsiz, we nabap dep oylapmu baqmidi.  Oylashqimu jur’et qilmidi. Chünki u ene shu  atisining wujudidiki nechche minglighan hayatliq ichidin Allah teripidin tallan'ghan bir hayatliq ikenlikini, ata-anisining shepqitige her da’im razimenlik bildürüshi  we teshekkür éytishi kéreklikini biletti.  Ularning ümidini yerde qoymasliqta izchil tirishish, yene tirishishtin ibaret eng eqelli insan pisxikisi uning sebi baliliq qelbining chongqur qatlimidin orun élip bolghan bolup , ashundaq bir emeliyet Mexmutning hazirqi netijilirining  asasi bolup qaldi.

Insan hayatliq ilmige bolghan qiziqish we késellik üstidin ghalip kélish , hayatqa sewep qilish, hayatliq üchün mulazimet qilishtin ibaret bu aliy burch Mexmutni doxturluq kespide oqushqa muyesser qildi.  Mexmut ushbu kespni  söydi.  Alte yilliq aliy mektep hayatini qedirlidi, we tirishti.  Netijide 1991-yili omumiy netijisi ushbu qarar boyiche 1-bolup, öz arzusi boyiche Uyghur diyarida tunji yuqiri kespiy dawalash merkizi bolup qurulghan Tibbiy Uniwérstét qarmiqidiki ösme késellikler doxtuxanisida  rak késellik tashqi bölüm wrachi bolup ishlidi.  On yilliq kélinikiliq tejribe-sawaqlar uni diyarimizdiki rak késellikige qarshi turup bimarlarni késellik azabidin tüptin xalas qilishning, rakni baldur bayqash, baldur di’agnoz qoyush , we baldur dawalashning  neqeder muhimliqini roshen halda körsütüp berdi.   Chünki doxturlar dawalashqa tirishiwatqan bimarning 98 pirsenti dégüdek rakning ottura basquchidin halqip, axirqi basquchigha kirip qalghan halette bolup, hayati tolimu qisqa, yaki hayatliq sapasi tolimu töwen idi. 

Mana mushundaq ré’alliq tüpeylidin Mexmut bir kélinikiliq doxtur bolush süpiti bilen öz mes’uliyitini ada qilalmasliqtek rohiy azaptin xali bolalmidi.  Uningda tibabet tereqqiy qilghan, bolupmu rak késellikige baldur di’agnoz qoyush we dawalashta dunya serkisi we bashlamchisi boluwatqan Yaponiyede öz arzusigha yétish imkaniyiti barliqini tonup yetti.  U téximu yuqiri pellidiki bilim élish istikide döletlik sehiye ministirliki teripidin élip bérilghan qatmu-qat  sinaqlar we tallashlardin ötüsh netijiside, Uyghur diyaridin chiqqan, pütün memliket boyiche tallan'ghan 100 kishi ichidiki birdin-bir Uyghur bolush süpiti bilen, iptixarliq ichide 2001-yili Yaponiyige oqushqa keldi. 

Tirishish we shija’et uningda yétilgen xaraktér we uningdiki xislet idi.  Yapon ustazi Mexmutqa qayil boldi.  Shuning bilen Mexmut özini nahayiti teleylik we bextlik hés qildi.  Uning oqutquchisi Mexmutni hem ustaz hem atiliq méhri bilen yéteklilshi netijiside, u 2006- yili jiger rakini baldur bayqash we molékuliliq nishanlap dawalash toghrisidiki tetqiqat netijisi bilen molékula xirorgiyelik dawalash ilmide doktorluq unwanigha érishti.

2-resim: Inimiz Mexmut doktorluq unwanigha érishken waqittiki bir körünüsh

Shuningdin étiwaren Mexmut bir qanche chong tiptiki Yapon döletlik tetqiqat türlirige biwaste qatniship, hemde kespiy tarmaqlarda bash yétekchi bolup ishlep, bir qanche türlerni tamamlidi.  Buning ichide, kélinikiliq tetqiqatlarda, we oqu-oqutush we kélinikiliq dawalash ishlirida köwrüklük roligha ige köp qatlam we yurushleshken klinikilik-patologiyelik-molékuliliq höjjet ambirini qurup chiqish tetqiqati Yaponiyening ashu sahediki boshluqining bir qismini toluqlidi.  Shu jeryanda Mexmut Uyghurlardin bir qanche shagirt doktorlarni terbilesh we yéteklesh imtiyazighimu érishti.  Ashundaq xizmet Mexmutning xelqimizge we yurtimizgha qayturalighan wijdan burchining yoruq namayendisi boldi. 

Inimiz doktor Mexmut Yasin yashlirimizgha peqet bir qanche ibarini tewsiye qilidu: Özige ishinish, ozini qedirlesh, we öz ghayisi üchün özlüksiz tirishish.

3-resim: Inimiz Mexmut xizmet ishlewatqan waqittiki bir körünüsh

4-resim: Inimiz Mexmutning a’ilisidikiler

5-resim: Inimiz Mexmut xizmet ishlewatqan waqittiki bir körünüsh

6-resim: Ongdin solgha: Mexmut Yasin, Bilimxumar, Mexmutning ayali, we Bilimxumar ayali Aman’gül.  Bu resim 2013-yili 10-ayda Istanbulda tartilghan.  Shu qétim Mexmut Istanbulda échilghan Uyghur Akademiyisining ilmiy doklat yighinigha qatniship, özi élip bériwatqan tetqiqat üstide bir meydan ilmiy doklat bergen idi.

7-Resim: Men 2012-yili 12-ayda Yaponiyege oghlum bilen sayahetke barghanda, Tokyo Uniwérstétida Tokyo rayonida oquwatqan we ishlewatqan Uyghur qérindashlargha özüm NASA’da qiliwatqan ishlar toghrisida bir meydan ilmiy doklat berdim.  Buninggha Mexmut Yasin ukimizmu qatnashti.  Bu resim shu qetim yighin zaligha ketiwatqan yol üstide tartilghan.  Bu resimde men burun tonushturghan doktor Dilshat Abla, doktor Nasirhaji Memtili, we doktor Gheyret Ghéni, shundaqla men téxi tonushturmighan Gheyret Kenji we Rustem qatarliq ukilarmu bar.

4. Doktor Burhan Séti Élan Qilghan Ilmiy Maqalilerning Tizimliki (In'glizche):

Journal Papers:

[1] Saiti, Buerhan, Mansur Masih & Obiyathulla Ismath Bacha, "Testing the Conventional and Islamic Financial Market Contagion: Evidence from Wavelet Analysis", (2014) (accepted by Emerging Markets Finance and Trade, subject to satisfactory revision).

[2] Saiti, Buerhan., Mansur Masih, & Obiyathulla Ismath Bacha, (2014), “The Diversification Benefits from Islamic Investment during the Financial Turmoil: The case for the U.S-based Equity Investors”, Borsa Istanbul Review, 14(4):196-211.

[3] Saiti, Buerhan, (2014), “Integration between the Conventional and Islamic Stock Indices with the US stock market: Evidence from Cointegration Analysis”, Australian Journal of Basic and Applied Sciences, 8(10) July 2014, Pages: 18-30. • Zafar U Ahmed, Osama Sam AL-KWIFI, Buerhan Saiti, Md Nor Bin Othman, (2014) "Consumer Behavior Dynamics of Chinese Minorities", Journal of Technology Management in China, Vol. 9 Iss: 1.

[4] Saiti, Buerhan., Azlan Ali, Naziruddin Abdullah, & Sulaiman Sajilan, (2014) “Palm oil price, exchange rate, and stock market: A Wavelet Analysis on the Malaysian Market”, Eurasian Journal of Economics and Finance, 2(1):13-27.

[5] Saiti, Buerhan., Ginangar Dewandaru & Mansur Masih, (2013), “A Wavelet-based Approach to Test for Shariah-complaint Stock Market Contagion: Evidence from ASEAN Countries”, Australian Journal of Basic and Applied Sciences, 7(7): 268-280. • Saiti, Buerhan., Obiyathulla Ismath Bach, & Mansur Masih, (2013), “Estimation of Dynamic Conditional Correlations of Shariah-Compliant Stock Indices through the Application of Multivariate GARCH Approach”, Australian Journal of Basic and Applied Sciences, 7(7): 259-267.

[6] Saiti, Buerhan., Md Nor Othman, Susan Stone, & Zafar U Ahmed, (2011), "Buying Behavior of Uyghur (Turkish Muslims) in China for Halal Products: Global Marketing Implications", Southwest Review of International Business Research, Vol. 22 (1), pp. 51—60.

Conference papers:

[7] Saiti, Buerhan., “The Awareness and Attitude towards Islamic Banking: A Study in Malaysia”, the 15th International Conference of the Global Academy of Business & Economic Research, Orlando, USA, March 2015. • Saiti, Buerhan., Mansur Masih, & Obiyathulla Ismath Bacha, (2014), “Is the global leadership of the US financial market over other financial markets shaken by 2007-2009 financial crisis? Evidence from Wavelet Analysis”, Eurasia Business Research conference, Istanbul, Turkey, 16-18 June 2014.

[8] Saiti, Buerhan., Abdul Razak Abdul Hadi, Ahmad Monir Abdullah & Naziruddin Abdullah, (2014), “Who drives East Asian economy after the collapse of Lehman Brothers?”, 16th Malaysian Finance Association Conference 2014, Kuala Lumpur, Malaysia, 4-6 June 2014.

[9] Ahmad Monir Abdullah, Buerhan Saiti, & Mansur Masih, (2014), “Causality between Stock Market Index and Macroeconomic Variables: A Case Study for Malaysia”, Australian Academy of Business and Social Sciences Conference, 25- 26 August 2014, Kuala Lumpur, Malaysia.

[10] Abdul Razak Abdul Hadi & Tahir Iqbal, Buerhan Saiti, “Technological Capability as Key Determinant in attracting Foreign Direct Investment in Indian Sub-Continent”, Society of Interdisciplinary Business Research Conference, 1-3 September 2014, Hong Kong.

[11] Ahmad Monir Abdullah, Buerhan Saiti, & Mansur Masih, (2014), “Diversification in Crude Oil and Other Commodities: A Comparative Analysis”. Australian Academy of Business and Social Sciences Conference, 25 - 26 August 2014, Kuala Lumpur, Malaysia.

[12] Ahmad Monir Abdullah, Buerhan Saiti, & Mansur Masih, (2014), “The Impact of Crude Oil Price on Islamic Stock Indices of South East Asian (SEA) Countries: A Comparative Analysis”, 4th Islamic Banking and Finance conference in Lancaster University, UK, 23-24 June 2014 and 16th Malaysian Finance Association Conference 2014, Kuala Lumpur, Malaysia, 4-6 June 2014.

[13] Saiti, Buerhan., Mansur Masih, & Obiyathulla Ismath Bacha, (2013), “Are Islamic Stock Indices ‘safe-haven’ for US-based Investor: Evidence from Multivariate-GARCH analysis”, 23rd International Business Research Conference , Melbourne, Australia, 18 – 20 November 2013. This paper received Best Prize award.

[14] Saiti, Buerhan., Azlan Ali, Naziruddin Abdullah, & Sulaiman Sajilan, (2013), “Palm oil price, exchange rate, and stock market: A Wavelet Analysis on the Malaysian Market”, 15th Malaysian Finance Association Conference 2013, Kuala Lumpur, Malaysia, 2-4 June 2013.

[15] Saiti, Buerhan., Mansur Masih, & Obiyathulla Ismath Bacha, (2012), “Testing the Contagion between Conventional and Shari’ah-Compliant Stock Indexes: A Wavelet Analysis”, Proceedings of the 14th Malaysian Finance Association Conference 2012, pp. 1041-1062, Penang, Malaysia, 1 - 3 June 2012. The improved version of this paper was presented at 4th Islamic Banking and Finance conference in Lancaster University, UK, 23-24 June 2014.

[16] Saiti, Buerhan., Ginangar Dewandaru & Mansur Masih, (2011), “A Wavelet-based Approach to Test for Shariah-complaint Stock Market Contagion: Evidence from ASEAN Countries”, Islamic Civilisation Conference, Oxford, UK, 12 November 2011.

[17] Saiti, Buerhan., Mansur Masih, (2011), "The Co-movement of Selective Conventional and Islamic Stock Markets in East Asia: Is There any Impact on China and Shariah Compliant Stock?", INAUGURAL ISRA COLLOQUIUM: Innovation in Islamic Finance: Shariah Driven or Market Driven, Kuala Lumpur, Malaysia, 28 June 2011.

[18] Saiti, Buerhan & Md Nor Othman, (2010), “Determinants of Halal Meat Consumption in China”, 1st International Conference on Islamic Marketing & Branding: Exploring Issues and Challenges, Kuala Lumpur, Malaysia, 29-30 November 2010.

5.     Doktor Mexmut Yasin Élan Qilghan Ilmiy Maqaliler Tizimliki (Én’glizche):

[1] Takahashi M, Obayashi M, Ishiguro T, Sato N, Niimi Y, Ozaki K, Mogushi K, Mahmut Y, Tanaka H, Tsuruta F, Dolmetsch R, Yamada M, Takahashi H, Kato T, Mori O, Eishi Y, Mizusawa H, Ishikawa K. Cytoplasmic location of ?1A voltage-gated calcium channel C-terminal fragment (Cav2.1-CTF) aggregate is sufficient to cause cell death. PLoS One. 2013;8(3): e50121. doi: 10.1371/journal.pone.0050121. Epub 2013 Mar 7.

[2] Kato Sato, Shinji Tanaka, Yusuke Mitsumori, Kaoru Mogushi, Mahmut Yasen, Arihiro Aihara, Daisuke Ban, Takanori Ochiai, Takumi Irie, Atsushi Kudo, Noriaki Nakamura, Hiroshi Tanaka, and Shigeki Arii. Contrast-enhanced intraoperative ultrasonography for vascular imaging of hepatocellular carcinoma; clinical and biological significance. Hepatology, 2013; 57(4): 1436-47

[3] Mayinuer Abudureheman, Mahmut Yasen, Kaoru Mogushi, Gulanbar Obulhasim, Maimaiti Xieraili, Arihiro Aihara, Shinji Tanaka, Hiroshi Tanaka, and Shigeki Arii. The Up-regulation of protein tyrosine phosphatase type IVA, member 3 (PTP4A3/PRL-3) associated with tumor histological differentiation and poor prognosis in human hepatocellular carcinoma. Ann Surg Oncol, 2013?20?305-317.

[4] Gulanbar Obulhasim, Mahmut Yasen, Kazunori Kajino, Kaoru Mogushi, Shinji Tanaka, Hiroshi Mizushima, Hiroshi Tanaka, Okio Hino, Shigeki Arii. Up-Regulation of dbpA mRNA in hepatocellular carcinoma associated with metabolic syndrome. Hepatol Int, 2013;7 (1): 215-225.

[5] Maimaiti Xieraili, Mahmut Yasen, Kaoru Mogushi, Gulanbar Obulhasim, Abudureheman Mayinuer, Arihiro Aihara, Shinji Tanaka, Hiroshi Tanaka, and Shigeki Arii. Villin 1 is a predictive factor for the recurrence of high serum ?-fetoprotein associated hepatocellular carcinoma after curative hepatectomy. Cancer Sci 2012; 103 (8): 1493-1501.

[6] Mahmut Yasen, Gulanbar Obulhasim, Kazunori Kajino, Kaoru Mogushi, Hiroshi Mizushima, Shinji Tanaka, Hiroshi Tanaka, Okio Hino and Shigeki Arii. DNA binding protein A expression and methylation status in hepatocellular carcinoma and the adjacent tissue. Int J Oncol 2012; 40: 789-797.

[7] Yuki Katayama, Moegi Maeda, Ken Miyaguchi, Shota Nemoto, Mahmut Yasen, Shinji Tanaka, Hiroshi Mizushima, Yutaka Fukuoka, Shigeki Arii and Tanaka Hiroshi. Identification of pathogenesis-related microRNAs in hepatocellular carcinoma by expression profiling. Oncol Let 2012; 4: 817-823.

[8] Ken Miyaguchi, Yutaka Fukuoka, Hiroshi Mizushima, Mahmut Yasen, Shota Nemoto, Toshiaki Ishikawa, Hiroyuki Uetake, Shinji Tanaka, Kenichi Sugihara, Shigeki Arii, and Hiroshi Tanaka. Genome-wide integrative analysis revealed a correlation between lengths of copy number segments and corresponding gene expression profile. Bioinformation 2011; 7(6): 280-284.

[9] Shinji Tanaka, Kaoru Mogushi, Mahmut Yasen, Daisuke Ban, Norio Noguchi, Takumi Irie, Atsushi Kudo, Noriaki Nakamura, Hiroshi Tanaka, Masakazu Yamamoto, Norihiro Kokudo, Tadatoshi Takayama, Seiji Kawasaki, Michiie Sakamoto, and Shigeki Arii. Oxidative stress pathways in noncancerous human liver tissue to predict hepatocellular carcinoma recurrence: A prospective, multicenter study. Hepatology 2011; 54: 1273-1281.

[10] Kenichiro Yoshitake, Shinji Tanaka, Kaoru Mogushi, Arihiro Aihara, Ayano Murakata, Satoshi Matsumura, Yusuke Mitsunori, Mahmut Yasen, Daisuke Ban, Norio Noguchi, Takumi Irie, Atsushi Kudo, Noriaki Nakamura, Hiroshi Tanaka, and Shigeki Arii. Importin-alpha1 as a novel prognostic target for hepatocellular carcinoma. Ann Surg Oncol 2011; 18: 2093–2103.

[11] Ayano Murakata, Shinji Tanaka, Kaoru Mogushi, Mahmut Yasen, Norio Noguchi, Takumi Irie, Atsushi Kudo, Noriaki Nakamura, Hiroshi Tanaka, and Shigeki Arii. Gene expression signature of the gross morphology in hepatocellular carcinoma. Ann Surg 2011; 253 (1): 94-100.

[12] Gulanbar Obulhasim, Hiroshi Fujii, Toshiro Matsumoto, Mahmut Yasen, Masaaki Abe,  Shoji Matsuoka, Naomi Ohtsuji, Okio Hino. Mesothelin gene expression and promoter methylation/hypomethylation in gynecological tumors. Eur J Gynaecol Oncol 2010; 31 (1):63-71.

[13] Shinji Tanaka, Kaoru Mogushi, Mahmut Yasen, Norio Noguchi, Atsushi Kudo, Noriaki Nakamura, Koji Ito, Yoshio Miki, Johji Inazawa, Hiroshi Tanaka, and Shigeki Arii. Gene-expression phenotypes for vascular invasiveness of hepatocellular carcinomas. Surgery 2010; 147 (3): 405-414.

[14] Arihiro Aihara, Shinji Tanaka, Mahmut Yasen, Satoshi Matsumura, Yusuke Mitsunori, Ayano Murakata, Norio Noguchi, Atsushi Kudo, Noriaki Nakamura, Koji Ito, Shigeki Arii. The selective Aurora B kinase inhibitor AZD1152 as a novel treatment for hepatocellular carcinoma. J Hepatol 2010; 52: 63–71.

[15] Shinji Tanaka, Kaoru Mogushi, Mahmut Yasen, Norio Noguchi, Atsushi Kudo, Toshiaki Kurokawa, Noriaki Nakamura, Johji Inazawa, Hiroshi Tanaka, Shigeki Arii. Surgical contribution to recurrence-free survival in patients with macrovascular-invasion-negative hepatocellular carcinoma. J Am Coll Surg 2009; 208:368-374.

[16] Mahmut Yasen, Hiroshi Mizushima, Kaoru Mogushi, Gulanbar Obulhasim, Ken Miyaguchi, Kazuhiko Inoue, Izumi Nakahara, Tsutomu Ohta, Arihiro Aihara, Shinji Tanaka, Shigeki Arii and Hiroshi Tanaka. Expression of auroraB and their alternative variant forms in hepatocellular carcinoma and the adjacent tissue. Cancer Sci. 2009; 100 (3):472-480.

[17] Shinji Tanaka, Shigeki Arii, Mahmut Yasen, Kaoru Mogushi, Su NT, Zhao C, Imoto I, Eishi Y, Inazawa J, Miki Y, Tanaka H. Aurora kinase B is a predictive factor for the aggressive recurrence of hepatocellular carcinoma after curative hepatectomy. Br J Surg 2008; 95(5): 611-619.

[18] Hiroshi Tobita, Kazunori Kajino, Kouichi Inami, Sayaka Kano, Mahmut Yasen, Osamu Imamura, Yoshikazu Kinoshita and Okio Hino. Gene expression profile of DNA binding protein A transgenic mice. Int J Oncol 2006; 29(3): 673-679.

[19] Mahmut Yasen, Kazunori Kajino, Sayaka Kano, Hiroshi Tobita, Junji Yamamoto, Takeshi Uchiumi, Shigeyuki Kon, Masahiro Maeda, Gulanbar Obulhasim, Shigeki Arii, and Okio Hino. The up-regulation of Y-box binding proteins (DNA binding protein A and Y-Box binding protein -1) as prognostic markers of hepatocellular carcinoma. Clin Cancer Res 2005; 11 (20): 7354-61.

[20] Yasuo Arakawa, Kazunori Kajino, Sayaka Kano, Hiroshi Tobita, Junpei Hayashi, Mahmut Yasen, Mitsuhiko Moriyam, Yasuyuki Arakaw, Okio Hino. Transcription of dbpA, a Y box binding protein, is positively regulated by E2F1: implications in hepatocarcinogenesis. Biochem Biophys Res Commun 2004; 322:297-302.

[21] Mahmut Yasen, Lian-Wen Yuan, Xu Hong, Wei Tang. The process in non surgical treatment of hepatocellular carcinoma. Foreign Medicine Tumor 2003; 30(3): 217-219. (Chinese)

[22] Mahmut Yasen, Wei Tang, Ya-Zhou Shi, Toshiro Konishi, Masatoshi Makuuchi. Clinical significance of expression of focus gycoprotein in gastric carcinomas. Japan-China Medicine 2002,364-366?(Japanese)

Bu maqalini Tursun Ertuna, Almire Muhemmet we Dilber Xémit ukilirimiz tehrirlidi. 

Aldinqi « Netijilik Uyghurlar (9)» ning Tor Adrési:

http://bbs.izdinix.com/thread-63473-1-1.html
http://bbs.bagdax.cn/thread-29516-1-1.html
http://www.ejdad.com/bbs/forum.php?mod=viewthread&tid=3268
http://www.alganur.cn/mb/forum.php?mod=viewthread&tid=3359
http://bbs.bozqir.top/forum.php?mod=viewthread&tid=7066
http://bbs.alkuyi.com/thread-50810-1-1.html

Bu maqalini héchkimdin sorimay, menbesini bergen asasta bashqa her qandaq torgha chiqarsingiz, yaki élkitabqa oxshash bashqa her qandaq shekilde ishletsingiz boluwéridu. Bu maqale barliq uyghurlargha mensup.

© Copyright 2014 Uyghur Meripet  Torbéti 

Visits Number